شاركي في النقاش

سجلي الدخول لإضافة تعليق.

التعليقات

1,551
  1. @boba_boba

    السلام عليكم ورحمة الله وبركاته
    مش عارفة اقولكم ولا اوصف لكم انتو واحشنى قد ايه
    بجد انا كنت حاسة انى مفتقداكم جدا بس غصب عنى انتو عارفين انا مريت باصعب الام شفتها فى حياتى
    لكن الحمد لله دلوقتى احسن من الاول بكتير بالرغم من انى لسة معدتى مش متظبطة 100%ى بس على الاقل الامور قربت من الطبيعى
    قدر الله وماشاء فعل
    انا راسلت دكتور عادل تانى بناءا على نصيحتكم وبرضه حذرنى من التنشيط والدكتور هنا بيقولى دى مدارس وانا اللى عملت العملية وعارف وضعك ايه
  2. @boba_boba

    boba boba
    السلام عليكم ورحمة الله وبركاته مش عارفة اقولكم ولا اوصف لكم انتو واحشنى قد ايه بجد انا كنت حاسة انى مفتقداكم جدا بس غصب عنى انتو عارفين انا مريت باصعب الام شفتها فى حياتى لكن الحمد لله دلوقتى احسن من الاول بكتير بالرغم من انى لسة معدتى …
    هو النت ماله بيفصل ليه كده المنتدى بيقفل لوحده
    انا عاوزة اطمن على توتا ايه اخبارها انا مش قادرة اقعد على النت فترات طويلة عشان اقرا اللى فاتنى

    وزوزوو ولوشى ونيفو طمنونى عليهم

    بوسة لرمال واشتقت ومشمشة ومها وام اياد واكسى وشيمولاتا وكل البنات
  3. صاحبة الموضوع
    رمـــــال
    ماما .. حبيبتى انتى منورة وانا مبسوطة بيكى جداااا عارفه ليه .. علشان شايفة انك نسيطة فى الملف بشكل يفرح حقيقى .. ربنا يخليكى للبنات يارب ويرزقك الذرية الصالحة .. وان شاء الله تفرحى يا قلبى وتفرحينا كلنا اوشى .. عملتى ايه عند الدكتور الل…
    صبا ح الخير يا بنات ...

    اولا سلام لنفين حبيبة قلبى ... شفاها الله وعافاها وجعل لها بكل لحظة الم ارتقاء درجة فى الجنة وعوضها خير بالذرية الصالحة اللهم آ’مين .

    ثانيا : المشتاقة لمكة بارك الله فيكى على موضوعك اللى عملتيه لنفين وربنا يارب يجعله فى ميزان حسناتك ويعوضك خير يارب .

    ثالثا : مميزات ... مؤسس رابطة الاخوات المصريات ... عذر الكمبيوتر ده ... انا مش مقتنعة بيه ... بقالك الف وخمسمائة عام غايبة وبعدين تقولى كمبيوتر وبسأل عليكم نفين ... طيب المية تكدب الغطاس ... لما اشوف حتغطسى تانى ولا ايه

    رابعا : ام انس ... اللى بتشتكى دايما من الناس .. انا اهو بسأل عليكى ..انت عاملة ايه .. مبسوط ولا ايه ... الدنيا جميلة معاك ... وبتضحك ولا ايه

    خامسا : زوزو اللى غاوية تنكد على نفسها ... ماسكة سبت ورد وبتقول ... مين يشترى النكد منى وانا بنادىواغنى
    فيه ايه يافقر ... هو انتى مش حامل زعلانه ... حامل زعلانه ... الحقيقة المرة اللى احب اقولهالك ... مافيش وضع تالت غير كده ندعيلك بيه .

    سادسا : اوشى ام فرفش ومرمش ... بطلى قلق وتوتر ... رعشتينى انتى كمان

    سابعا : ام اياد ... ياريت ياحبيبتى بلاش تردد ... وتروحى بقى للدكتور علشان تمشى خطة علاجك ياقمر .

    ثامنا : دودو ام جوجو ... اخبارك ايه ياقمر طمنينا عليكى ..

    تاسعا : هدى هداهيدوا ... اخبار نفساويتك ايه ... يارب تبقى تمام ...ربنا يشفيكى ويعافيكى علشان تعملى عمليتك وتجيبى احلى توم ( توم التنين )

    عاشرا : رماال ... وحشانى قوى فى اليومين اللى فاتو ... اخبار ايه ... واخبار سنسن ايه

    حادى عشر : مهاميهو ... ايه ياقمر ... ميعاد الدورة امتى الهى ماتشوفيها يارب .

    ثانى عشر : اشتقت اليك ... وحشتنى عنيك .... عاملة ايه دلوقت يارب تكونى تمام التمام ... واخبار انوس روقان ايه بيذاكر ولا بيستهبل ... الله يعينك عليه يارب وعلى خواته اللى فى علم الغيب .

    ثالث عشر :رحمة ... رحمة من السماء .... ازيك عاملة ايه ... انا النهارده جاية والحيرة قتلانى ومن ساعة ماقريت مشاركتك اتلخبطت زيادة .... ربنا يعينك يارب ... ويرشدك للصواب .. انا فى دماغى والله حكاية الموضوع اللى فيه خلاصة الخبرات بس مستنية لما تنتهى ملحمة الالياذة والاوديسا اللى انا عايشاها ....

    رابع عشر : هيا ننشر الخير .... اخبارك ايه النهاردة .... يارب تكونى بتنشرى الخير فى حته تانية وراجعة على طول

    خامس عشر: حزن 79 ........انتى يابنت انتى مش قلتلك تغيرى اسمك وتبقى فرح 79 .... تفائلوا بالخير تجدوه وان شاء الله اسمك الحقيقى حيكونلك منه احلى نصيب ...

