شاركي في النقاش

سجلي الدخول لإضافة تعليق.

التعليقات

1,551
  1. @ashtkt_alyk

    المشتاقة لمكة
    اخواتي مش عارفة اشكركم ازاي عل ردودكم اللي تشفي القلب من جروحو اوكسي ...مها...شوشو...ام اياد رماااااااااااااااال انا مش حزعل منك ولو ضربتيني بالشبشب على راسي انا فعلا بمر بحالة ضعف رهيبة وانا من النوع اللي لما تيجي الدورة اصاب باكتئاب شدي…
    مشمشتى....
    على فكرة أنا فاهماكى كويس أوي...و البنات كمان فاهمين..بس خايفين عليكى و نفسهم يشوفوكى دايما مفرفشة و قلبك مليان أمل....

    و مش عايزة إحساسك إنك اتفهمتى غلط يخليكى تكتمى مشاعرك و متبوحيش بيها.....
    لا اتكلمى و فضفضى...و أكثري من الدعاء و الاستغفار....و إن شاء الله ربنا يرفع عنك البلاء و يصلح الأحوال.....
    و بالله عليكى متفكريش فى بكره كتير.....
    عارفة يا مشمش.....مشكلتك إنك شايفة بكره بمنظار أسود أوي.....
    أنا مش هاقولك خليه وردي....هاقولك سيبى بكره لربنا....محدش عارف هنكون فين و لا هيكون حالنا إيه....

    يا رب يا أرحم الراحمين يفرج همك و يريح قلبك و يرزقك من حيث لا تحتسبى
  2. @ashtkt_alyk

    oshy2005
    شوشو ربنا يكرمك على فكرة اسمك جميل بس مش ده التنى؟؟؟؟؟؟؟؟؟؟؟؟؟؟؟ مش هقولك عرفته منين العصفورة قالتلى ربناييسرلك الامور انت لسه بتعملى تنشيط؟ متابعة مع دكتور مين؟؟
    هههههههه....ضحكتينى و الله يا أوشى يا عسل.....
    طبعا أنا عارفة عصفورتى الحلوة اللى قالتلك.....و ربنا يخليكى على ذوقك...
    على فكرة أنا اسمى مى.....علشان اللى يدعيلى يبقى يدعى من قلبه ....يمكن الدعوة ترشق و تبقى من نصيبى....
    و أنا يا حبيبتى باتعالج عند أكتر دكتور اسمه بيتذكر هنا....و طبعا هو يستاهل ثقتنا و احترامنا و زياده.....دكتور عادل البيجاوي....
    و الحمد لله انا خلصت معظم مراحل علاج التكيس.....و دلوقتى فى مرحلة التنشيط....و الدكتور قالى انه المفروض ناخد تنشيط 6 شهور...و خلالهم طبعا ننتظر إذن ربنا...

    أنا أخدت شهرين....بس حسيت إنى محتاجة راحة الشهر ده ....و إن شاء الله أرجع أكمل تانى من الشهر الجاي إن عشنا....دعواتك بقى يا قمر
  3. @ashtkt_alyk

    boba boba
    اشتقت حبيبة قلبى انتى قولى اللى انتى عاوزاه بلاش حاجة تكون تقيلة عليكى اكيد انتى بتسالى عشان تطمنى عليا او عشان تلفتى انتباهى لشئ فى مصلحتى بصى ياحبيبتى هو طبعا فى حالات الاندو بيفضل الوسائل المساعدة للحمل بس طبعا هم بيدو فرصة للحمل الطبي…
    بوبا....
    ربنا يخليكى يا قلبى و يبارك فيكى و ميحرمنيش من ذوقك ابدا..
    و يا رب يكتبلك كل الخير و يرزقك الذرية الصالحة و يقر عينك بيها من غير عمليات و لا غيره...
    والأهم دلوقتى إنه يهديكى للى فيه الخير و يوقفلك دايما أولاد الحلال
  4. @ashtkt_alyk

    oxygenatom
    اشتقت اليك ... اخبارك ايه ... مع تمنياتى لك بشهر استجمام سعيد .. بس ياريت تخرجى ولو يوم واحد انتى وجوزو والاستاذ روقان علشان تعرفى تغيرى جو ... انا عارفة ان ظروف شغل جوزك صعبة لكن أكيد بياخد يوم اجازة ...
    أوكسى....
    ربنا يبارك فيكى يا قمر و لا يحرمنا من طلتك علينا و كلامك اللى زي السكر....
    يا رب يسمع منك يا أوكسى....
    و متقلقيش على روقان و أبوه....أنا الحمد لله مش باحاول أنكد عليهم خالص....و بنحاول نخلى يوم الويك إند مقدس....و نقضيه كله بره...و ساعتها فعلا مش باسمح لنفسى إنى أفكر فى اي حاجة تضايقنى...وفعلا بيفرق معانا كتير و على رأي أوشى...النظرة لوش أنس و هو مبسوط بالدنيا و ما فيها...يا رب يرزقكم جميعا و يقر أعينكم بالذرية الصالحة و ميحرمش حد من هذه النعمة أبدا.....
  5. @dodo_am_gogo

    رمـــــال
    دودو ام جوجو .. ازيك يا جميل عاملة ايه .. ليه بس كل الدربكة اللى انتى فيها دى ..بصى خدى الامور بالراحة وقبل ما تكملى اى حاجه فى العمليه لازم تراضى زوجك علشان يبقى ذهنك وطاقتك النفسيه كلها موجهه للعمليه كلمية كده فى وقت يكون مزاجه رايق في…
    ضحكتينى يا رمال ايه الكلام العسول دا , هوا انا كنت بعمل كده بس جوزى بقى يقولى مبكلش من الكلام دا و على العموم انا بقله اهو معلش اللى اقدر اعمله , اه يا بنتى صعبيين جوى يا بوى رجالة الصعيد دول :p

تابعي تجارب أخرى من هذا القسم.