شاركي في النقاش

سجلي الدخول لإضافة تعليق.

التعليقات

1,551
  1. @am_ayad_2009

    اشتقت اليك
    أم إياد... ربنا ميحرمنيش منك يا جميل.... و ربنا يا حبيبتى يوفقك للى فيه الخير.... أنا كنت من كام يوم عايزة أدخل أرد عليكى لما قلتى إنك هتكملى مع دكتورك اللى قالك تعملى الحقن.... أنا رايي يا قلبى إن الدكتور اللى يغفل خطوة أساسية فى فحوصات ت…
    شوشو يا حبيبة قلبي
    انا والله كنت لسه بقول لجوزي الكلام دة بالضبط
    بقولة ازاي دكتور حيبدأ في الحقن من غير ما يدور على الحاجات الصغيرة
    دا موضوع الانيميا انا اللي اكتشفتة ولخبطت الهرمونات اللي اكتشفتها
    فاضل ايه تاني
    هو اول ما شاف التحاليل القديمة وحتى قبل ما يكشف عليا قالي اطفال انابيب
    فعشان كدة انا متعقدة شوية منه
    بس ماما وجوزي عايزني اروحلوة وشايفين انه كويس
    بس انا خلاص ناويت اروح لدكتور عادل
    حتى لو حروح للدكتور الاولاني عشان ارضي ماما
    بس بردة حاروح لدكتور عادل اشوف رأية اية
    وخصوصا ان هو مقاليش عندي ايه بالضبط ولا قالي المفروض العلاج يكون ازاي
    فعشان كدة حروحلة ان شاء الله
    وربنا يقدم اللي فيه الخير
  2. @am_ayad_2009

    مها يعني خلتيني اكتبلك قصة حياتى واختفاتي بعدها
    ايه يا بنتي يلا عايزينك تكتبي انتي كمان
    والله وحشاني قوي ووحشاني مشاركاتك
  3. @am_ayad_2009

    ميكو اخبارك ايه واخبار زئزئة ايه
    بقالك كام يوم مختفية
    اوعي تكون زئزئة تعباكي
    تعالي وقوليلنا اخبارك
  4. رمـــــال
    دودو ام جوجو .. ازيك يا جميل عاملة ايه .. ليه بس كل الدربكة اللى انتى فيها دى ..بصى خدى الامور بالراحة وقبل ما تكملى اى حاجه فى العمليه لازم تراضى زوجك علشان يبقى ذهنك وطاقتك النفسيه كلها موجهه للعمليه كلمية كده فى وقت يكون مزاجه رايق في…
    مها ميهو ..
    كويس ان انتى حاسه انك هتخسى .. ده شئ ايجابى بس برده يهمنى اوى اتك تخسى بصحه يعنى لما مش يكون ليكى نفس للأكل على الاقل كلى فاكهه او اشربى عصاير فريش بس علشان وشك ما يدبلش يا حياتى وانا عرفت سبب انك مش عدتى تحليل البروجستيرون تانى والله عندك حق فعلا خلاص انسى القصه شويه واستمرى على العلاج وركزى فيه وركزى فى شغلك دول كفيلين انهم ينسوكى اسمك اساسا يا قلبى

    ام اياد ..
    الحمدلله ان دكتور عادل رد عليكى يا قلبى ويارب يارب لما تقابليه الصورة توضح اكتر قصادك وتفهمى منه اللى معرفتيش تفهميه المرة دى

    شوشو ..
    والله انتى اللى منورة .. الظاهر اننا بنكتئب سوا ونرجع سوا .. ضحكتينى موووت على فكرة على كلمه بلطجه دى .. انا فاهماكى :o

    ام انس .. اين انتى يا ام انس .. مش تيجى تشوفى البنات وتطمنى عليهم وتطمنيهم عليكى يا قمر

    كوكرررررر .. هو ده .. يا محلا الكويت يا محلاها .. اهو انا عايزاكى تفضلى فى الكويت على طول طالما ده هيخلينا نشوفك .. وسلام مربع للكويت وللمصريين اللى فى الكويت ..

