شاركي في النقاش

سجلي الدخول لإضافة تعليق.

التعليقات

1,551
  1. رمـــــال
    يارب يوفقك ويكرمك ياقلبى وتشوفى ابنك فى حضنك وزى ما قلت لك ان شاء الله مش تحتاجى لعمليات وهتحملى بعد المنظار بأمر الله ... وهتنورى مصر يا قمر استخيرى انتى بس وتوكلى على الله
    دودو ام جوجو .. ازيك يا جميل عاملة ايه .. ليه بس كل الدربكة اللى انتى فيها دى ..بصى خدى الامور بالراحة
    وقبل ما تكملى اى حاجه فى العمليه لازم تراضى زوجك علشان يبقى ذهنك وطاقتك النفسيه كلها موجهه للعمليه
    كلمية كده فى وقت يكون مزاجه رايق فيه ..وانا لو مكانك هعمل الاتى .. ابدأى كلامك بإنك تتأسفى له علشان قولتى للدكتور انه مش مواظب على العلاج .. وفهميه انك غلطتى وانك مكنتيش تقصدى حاجه وانك بتتكلمى معاه علشان تطيبى خاطرة وتراضيه وان كان على العملية خلاص بلاش منها انا اهم حاجه عندى انك ما تعملش حاجه غصب عنك او تدايقك .. طبعا هو لما يسمع منك الكلام ده هيتبسط ولما تعتذرى له هيحس بإنه راجل وتاخدة الرجولة وهيقوللك لا نعمل العمليه وخلاص انا مش زعلان ولا حاجه .. وهتبقى كده وصلتى له انك بتصالحيه مش علشان العمليه لا بتصالحيه علشان انتى حاسه انك زعلتيه
    ولما يقول لك خلاص مش زعلان وهنكمل العمليه قولى له انا مش هضغط عليك فى شئ بس انت ساعدنى ولو حتى نفسيا انى اكمل العمليه .. وزى ما بتقولوا انتوا صعايدة يبقى الامر محتاج انكم تحاولوا علشان فى الصعيد بيحبوا العيال الكتير وانك بتعملى ده علشان مش علشانك لوحدك لا علشان تفرحى بنتك وتفرحيه هو كمان وبعدين بوسه هنا وبوسه هنا وصافى يالبن وتخلص الحدوتة :39:
    عرفتى هتعملى ايه ولا نقول كماااااااااااااااااااااااااااااان
  2. oshy2005
    ريموووووووووووو اذيك عاملة ايه شفتى مش انا لسه هقعد شهركمان فى مصر ربنا يهون يارب
    ازيك يا قمر عاملة ايه ..
    بصى يا اوشى انا بقالى كذا يوم مش عايزة اعلق على قصه سفرك دى لانها اخدت اكتر من حقها بصراحة
    الموضوع مش محتمل كل ده .. انتى عملتى العمليه يابنتى محدش حس بيكى .. بقه موضوع السفر يشغل كل الحيز ده من تفكيرك .. معقول يا اوشى وانا اللى بقول عليكى عاقله .. انتى تعبتى اعصابك بما فيه الكفايه فى القصه دى
    بصى الموضوع دلوقتى اختلف كتير بعد ما قولتى ان زوجك مسافر يعمل حج .. ربنا يتقبل منه يارب
    لما هو هيسافر كمان اسبوعين تلاته وانتى هتسافرى كمان عشر ايام يبقى حضرتك فهمينى ايه لزمة سفرك بالظبط
    عايزة تروحى تودعيه قبل الحج ولا ايه !!!!!
    انتى هتسافرى هتقعدى هناك مش اقل من عشر ايام لوحدك .. طيب وده ينفع بالعقل كده وانتى حامل ؟؟؟
    لو مكانش موضوع الحج كنت قولت لك سافرى لانى مقتنعه بكلام دكتور اسماعيل وانتى مكانش اصلا مفروض تروحى لحد تانى طالما بتتابعى معاه يبقى ايه لزمتة انك تلفى وتدورى وتشتتى روحك .. فين عقلك
    وانتى اساسا كان هدفك من السفر انك تروحى لزوجك علشان هو لوحده طيب لما هو مسافر انتى هتسافرى تعملى ايه
    ريحى نفسك كده والله وشهر هيعدى هوا ما تبصش انه شهر لا بصى فى الاحداث اللى هتكون فيه
    اولا العشر الاولى من ذى الحجة وكمان العيد وبعدها ترتيبات سفرك يعنى مش هتفضلى فاضيه لا انتى هتكونى مشغولة كمان علشان حاجتك اللى هتجيبيها قبل ما تسافرى .. ولو سمحتى مش عايزة اشوفك بالتوتر ده تانى انتى بدل ما هتريحى نفسك بالسفر انتى بتتعبى نفسك اكتر بيه
  3. اهلا اهلا يا مها

