أختنا العزيزة
ألف الحمد لله على سلامتك ... وجعله الله في ميزان حسناتك
ومبرووووووووووووووووووووووووك على العروسة الحلوه ... أكيد حلوه دام انتي أمها
انا عندي البكر بنت الله يخليها عمرها الآن 7 سنوات بس والله ما حسيت لا بحملها ولا ولا دتها ولا حتى تربيتها..
ما عرفت اني حامل إلا بالشهر السادس لأن الدورة كانت تجي عادي ... ولدتها أو أسبوع في السابع وكانت وايد صغيرونه 1.8 كجم بس ما حسيت فيها
وتربت عند أمي لما صار عمرها 3 سنوات لأني موظفة
بس ولدي الله يخليه عمره الحين 6 شهور كان غير شكل
الحمل والوحام متعب جدا
الولادة كانت لا تصدق
انا رحت المستشفى على آذان الفجر من ألم الطلق بس كان الضغط مرتفع وكنت بالأسبوع 35 يعني بنص الشهر الثامن
وما تصدقين لو قلت لك ان جهاز قياس الطلق ما استطاع أن يسجل أي طلقة وأنا بالمستشفى أحوس من الألم والممرضات هنديات يقول شنو سوي انا ماما والدكتورة تقول الرحم مفتوح 4 سم وما في طلق
يا جماعة أنا قاعده أطلق أنا اللي فيني العوار مو انتم ... بس ما كو أحد يسمع
والله على الحال للساعة 12 الظهر وكل شوي أروح تكرمين الحمام (تعرفين بعد مع الطلق لازم حمام)
الساعة 12 عصبت على الممرضة قلت انتم ما تفتهمون ولا أجهزتكم بعد أنا أعرف شنو فيني
قالت أوكي ماما أنا رح يوديكي تحت حق طواريء كيفك انتي وتشان تصيح تروووووووووووولليييي (السرير بالعجلات)
ما لحق أطلع فوق السرير إلا صحت يارب تموتوا البيبي بينزل
وتشوف الممرضة وتناقز تبي الأسانسير يوصل
بالممر قبل ما أول غرفة الطواريء إلا سلومي الله يسلمه يطل
كان كل همي أطمئن عليه أنه بخير وبعدين كل التعب راح
طبعا زوجي كل هالفترة معي على الموبايل الساعة 12 كلمني وأنا قاعدة أبكي
12.30 اتصلت فيه وقلتله يتربى بعزك ان شاء الله
انا ادري غلطتي الوحيده اني رحت مستشفى حكومي
آسفه طولت عليكم بس والله قلبتي علي المواجع
على فكرة انا أخذت ورقة الرسم مالت جهاز الطلق اللي ماكنت مأشرة على علامات الطلق ذكرى لهذا الجهاز الغبي
ولادة طفلتي الأولى .. من الألف حتى آخر آآآآآه .. ( لا تنسى أبدا )
متابعة النقاش، صفحة 12