خطيبي و انا :(

حبيبتي يمكن انا اكثر وحدة افيدك في مشكلتك لانه مشكلتك نسخه طبق الاصل من مشكلتي...نفس الحاله بتمر معاي... بس ترى انصحك لوجه الله لا تسمعي لاي احد يحرضك عليه او يقوللك انه مو كويس...لانه يحبك وبالعكس شاريك واكبر دليل انه يبي يعجل الزواج...يعني مو لعاب...
تصدقي انا سالت خطيبي قلتله انت ليش صرت بس اكلمك تعصب ؟؟ انت ما كنت كذا ايام الخطوبه!!
قاللي انا مليت من طول الملكه نفسي اتزوجك خلاص ونستقر ...لكن المشكله انه اهلي مو موافقين على الزواج الحين بحجة انه يبوني اتخرج من الجامعه اول وكمان عشان هو يكون كون نفسه كويس ...
حبيبتي انصحك كمان انك ما تحكي مشاكلك لاي احد من صديقاتك او قريباتك لانه ترى الناس يالطيف تتمنى لك المشاكل وماتتمنى تشوفك سعيدة...يالطيف الناس صار كل همها التفريق بين الاثنين...
تصدقي ! الاسبوع الماضي كانت عندي زوجه اخوي... المهم اتصل خطيبي وانا باكلمه حصل سوء تفاهم بيني وبينه واتخاصمنا شوي... الا هاذي استغلت الموقف يالطيف غيرانه لانها تغار مني مرة ...وتتمنى تشوفني دايما زعلانه معاه...
المهم جلست بدال ما تهدي علي جلست تشعل النار زيادة ..تقوللي انتي ايش ضمنك انه يحبك ...هو شكله يبي يطفشك ويبيها تجي منك ...الين خلاص فقدت اعصابي من كتر البكا..ورحت قلت لاهلي ما ابيه...
اهلي شافوني في هذا الوضع حزنو عليا...قالولي اذا هاذي حتخرب حياتك قاطعيها ولا تكلميها ابدا...

حبيبتي
الحمد لله انه المشكلة انحلت

بس بغيت اقولك شي... الغيرة والشك ابد ما تحسسيه فيهم... لان الريال إذا حسك تغارين يقوم يزيد الحركات بس عشان تولعين والله ما اكذب يعني ممكن يسوي حركات بس عشان يخليج تتضايقين... عشان جيه خلج قوية وطنشي اي شي وخلي ثقتج فيه كبيرة..

ثاني شي البجي قدام الريال مو حلو دوم... يعني وقت الدلع ما عليه بس وقت الخلافات خلج قوية لانه الريال يحب المرة القوية اللي ما تفرط بدموعها لاي شي...

هذا راي بس تراة كل ريال غير عن الثاني وانتي بتعرفيه اكثر يوم تتزوجين ان شاء الله

يعطيج العافيه على النصايح والله انا محتاجه هالكلام والتشجيع وانشالله راح اقدر اتغلب على هالشي اللي فيني والله يقدرني انشالله .. ويشيل هالافكار اللي جد عارفه مالها داعي بس بنااااااااااااااااااااااااااااااات الله يعينه على قلوبنا

اعووووذ بالله من جذي ناس ياربي وين الخوف من الله راح حرام عليهم يتمنون الشر والزعل لغيرهم الله شلون راح يوفقهم و شلون ضميرهم يرتاح بعدين اعوذ بالله منهم الله يبعدنا عنهم اجمعين يارب و فعلا حبيبتي والله انه كلامج اللي قلتيه حق خطيبج هو نفس اللي انا قلته له و نفس الرد حصلت .. قالي مليت الى متى انطر و اهلج مقفلين السالفه :( الله يهديهم انشالله و يفرجها علينا يارب
و نصيحتي لج قطعي عن هالبنت احسن والله لا تخرب عليج حياتج و لا تقولينلها اي شي يصير بينج وبينه .. انا مو من النوع اللي اقول بس في شغلات واضحه تبين من الاسلوب انه يحبون بعض او يكرهون بعض والناس مالها الا الحسد