شاركي في النقاش

سجلي الدخول لإضافة تعليق.

التعليقات

1,551
  1. حزن79
    كيف الحال اخواتى بتاسف مش بعرف اتواصل معاكم كثير بسبب النت ...(هالفتره ماعندى نت بالبيت) حبيت ابلغكم انى بعد اسبوع لو ربى سخرلى حروح مصر ان شاء الله لعمل المنظار ادعولى ربى يسخرلى فى السفره وييسر امورى وربى يسمعنى عنكم كل خير .... نتلاقو…
    يارب يوفقك ويكرمك ياقلبى وتشوفى ابنك فى حضنك وزى ما قلت لك ان شاء الله مش تحتاجى لعمليات وهتحملى بعد المنظار بأمر الله ... وهتنورى مصر يا قمر
    استخيرى انتى بس وتوكلى على الله
  2. صاحبة الموضوع
    oxygenatom
    ايوة يا اوشى انا لسة فى الشغل بروح الساعة 4 وربع ...انا بشتغل مديرة معمل الشركة
    كده برده يارمال ... شغالة مع نفسك الله ينور ... انا بقولك اهو ... لما يكون ليكى تعليق على حاجة قلتها او عملتها .. قوليلى وبلاش تحتفظى بالكلام لنفسك .... انتى مش عارفة ان ممكن كلامك ليا يفرق ويخلينى آخد اتجاه تانى فى التفكير ... امال لزمته ايه وجودنا مع بعض مش علشان ننصح بعض ولا ليكى رأى تانى ...
    انا ياستى عرفت من ام اياد ان دكتور عادل جى عندنا يوم 19 الشهر ده ... وانا حعمل الاشعة ثلاثية الابعاد واحجز عنده واروح ... وان شاء الله بعد كده ابقى اتابع معاه بالميل او اروحله وقت ماييجى عندنا ولو نصحنى بالحقن المجهرى بعد كده حخليه يرشحلى دكتور فى اسكندرية ...
  3. oxygenatom
    بنات صباحكم عسل .... انا بعت امبارح رسالة لدكتور عادل البيجاوى شرحتله فيها كل حاجة وقالى : حضرتك مصابه بداء هجره بطانه الرحم و لن اجيب قبل ما حضرتك تكتبى هذا الأسم على النت و تبحثى عنه و تشوفى بنفسك هل العلاج و الخطه الموضوعه لك سليمه ام …
    بصي يا اوكسي
    الدكتور عادل بينزل الاسكندرية كل شهر مرة
    ممكن تروحيلو هو حيفهمك كل حاجة
    قولي لام اياد هو بينزل فين وحتديك العنوان وحاولي تحجزي موعد وباذن الله حتعرفي تتعالجي صح
  4. @ashtkt_alyk

    oxygenatom
    فى انتظارك يا اشتقت اليك ... وحشتنى عنيك
    أنا جيتلك يا قلبى....و عنيا ليكى.....
    بصى يا قمر....أنا اتضايقت كتير لما حكيتى عن زيارتك للدكتور الجديد...
    لأن الزيارة ديه للأسف زودت من حيرتك بدل ما توجهك للحل السليم للمشكلة....
    و أنا مقدرش الومك ...لإنه فى ظل اللخبطة ديه....و كل دكتور يقول الكلمتين اللى عنده و هو حاسس إن مفيش غيره....كان لازم تقعى فى الحيرة ديه....و تفكري الف مرة قبل كل خطوة...
    ربنا يكون فى عونك و يهديكى للى فيه الخير....

    بصى يا ستى....بعد ما راسلتى الدكتور عادل...و هو أجزم إن اللى عندك ده معناه إندومتريوزيس (هجرة بطانة الرحم)...و كمان واضح من الرد إنه شايف ان خطة العلاج اللى بيقترحها الدكتور ده مش تمام.....يبقى كده أتوفر علينا شوط كبير.....وأزلنا جزء من الحيرة الى عندنا و اللى عملها دكتورك الأخير...

    يبقى كده حاولى تدوري و تقري كتير عن الموضوع ده و عن أعراضه و طرق علاجه.....و كمان حاولى تعرفى إذا كانت الأشعة اللى هتعمليها ديه هتفيدك و لا هتبقى تكلفة على الفاضى......

    و كمان لو هتقبلى اقتراحى.....حاولى تسألى أم إياد عن المستشفى اللى هتروح للدكتور عادل فيها و تروحيله و تاخدي فحوصاتك كلها معاكى.....و طالما وثقتى فى رايه يبقى إعرضى حالتك عليه ...بدل اللف على الدكاترة...و بدل الحيرة و ضياع الوقت و الجهد.....و لإن المرض ده و بالشكل ده متهيألى إنه عايز سرعة فى التعامل معاه علشان الكيس ميرجعش تانى.....و ربنا يجعله سبب فى شفائك....

تابعي تجارب أخرى من هذا القسم.