شاركي في النقاش

سجلي الدخول لإضافة تعليق.

التعليقات

1,551
  1. @elrahma

    مميزات
    اهلا بيكى ياجميل معانا من حوارك حاسة انك محتارة وكمان فى نفس الوقت مستعجلة انا مش عارفة اىه مشكلتك بس حقول لك انى كل شىء مقدر بوقته عند الله فلا تستعجلى قدر الله الا بالدعاء والتسليم التام لارادة الله ومداومة الاستغفار حتى يطمئن قلبك فتاخذ…
    جزاكي الله خيرا يا ستي ودي حكايتي
    انا يا ستي حكايتي حكاية
    انا متجوزة من سنة و10شهور وطبعا من أول شهر في جوازي وانا في انتظار الحمل لأني هموووووووووووت وأبقى أم يارب متحرمنيش من هذه النعمه
    المهم طبعا لفيت على دكاترة كتير وكانوا اول حاجه بيعملوها يدوني منشطات والحمد لله انا من قراياتي في منتديات كتيرة عن اضرار المنشطات والكلوميد كنت برفضه وما أخدتش غير مرة واحدة (قبل عملية المنظار) كلوميد مع أبر مريونال مع برجنيل أبره تفجير وربنا والحمد لله على كل حال لم يكتب ليه الحمل وقررت اني مش هستمر في المنشطات لانها ممكن تسبب لي مشاكل


    وفعلا غيرت الدكتور وربنا هداني لدكتور ربنا يكرمه يارب قالي انا هتابع معاكي التبويض الأول من غير اي حاجه 3 شور وبعدين نقرر نعمل ايه ... وخلال الفترة كان سألني عملتي عمليات قبل كده وحكيتله ان من 15 سنه كان فيه انفجار في الزائدة الدودية والحمد لله لحقوني وانا كويسة .... وبعد 15 سنه اما الحمل اتأخر كنت بسأل الدكاترة يقولولي لا مفيهاش مشكلة

    المهم يا حبيبتي الدكتور الجديد بعد اما تابع التبويض 3 شهور وكان بيحدد أيام الجماع بيني وبين زوجي ووجد انه ما حصلش حمل خيرني ما بين اختيارين انه يلجأ للمنشطات أو الأسلم انه يعملي عملية منظار استكشافي ويشوف فيه ايه لانه كان شاكك ان عملية الزايدة تكون سببت التصاقات في قناة فالوب

    أعصاااااااابي انهاااااااااااارت وكنت هموت من الخوف واستشارت نااااس كتير وكانوا خايفين من العمليه واني اكتفي بس بعمل أشعة الصبغة وناس كتير حدرتني منها

    رجعت استشير الدكتور تاني قالي ان الاشعة ممكن نتائجها غلط
    المهم أنا أسفة اني بطول عليكي لكن والله ده من غلبي ومن احتياجي لدعائكم ولنصايكم ليا

    عملت المنظار الحمد لله الحمد لله على كل حال الدكتور قالي ان في عملية الزايدة من 15 سنة تم استئصال المبيض الأيمن وقناة فالوب اليمني وان الحمد لله الحمد لله يارب احمدك واشكر فضلك ان المبيض الشمال موجود بس الانبوب الايسر كان متني وكانت الصبغة مش بتمر فيه والدكتور عمل تدخل جراحي والحمدلله صلح الانبوب والحمدلله احمدك يارب واشكر فضلك الصبغة مشيت

    بعد العملية (أول شهر) رحت للدكتور ومالقاش عندي تبويض خالص وقالي ان ده طبيعي من اثر العملية والأدوية وقالي احنا لازم نلجأ لمنشطات لمدة 6 شهور

    وفعلا كتب لي على منشطات لمدة من شهرين ل 3 شهوور وانا أخدتها بس تعبت اووووووووووووي منها وكانت نفسيتي في الأرض وبعد كده ريحت شوية من المنشطات واتصلت بدكتور عادل وقالي انه كان في خطورة من عمل المنظار بس ربنا ستر

    وبعد كده رحت للدكتور عادل جزاه الله خيرا العياده عمل التحليلات ولقى ان هرمون اللبن وهرمونات الغدة الدرقية فيها خلل ونصحني اني اظبطها الأول واداني ادوية واما استمر على منشطات لمدة 3 شهور كمان او اني اعمل حقن مجهري في مركز آدم او جنين عشان هرمون الاف اس اتش ابتدى يعلى

    انا احتارت ما بين المركزين بصراحة وهعمل استخارة
    بصي هو مركز جنين نسبة النجاح فيه عليا وبيستخدموا تقنيات حديثة جدا ودكتور حسام شاطر جدا
    بس عيبه انه بعيد جدا عليا خصوصا مع ظروف عمل زوجي وغالي جدا حاسه انهم بيستهبلوا وكدا دكتور قالي كده وكمان لو الدكتور حسام مش هو اللي معملكيش العملية يبقى صباح الفل