    ميكو .. انتى فين يا حبيبتى ... انتى غايبه علشان واخده اجازة من الشغل ولا غايبه ليه .. ياريت تطمنينا عليكى

    الهدى والنور ..
    اه يا حبيبتى انا عملت المرارة فى العشر الاواخر من رمضان .. اكيد انتى مكنتيش موجودة .. ربنا ما يكتبها على اى حد ابدااااااااااااااا يارب .. من ساعه الولادة وانا فى تعب ومغص شديد لا يحتمل .. رحت كشفت فوجئت ان كل الالم اللى عندى سببه حصوات فى المرارة علشان كده كان لازم تتشال وبسرعه ومكانش فى اى علاج او اى حل غير انى اشيلها بعمليه والحمدلله عملت العمليه وشلتها .. ان شاء الله لما تروحى لدكتور العمود الفقرى تطمنينا عليكى يا حبيبتى

    ماما مامتى .. عامله ايه ..
    لسه جسمك مكسر .. انا حاسه انه بسبب الارهاق اللى مريتى بيه طول الفترة اللى فاتت وزى ما بنقول هنا فى مصر التعب حل على جسمك .. بس انشطى كده وحاولى تسترجعى طاقتك ونشاطك تانى واحده واحده مش فجأة .. ولو بتلعبى رياضه يبقى ارجعى ولو حتى تمشى كل يوم شويه .. ويارب يارب يا ماما يرزقك باللى يكفى العمليه وزيادة يارب يرزقك من حيث لا تحتسبى ويارب يبارك في رزقك ويبارك فى تعبك يارب المرة دى

    توتا .. توووتىىى فروتى .. ازيك يا سكر والله انتى واحشانى .. عامله ايه .. خليك مرتاح يا سيدى على الاخر
    وهيعدوا الايام دول هوا والله .. الانتظار صعب بس اخرة حلاوة .. وخليكى دايما فاكرة ان فى بطنك حبايبك ونور عيونك يبقى نخلى بالنا منهم .. ونرتاح علشان نريحهم وكل شويه حطى ايدك على بطنك حسيهم وقولى لنفسك انا جوايا بيبيهاتى .. ربنا يخليهم لى يارب



