اذيكم يابنات انا داخلة المنتدى لانى بجد محتاجة اتكلم معاكم
انا رحت للدكتور امبارح وفرحت جدا جدا بالسونار اللى عملهولى والف حمد وشكر لك يارب البيبى كويسين ربنا يسهلى ويكمل على خير ويرزقكم كلكم الذرية الصالحة ويفرح قلوبكم يارب
كان معايا حماتى وماما
هو الدكتور بصراحة شاطر جدا ما شاء الله وقالى تعليمات فظيعة مش سمعتها من دكتور قبل كده كلها فى المصلحة طبعا اتكلم معايا ه\عن كل حاجة وادانى حقى وزيادة فى الزيارة
وجات حماتى سالته على السفر
والمفاجاة انه مش منعنى من السفر هو لاغى السفر خالص
وقعد يقولى لا ياماما ما ينفعش نهائى
قلتله ليه قالى لان حملك محتاج متابعة لان احتمال ولادة مبكرة من الشهر السابع بنتوقعها فى حمل التوينز او لا قدر الله الضغط يعلى
زى ما اكون هسافر ومش متابعة مثلا هناك لاكن ماجابش سيرة الطيارة فى حاجة
طبعا ماما وحماتى مسكونى بعد مانزلت يزعقوا فى وانت حرة ومفيش سفر وانت بتستهبلى
انت مش سامعة الكلام ازاى تسافرى وهكذا وكلام من ده
انا نايمة ومش قادرة لدرجة انى رفضت وقولتلهم هسافر
كلهم بعد مادوخونى قالولى خلاص سافرىان شاء الله على شهر 12
من امبارح وانا قاعدة احلم بالسفر وبعيط
مع ان الدكتور نبهنى من موضوع النفسية دى جامد وقالى اياكى اياكى اياكى من التوتر والقلق وانا مش قادرة اسيطر على نفسى
ولا قادرة اقنع نفسى بانى اقعد انا كنت فرحانة قوى لدرجة ان بدات اكل من غير ما اتعب ولا ارجع
من امبارح مش عارفة اكل حاجة وماليش نفس
ممكن تقولولى انى مكبرة الموضوع بس صدقونى انا تعبت اانا نفسى اكون مع جوزى انا عمرى ما بعدت عنه كده ولا فى خطوبة ولا جواز
حبيت افضفض معاكم شوية يارب تقولولى اعمل ايه؟
طريق الامل ( خبرات متبادلة حول مراكز العقم فى مصر ) الجزء السابع/يفتح جديد
متابعة النقاش، صفحة 167