    آدم ميزاته انه قريب من البيت كتير اوي عن التاني وهو برضو بيقولو عنه انه مركز محترم ومش غالي زي جنين
    بس عيبه انه تخصص اكتر امراض دكورة اللي تخص الزوج مش الزوجة وهو مش مشهور زي التاني ومسمعتش عن اي دكتور فيه كويس قصدي ان الدكاترة هناك مش معروفين واما بسأل البنات في المنتديات محدش يعرفه

    ايه ده دانا رغاااااااايه اوووووووووي



    انا متوجهه لله عز وجل هو كريم قادر انه يكرمني
  2. الرحمة حبيبتى اهلا بيكى معانا
    انا ياستى حكايتى كانت من تالت شهر بعد الجواز اكتشفت ان جوزى عنده مشاكل والحمد لله الدكاترة نصحونى بعمليه حقن مجهرى وتوكلت على الله وعملت استخارة ورحت لدكتور اسماعيل ابو الفتوح بيجى على قناة الحياة الساعة 2 يوم الاحد

    وبفضل من الله وارادته تم الحمل وانا الان فى الشهر التالت ادعيلى ربنا يكملى على خير
    على فكرة انا رحت للدكتور ده لانى كنت عايزة مكان مش زحمة زى ابو الغار وجنين رغم انى كنت حاجزة فيهم
    وبالنسبة لشطارة الدكتور صدقينى لو رنا رايد عمر ما فى حاجة هتقف امام ارداته
    توكلى على الله وصلى استخارة وربنا معاكى
  3. صباح الخيرات يابنات
    انا رايحة لدكتور تانى على الساعة 5 كدة ان شاء الله
    هستشريه فى بعض الحاجات واطمن على البيبى
    لانى موسوسة جدا
    ربنا يعين يارب
  4. @hzn79

    اهلا بحبيبتى رمال تعرفى انا ماكنتش مستعجله نهائى ولكن بعد الزواج مباشرتا حصلى مشكله اكرمكم الله فى البول وعملت تحاليل وكشوفات طلع عندى التهاب ومن خلال الكشف الدكتوره قالت انه عندى لحميه وقرحه ولازم ازالتهم لانه مش حيحصل حمل ومن جهلى لانى ماكنتش افهم فى الامور هده استعجلت وعملتهم تعرفى الان اى دكتور بروحله بيقولى استعجلتى واللحميه لم تزال نهائى بس الحمدلله عل كل حال ومن هنا بدات رحله علاجى ..
    كلامك زى العسل وربى يجبر بخاطرك ويسمع منك ربى انا ادعولى ربى ييسر امورى لانه المفروض اسافر قبل 15_11

    اهلا بااختى الرحمه نورتى التجمع انا متاكده انك حتنبسطى هنا وترتاحي وحتلاقى هالمكان هو المنفس الحنين ليك وبالنسبه لقصتى سبق ودكرتها وربى يكرمك يارب عن قريب
    كيفك اختى مميزات الله يحفظلك حماده يارب
    اوشى الله يقومك بالسلامه وتشوفى ابنك بين ايديك فى أثم الصحة يأرب
    وطبعا تحياتى لكل الحلوات اللى هنا دون استتنا لانى لسه محفظتش الاسماء:(
  5. @mama1983_1