  5. المشتاقة لمكة
    والله تعبت من منتدى حواء ده ده مليان فيروسات ربنا اللي يعلمها وساعات الجهاز بيتوقف خالص واظطر اني اعمل انتي فيرس تاني ومن امبارح ماقدرتش ادخلو خالص واذا كتبت مشاركة بتطير رغم اني بعيدها تاني وتالت بس مافيش فايدة رمااااااااااال حبيبة قلبي…
    مشمشة حبيبتى ..
    والله مش عارفه اقوللك ايه بجد .. احنا كلنا حاسين بمعاناتك وانا مش هلومك على اى شئ ولانى عارفه انك دلوقتى فى لحظة ضعف فا مش هدقق فى كل الكلام اللى قولتيه وهفوت منه شويه ..
    بس خلينى اعلق على نقطتين.. واتحملى كلامى اللى هقوله يا مشمشه لانك اول مرة تسمعيه منى وممكن ما تجيليش الجرأة انى اقوله لك تانى
    اول نقطة دايما تستفذنى لما بتذكريها وانتى دايما بتقوليها للأسف .. "ان العمليه لو مش نجحت هتشيلى الرحم علشان ترتاحى "بحس فيها شئ من التوعد لربنا والعياذ بالله ولو انى عارفه انه ده مش قصدك ولا نيتك بس بنبهك ليها من باب ان نخلى بالنا من كلامنا لانه محسوب علينا يا مشمشه .. ومعنى انك هتشيلى الرحم "كأنك عايزة تقولى ان لو ما نجحتش العمليه هشيل الرحم علشان انا مش عايزة منك يارب حاجه تانى".. بيصعب عليا اوى انك تقولى الكلام ده ..ونفسى اسمع منك تفسير للجمله اللى دايما بتقوليها لما بتكتئبى ان انتى لو العمليه فشلت هتشيلى الرحم .. ماتقوليش انك بتقولى ده علشان ترتاحى من مشاكل الافرازات والبيريود لان ده مش سبب كافى علشان تقتلى فى نفسك رمز الانوثة اللى هو الرحم .. ولان ده فى حد ذاته يأس من رحمه ربنا .. لان معناه ان انتى واثقه ان لو عملتى العمليه وخلاص فشلت فا هى اخر محاوله لانك مش ممكن تحملى تانى.. انتى جبتى منين الثقه انك مش هتحملى تانى علشان تقولى اشيل الرحم بعد العمليه ؟؟؟ مين قاللك هيحصل ايه فى المستقبل ؟؟
    وبعدين عايزة اقوللك ان فشل العمليه مش معناه انك عمرك ما هتقدرى تحملى ..
    هو الحمل يا مشمشه واحد +واحد =اتنين ولا ايه !!!!!!!!!!!!! مكانش حد فينا غلب يا بنتى ..
    ده الموضوع ده بالذات مينفعش فيه الطريقه دى فى التفكير .. مش سمعنا كذا مرة عن ناس معندهمش رحم خالص وبيحملوا .. ماسمعناش ميت مرة عن ناس كان ميئوس فى حالتهم وبردو ربنا كرمهم !!!! ليه بس انتى بتفكرى كده وليه حاسه باليأس دى .. اوعى تدخلى على العمليه وانتى ده تفكيرك وبالنفسيه دى .. مينفعش .. لو عملتى العمليه وانتى الافكار دى جواكى يبقى بلاش منها احسن ..
    بصى انا مقتنعه بمبدأ .. ايمانك بنجاح الشئ بيخليه ينجح بعد قدر الله .. وايمانك بفشله بيخليه يفشل .. صح ولا لا ..
    ومن هنا انا هتنقل معاكى لتانى نقطة وهى زوجك .. انا ليا تحفظ على الموضوع ده .. الا وهو ..
    لو انتى مش حاسه بأمان معاه ولو انتى حاسه انه هيسيبك علشان انتى مش عندك اولاد يبقى احسن ما تفكريش تخلفى منه واصرفى نظر عن العمليه .. ولو انى اشك انه من النوعيه دى يا مشمشه .. عارفه ليه لانه استنى كتير وتعب معاكى كتير حد غيرة كان سابك فى اول الطريق مكانش فكر يحاول معاكى ولا مرة او كان حاول اول مرة ولما عرف حقيقه مرضك كان سابك من زمان .. سيبك من الخلافات اللى ممكن تحصل بينكم او كلام اهله اللى انا متوقعاه او حتى السلبيات اللى ممكن تكون فيه .. ده نابع من النقص البشرى لان مفيش انسان كامل .. لكن هو فى النهايه صبر معاكى واتحمل كتير .. البنى ادم طاقه يا مشمشه واكيد زى ما بييجى عليكى لحظات ضعف هو كمان بييجى عليه ساعاااااااااات بيضعف فيها لما يحس ان عمرة بيجرى من غير ما يكون ليه طفل وده احساس فظيع على راجل .. الست ممكن تتحمل اكتر من الراجل فى المواقف اللى زى دى ... علشان كده انا بقول انه مش من الازواج اياهم وما استسلمش وسابك من الاول .. يبقى يستاهل نحاول عشانه مليون مرة
    لكن لو كل اللى جواكى اوهام وخيالات (وانا واثقة من ده ميه الميه ) من اللى بتيجى للى اتأخر حملهم ان ازواجهم مش عايزينهم يبقى تحاولى ومش مرة واحده لا ميت مرة كل ما ربنا يرزقك بفلوس وتفضلى تلحى على ربنا فى الدعاء وفى المحاولات لحد ما ربنا يريد
    لانه ساعتها هيكون يستاهل بجد انك تحاولى مش عشانك بس لا وعشانه ..
    بصى دلوقتى انا عايزاكى تركزى كويس جدااا فى خطواتك وتتابعى كويس انتى عليكى ايه تعمليه واعمليه وتوكلى على الله .. وانتى معاكى دكتور عادل متابع خطواتك صح يعنى مفيش شك ان لو فى اى شئ خطأ هينبهك ليه على طول .. وماتقوليش انا شاكه فى كل شئ .. وشاكه فى تحاليلك .. علشان اكيد التحاليل دى هتعيديها فى مصر .. صح ولا ايه ؟؟ انا بس مش عايزاكى تعددى لنفسك المشاكل علشان الامور ما تتعقدش .. رتبى اوراقك وابتدى من جديد وشوفى ايه اللى ناقص وكمليه وعلى الله التوفيق
    وسامحينى فى اى كلام يكون دايقك منى بس الكلام ده جوايا ليكى وكان نفسى اقوله لك لعل انه يفيدك .. ربنا يعلم معزتك عندى قد ايه يا مشمشة

تابعي تجارب أخرى من هذا القسم.