حبيتي صراحتك حلوه وتدل على ان عندك اصرار عشان تتغيرين وانا راح اساعدك ياقلبي
اول شي لازم تفكرين بزوجك لايغرك سكوته بناظر بالتلفزيون بيشوف نظافه واهتمام وراحة بال بيروح لبيت احد بيشوف الاهتمام والنظافه حتى ببيت اهله بيحس انك ناقصه عنهم وانهم افضل واحسن منك ولاتستغربين اذا طلع من البيت بكثره وبعدها يمكن يتعرف على بنات ويتزوج وحده تهتم فيه وبنظافته وبكل بساطه راح يكون عنده عذر وبيقول لاهلك انك وسخه ماتنظف بيتها ولاتهتم لوجودي
بالنهايه ماتنفع ليت وليت حتى لورضى ورجعك انتي ماراح تنسين كلامه
نامي الليله بدري وقومي الساعه 8 وافطري حتى لومومشتهيه
بس عشان يزيد النشاط وافتحي كل درايش البيت وروحي ادهني شعرك ولفيه وابدي بالهمه
غرفت النوم انفظيها نفض ورتبيها وغيري المفرش وعطريها واطلعي للغرف الثانيه ونفس الشي بعدين للحمامات وانتي بكرامه استخدمي هاربيك الاخضر مرررررررررره يجنن وريحته حلووه
اذا عندك كنب اوجلسه او حتى فرشه عندي لك طريقه لتعطيرها وتجديد لونها من الغار
كفورت او داوني اختاري ريحه حلوه وخففيها بمويه واغسلي فيها منشفه وبعدين افركي فيها الكنبات
وبعدين ادخلي المطبخ واغسلي المواعين والارض واطبخي غداك وعلى بال ما هو يطبخ و نظفي الدواليب والثلاجه واذا قرب زوجك يجي ولعي الفحم وبخري البيت وروحي تروشي عشان الزيت والبسي وتعطري ومن كل قلبي بدعيلك اذا بغيتي شي ارسلي على الخاص
ابي الحل راح يخرب بيتي وانا السبب
متابعة النقاش، صفحة 4