    Elrahma
    جزاكي الله خيرا يا ستي ودي حكايتي انا يا ستي حكايتي حكاية انا متجوزة من سنة و10شهور وطبعا من أول شهر في جوازي وانا في انتظار الحمل لأني هموووووووووووت وأبقى أم يارب متحرمنيش من هذه النعمه المهم طبعا لفيت على دكاترة كتير وكانوا اول حاجه بي…
    السلام عليكم
    اهلا بيكي معانا يارحمه وان شاء الله تجمعنا ده يكون فاتحة خير عليكي تأثرت جدا لقصتك بس انتي ليه الدكتور ما قال لكي انو شال المبيض حرام عليه وازي الدكاترة الي كانوا بيتابعوا معاكي التبويض مالاحظوش ان المبيض اليمين مش موجود انت ربنا اكرمك قوي انك عرفتي الحاجات ده قبل فوات الاوان عارفه لو اتأخرت كمان سنه يمكن هرمون الfsh كان ارتفع اكثر وبقى الامل ضعيف جدا
    حبيت قبل ما اعرفك على تجربتي ارد على موضوع مركز جنين
    شوفي مركز جنين هو المركز الي انا عملت فيه تجربتي الاولى مع الحقن المجهري وانا دكتوره وسمعت عن موضوع ان دكاترة الانابيب بيستهبلوا فكنت حريصه اعرف اي تحليل او خطوه عملوها لي
    فعلا دكتور حسام بيطلب فحوصات كثيره بس كلها تقريبا مهمه يعني اول فحوصات طلبها مني كانت فحوصات للبرولاكتين والغده الدرقيه وفحص لهرمون الذكوره واظن ان كل ده مهم جدا نعملها قبل العمليه لان اي لخبطه فيها المفروض تتعالج لانها ممكن تسبب فشل العمليه واحسن ندفع مئات زيادة من اننا ندفع الاف للعمليه وتفشل صح
    الفحوصات الثانيه كانت قبل يوم المنظار وهي فحوصات للكبد وده برضوا مهمه لان في تخدير
    اخر فحوصات هي فحص لثلاث هرمونات هرمون الاستروجين والبرجسترون والlhوده مهمه جدا انا لاحظت ان مراكز كثير في العالم العربي ما بتعملهاش وبعتمدوا على متابعه التبويض وحجم البويضات وده بصراحه تخلف لان تقريبا الدكاتره في الغرب سابوا الطريقه القديمه ده ودلوقتي بقوا حريصين على فحوصات الهرمونات ده مع متابعة التبويض لان الهرمونات ده ممكن تاثر وتدلنا على جوده البويضات انا مثلا كان هرمون الlhعندي عالي ومعروف ان الهرمون ده بيأثر على جوده البويضات ويضعف الاجنه واخذت حقنه غاليه ب200 جنيه عشان يخفضه عشان كده ماشاء الله مركز الدكتور حسام نسب نجاحه عاليه على فكره انا مشتركه في منتدى لنساء امريكيات ولقيت ان اقرب مركز بيتبع نفس الخطوات والتكلنوجيا الي بيستعملوها في امريكا هو مركز دكتور حسام وامريكا هي رقم واحد في العالم في موضوع اطفال الانابيب والطب عموما ولقيت نساء بيسافروا من برطانيا لامريكا عشان يعملوا الانابيب بعد ما تكون فشلت كم مره معاهم في برطانيا وكمان دكتور حسام من الدكاتره القليلين الحرصين انهم يطوروا علمهم هو كان مسافر قبل اسبوعين راح امريكا وقال لي لما ارجع تعالي لي عشان حكون جبت معايا حاجات جديده ان شاء الله تفيدك
    وفي ناس بتقول انهم ما بيشفوش دكتور حسام في متابعه التبويض ولا في العمليه ونهارهم يبقى فل زي ماقلتي ده كلام غلط اولا انتي فاكره انك لما حتروحي مركز ادم حيتابع معاكي دكتور مدحت ولا واحد من الدكاتره الكبار التبويض لا انا صحبتي عملت العمليه في ادم وقالت لي انا تابع معايا التبويض دكتوره وعملي العمليه دكتور لكن دكتور مدحت ولا تابع التبويض ولا عملي العمليه
    مش مهم دكتور حسام هو الي يعملك كل حاجه في حاجات بيتابعها هو وحاجات دكتور هاني انا من تجربتي دكتور حسام هو الي تابع معايا التبويض ودكتور هاني عملي العمليه وبعدين لو النهار فل زي ما بتقولي ما كانش المركز حقق النجاح ده كله
    نيجي بقه للفلوس انا عمليتي كلفت تقريبا 20 وصديقتي الي عملت في ادم برضوا حاجه قريبه من كده يعني مافيش فرق شاسع في الاسعار والناس قعدت تقولي اصلهم بيعملوا الاجانب باسعار اعلى لقيت الكلام ده غلط انا دفعت زي المصرين
    لوفي دكاتره معترضين ان دكتور حسام طريقته مكلفه في العلاج بسبب كثره الفحوصات وانوا بيعمل منظار مهبلي قبل العمليه ده هي طريقته في العلاج واثبتت نجاحها وافتحي ملفات البنات الي بيعملوا عمليات الانابيب في الخليج وشوفي الوحده بتعملها 4 و5 مرات وكل مره تكرار للمره الي قبلها من غير فحوصات ولا تغير في برتكول العلاج عشان تعرفي مين هما الدكاتره المستغلين
    اخيرا انا مش قصدي من الكلام ده ان مركز جنين هو احسن مركز ولازم تعملي فيه هو برضوا له سلبيات زي الانتظار الطويل جدا جدا جدا وتعامل بعض بنات الاستقبال الجاف الي ما عجبنيش خالص وبعض المنسقات بس برضوا في بنات في المركز زي السكر اولهم اميره الي في المعمل ومس ورده ومس ميس ومروه الممرضه العسل وغيرهم كثير
    انا بس بقدم لك النصح مركز ادم ممتاز بس انتي وانا عندنا ارتفاع في هرمون الfshوالحاله ده محتاجه دكتور عندوا خبره في الحكايه ده لانها تقريبا اصعب مرض عقم خاصه لو كان عالي جدا زي بتاعي انا هرموني وصل 29 بس اعتقد ان هرمونك اقل بكثير لانك قلتي ابتدى يعلى

تابعي تجارب أخرى من هذا القسم.