    هو انا ينفع اخد الدوا اللى بيخسس دا؟

    انا تخنت على وزنى 10 كيلو
    عاوزة انزلهم بقى ولا ايه يا شوشو؟


    شوشو يا قمرة ربنا يفرح قلبك و يريح بالك
    و بعدين اذا نفع برضو ممكن تقضى يوم مع شلة الصحاب دا بيغير جو جامد
  4. @am_ayad_2009

    المشتاقة لمكة
    والله تعبت من منتدى حواء ده ده مليان فيروسات ربنا اللي يعلمها وساعات الجهاز بيتوقف خالص واظطر اني اعمل انتي فيرس تاني ومن امبارح ماقدرتش ادخلو خالص واذا كتبت مشاركة بتطير رغم اني بعيدها تاني وتالت بس مافيش فايدة رمااااااااااال حبيبة قلبي…
    اتفضلي يا حبيبتي ايميل دكتور عادل
    adel_farouk1
    دا على الياهو
    وحاولي تكتبيلو بالييل وهو حيرد عليكي ان شاء الله


    مشمشة حبيبت قلبي بلاش الكلام الجامد اللي بيقلقني عليكي دة
    انتى عارفة انى مبحبش اليأس اللي انتى معيشة نفسك فية
    حرااام عليكي الكلام دة
    تفاؤلو بالخير تجدوة وان شاء الله تحملي ويبقي كل اللى فات مجرد زكري

    وبعدين المفروض اما تكوني مخنوقة ولا تعبانة ولا حتى محتارة تيجي هنا وتقولي لاخواتك على اللي جواكي
    ما احنا يااما اتكلمنا واشتكينا وانتى نصحتينا وقلتلنا رأيك
    يبقى ليه لما تكوني مخنوقة ولا مضايقة متجيش وتفضفضي هنا

    والله انا دايما بدعيلك ونفسي قوي تحملي عشان تدينا جرعة تفاؤل وامل في الحياة
  5. oxygenatom
    كده برده يارمال ... شغالة مع نفسك الله ينور ... انا بقولك اهو ... لما يكون ليكى تعليق على حاجة قلتها او عملتها .. قوليلى وبلاش تحتفظى بالكلام لنفسك .... انتى مش عارفة ان ممكن كلامك ليا يفرق ويخلينى آخد اتجاه تانى فى التفكير ... امال لزمته …
    كده يا اوكسى انا استاهل منك الكلام ده انا بحتفظ بالكلام لنفسى !!
    عموما يا ستى انا ولا ليا راي تانى ولا تالت بس انتى اللى مش بتركزى فى الكلام كويس ...
    انا قلت لك فى البدايه خالص بعد ما العملية فشلت روحى لعادل وده كان رايى من الاول ولو راجعتى المشاركات هتلاقينى قلت لك انك ماتجازفيش وانزلى مصر قابليه ولو حتى للأستشارة .. علشان كده لما انتى رحتى للدكتور ده وانا مقتنعتش بيه محبتش اتكلم اكتر من اللازم لانى فعليا قولت لك على نصيحتى من البداية وانتى ما اقتنعتيش ..
    ومرضتش اتكلم مش علشان حاجه لا انا مش رضيت اتكلم لانى لقيت زوجك بدأ يتدايق ومرضتش اضغط عليكى تانى واعيد لك كلامى .. وكمان لسبب تانى .. مبحبش اكرر رأيى اكتر من اللازم لاحسن حد يفتكر انى بفرض رأيى على غيرى وبس .. بالاضافه الى ان البنات هنا قالوا لك كل الكلام اللى كنت عايزة اقوله يعنى مكنتش هضيف جديد
    عموما ربنا يوفقك يا اوكسى ويرزقك الذرية الصالحة

تابعي تجارب أخرى من هذا القسم.