    سادس عشر : ماما اخبارك ايه ياترى ... انا شايفة روحك المعدنية بقت احسن ... يارب دايما ...يارب يجعلك العملية دى الاخيرة وتفرحى بأحلى توئم

    سابع عشر : توتا ربنا يارب يفرحك قريب علشان تبقى اول فرحة فى الملف الجديد ..

    ثامن عشر : المشتاقة للأمومة بطة نور وسارة المحتار ة وحمرة قوى يا طماطم وسامناتا والصبر يارب وهبة الله ... ياريت تهلوا وتنوروا ....
  4. صاحبة الموضوع
    oxygenatom
    صبا ح الخير يا بنات ... اولا سلام لنفين حبيبة قلبى ... شفاها الله وعافاها وجعل لها بكل لحظة الم ارتقاء درجة فى الجنة وعوضها خير بالذرية الصالحة اللهم آ’مين . ثانيا : المشتاقة لمكة بارك الله فيكى على موضوعك اللى عملتيه لنفين وربنا يارب يج…
    بعد التحيات والسلامات على الاخوات المتفائلات ... اقولكم عملت ايه عند الدكتور وياريت اشوف ردود تشفى غليلى..

    انا رحت لدكتور وائل الجزائرلى استشارى الحقن المجهرى فى مركز المدينة ( هو انفصل دلوقت وعمله مركز جديد من سنة ونصف ) ..

    وصلت العيادة لقيت الدكتور موصلش وانا رقم 11 ... نصف العيادة ناس جايين من مطوبس وكفر الشيخ ... المهم سألت الممرضة عن مركز المدينة قالت هو دلوقت بيروح مركزة الخاص اسمه مركز المستقبل فى سابا باشا .... قلتلها من امتى قالتلى ماتسأليش وشخطت فيا ... حاولت ابقى ظريفة واضحك معاها ... لقيتها وشها مايضحكش للرغيف السخن ..

    المهم قلت بداية مش موفقة ... اما اشوف واحكم ... على الساعة عشرة ونصف مساءا دخلت للدكتورة المساعدة خدت تاريخى ودخلتنى على السونار ... ودخلت الممرضة المكشرة... قلت بس اكيد حتخنقنى ... المهم كملت وصلتها معايا وقالتلى ماينفعش تسألى اسئلتك دى قدام الناس ... انتى جاية للدكتور ولا جاية للمركز ... المهم قفلت معاها علشان انا مش ناقصة توتر وانفعال ... المهم

    دخل الدكتور كشف وعملى اشعة تلفزيونية ... المهم قلتله دلوقت يادكتور انا كان عندى كيس 1.5 سم على المبيض الشمال ... قالى مالوش اثر دلوقت ... قلتله ما الدكتور شفطه ... انا مش محتاجة دلوقت اعمل منظار مهبلى ... قالى ليه ... انا مش شايف له لازمة .. كل حاجة عندك تمام الرحم والمبيضين فل ... قلتله انا شاكة فى اندرو ... قالى ياماما الاندرو بالنسبة لسنك كان لازم يبقى لها تاريخ وكانت الدورة بتاعتك تجيلك بألم لايحتمل ويطرح كمان اكياس شيكولاتة مبقلظين ومايخفوش عن اى دكتور يعملك سونار ... اما الكيس اللى بتقولى عليه اى دكتور يشوف حجمة بالسونار مايلتفتش ليه اصلا ... هو ملى دم لما اختى جرعة التنشيط الكبيرة ...

    المهم من كلامى معاه قالى ان دى عملية معروف ان ليها نسبة نجاح . ومش شرط لازم تنجح من المرة الاولى ... قلتله بس الكيس اكيد اثر على جودة البويضات ... قالى اطلاقا طالما هو اتشفط خلاص ... وبعدين لو حيرد كان زمانه ابتدى يملى تانى

    اتارى كل ده بيحسب الكيس اتشفط قبل العملية والمنسقة مفهمتهوش كويس ... لما عرف كده تنح شوية وقالى عادى طالما انه اتشفط بعيد عن البويضات خلاص ...

    انا حسيت انه مش عايز يتكلم وحش على زميله ولا يطعن فيه علشان كده لغوش على كلامى ...

    اخذت شهيق وزفير ... طب يادكتور اعمل ايه دلوقت انا بصراحة مش عاوزة ادخل على عملية جديدة بدون فحوصات

    المهم طلب منى اشعة ثلاثية الابعاد اليوم التاسع عشر او العشرون من الدورة ... وقالى دى كفاية قوى وانا لو شايف ان المنظار ضرورى فى حالتك كنت عملتهولك وانا حيخس عليا ايه ..

    اعملى الاشعة وتعالى ولو طلعت كويسة يبقى نتابع تبويض شهرين كمان وبعدين نجهز للعملية الجديدة علشان انتى معندكيش وقت ...


    دلوقت يابنات ايه رأيكم ... انا الهسهس الاولانى بسبب انه مش عاوز يعترف ان الكيس كان هو المشكلة

    الهسهس التانى مش عاوز يعملى منظار ليه ( ده بروتكول عادى فى مركز جنين ) انا محبتش اقوله كده لحسن استفزه

    الهسهس الاخير ... العملية حيعملهالى فى مركزة وده عمرة سنة ونصف وانا شاكة ان يبقى فيه كل حاجة ...

    اعمل ايه ..

    جوزى بيقولى هو احنا كل الشوية حنغير الدكتور ... انا بفكر اروح مركز المدينة واشوف استف الدكاترة هناك واخترلى واحد تانى ... ياريت رأيكم بسرعة

تابعي تجارب أخرى من هذا القسم.