شاركي في النقاش

سجلي الدخول لإضافة تعليق.

التعليقات

1,551
  1. @ashtkt_alyk

    دودو....
    ربنا يهديلك جوزك....بصى..طالما الدكتور قالك مش هتفرق كتير....يبقى متقلقيش و كملى إجراءاتك....علشان حق بنتك عليكى إنك تسعى بكل قوتك.....
    أما جوزك ...فخديه بالراحة و بالسياسة.....وكلميه من منطلق إنها حرام و غلط على صحته...و مش هاوصيكى تتخيري الوقت المناسب للكلام...علشان ميجيبش نتيجة عكسية....ربنا يهديهولك و ييسرلك أمورك
  2. @ashtkt_alyk

    بوبا....
    الف حمد الله على سلامتك يا قلبى...
    و ربنا يعينك على الحيرة اللى أنتى فيها.....بجد لما بأقرا الكلام ده باتنكد و أتضايق من التناقض الكبير بين كلام الدكاترة و اللى بيخلى الواحد يلف حوالين نفسه....
    بصى....لو حكمنا بناء على اللى بنسمعه و بناء على تجربة توتا و أوكسى.....يبقى التنشيط بعد العملية مباشرة ممكن فعلا ميكونش كويس...و يبقى تضييع وقت وجهد على الفاضى...ده غير إنه ممكن فعلا يخلى الأكياس ترجع زي الأول و نبقى معملناش حاجة.....

    و الله يا بوبا مش عارفة أقولك إيه....نفسى أقولك اسمعى كلام الدكتور عادل....لأنه صح....لكن مش عارفة هينفع إنه يعالجك عن بعد و يوصفلك العلاج المناسب و المدة المطلوبة ليه و باقى الخطوات......و لا إيه....

    عموما اسأليه....و لو هيتحمل مسئولية إنه يديكى خطة العلاج يبقى تمام....لو مش كده...يبقى للأسف مش قدامك غير إنك تحاولى تدوري على حد عندك يقولك نفس الكلام و يتبع معاكى الخطوات الصح .....

    و آخر حاجة هأقولهالك و لو انها تقيلة على قلبى...حاولى تسألى هل الحالة كده ينفع معاها تنشيط و انتظار حمل طبيعى و لا لازم حقن....أنا طبعا اتمنالك انك تحملى طبيعى و يبقى كله تمام...لكن تحسبا للظروف لازو نعرف علشان ميبقاش فيه مفاجآت....و كمان يا قلبى علشان لو قالوا عملية يبقى نجهز نفسنا نفسيا و ماديا .....

    و ربنا يا حبيبتى يهديكى للى فيه الخير و يصلحلك الأمور

تابعي تجارب أخرى من هذا القسم.