شاركي في النقاش

سجلي الدخول لإضافة تعليق.

التعليقات

1,551
  1. @mama1983_1

    شيمولاتا
    والله العظيم مش كسل ولا حاجه انا بحب اكون دايما وسطكم بس مش بحب اضايقكم انا دلوقت بشتغل فترتين فى مدرستين صباحى ومسائى وان شاء الله ربنا يكرمنى على اخر السنة ويكون معايا تمن الحقن المجهرى والمنظار كمان بس خايفه اليومين دول ومش عايزاكم تكتئ…
    ايه الكلام الفاضي ده امال لو ما كنش عندك بويضات زي كنت قلتي ايه ايه تفائلي التكيس حاجه هينه ان شاء الله بس محتاجه صبر وبعدين كله بيد رب العالمين
    بس غلطتك انك قلتي للناس ان عندك تكيس ومشكله تمنع الحمل انا مستحيل احاكي لاي حد عن مرضي ده حاجه خاصه بي وزوجي وكل ما حد يسالني اقول الحمد لله انا وجوزي حللنا وكله تمام بس ربنا ما اردش نعترض يعني على طول يسكت كده احسن الناس حاسه اني مش عاوزهم يدخلوا في شئوني وبقوا يخافوا يسالوني تخيلي وبعدين انا لو اتعودت اقول للناس على كل حاجه مش حيرحموني اذا جبنت بنت حيقولوا امته الولد ولو ولد مش ناوية تخاويه واذا العيال كبرت ها اخترتي المدرسه وحيدخلوا في كل حاجه كبيره وصغيره وانا ناويه اذا ربنا اراد لي حمل مفيش انسان حيعرف الا في الولاده عشان يفهموا ان انا حياتي ده ليا ومحدش له دخل فيها
  2. شيمو انا هرجع واقولك تانى كلنا هنا اخواتك واى حاجة حتى لو كانت بسيطة تعالى احكى عليها لو مضايقك
    احنا هنا علشان نخفف عن بعض ولازم تعرفى ان ده واجب علينا لان هنا كلنا اخوات وبنعيش كل لحظة مع بعض الفرح والحزن وكل حاجة وربنا يجعل ايامنا كلها فرح وسعادة ويبعد عننا الحزن يارب ويوفقك ويكرمك قبل السنة ماتخلص
    وتجيبى نونو كميل كده
    روقى كده وسيبك من كلامالناس
    طيب تصدقى بالله انى انا لحد النهاردة مش خالصة من كلامهم مش عارفة شاغلين بالهم بيا ليه
    بس هعمل ايه ولا بحط فى دماغى كبرى الg ,وروقىd
  3. @ashtkt_alyk

    ازيكم يا بنات.....
    أوكسى و بوبا....
    قريت كلامكم الصبح و حبيت بس أوضحلكم حاجة بسيطة.....لو دورتوا على النت هتلاقوا إن هجرة بطانة الرحم و الإندومتريوزيس و الأكياس الدموية علىا لمبيض و أكياس الشيكولاته كلها مسميات لمرض واحد....

    يعنى يا قمرات مفيش اختلاف....يبقى التشخيص صح يا أوكسى ...وو ما علينا إلا اتباع الطرق الصحيحة للعلاج
  4. @mama1983_1

    مشتاقه مش عارفه اقول لك ايه بجد الكلام الي قلتيه كل يوم بقولوا لنفسي ياترى المستقبل مخبيلي ايه انا بجب جوزي قوي قوي قوي ونفسي ما ابعد عنه ولا ثانيه بس اعمل ايه خواطر سوداء كل يوم بفكر فيها وعلاقتي مع ربنا زي ماهي مش كويسه ابدا ابدا ابدا ولسه محبطه والشيطان لسه بيلعب بعقلي ونفسيتي يوم فوق في السماء ويوم في الارض انا حاسه بيكي قوي وتقريبا ظروفنا قريبه لبعض انا من يوم ما اتجوزت وانا حاسه اني حرمت جوزي من حاجات كثير ودخلتوا في ضغط مادي ونفسي فظيع وهو صابر عليا ما تتخيليش لما كان المفروض يفحص كان خايف ازاي مع انوا ما ظهرش الحاجه ده لحد اليوم في راجل يتجوز عشان يتهنى وراجل يتجوز عشان يحلل بعد خمس شهور جواز ويدخل عملية انابيب بعد 9 شهور ويلم القرش على القرش ويحرم نفسه من حاجات نفسوا فيها عشان يعالج بنت الناس الي يدوب متجوزها بقالوا شهور
    اه انا ايه الي خلاني اقول الكلام ده انا حاسه اني بعيده عن ربنا والحاجه ده مضيقاني قوي ليه مش قادره اصبر وابطل شكوى
    لا يا مشتاقه خلينا نستغفر استغقر الله استغفر الله استغفر الله لبيك ربي وسعديك والخير كله اليك والشر ليس اليك يارب اربط على قلبي انا ومشتاقه وقربنا لك وخفف عنا يارب ونعوذ بجلال وجهك الذي اشرقت له الظلمات من الشيطان وهمزه ولمزه وشروره
  5. @ashtkt_alyk

    شيمو...
    أولا...تعالى أملص ودانك علشان مش حفظتى الدرس يا أبلة....إحنا ريقن نشف من كتر ما قلنا اننا هنا علشان نسمع و نفضفض و مش بنكل أبدا.....و متقلقيش يا ستى إحنا بقينا عاملين زي الفيل...نص وزننا ودان.....

    ثانيا...انا من رأي ماما....مش المفروض ان الناس تعرف التفاصيل بالشكل ده لانك مش هتخلصى من كلامهم...لأن مبيعجبهمش العجب...طبعا اللى حصل حصل.....يبقى نتعلم من دلوقتى منقولش تفاصيل...كفاية نقول الحمد لله....لسه ربنا مأردش....ربنا ييسر....و الكلام ده بيسكت اي حد....

    و أخيرا...أنا هاقولك التنشيط اللى باخده بالتفصيل....لكن بشروط...أولا إنك تكونى عارفة إن مينفعش حد ياخد تنشيط من نفسه....لانه لا قدر الله ممكن يحصل مضاعفات.....و لازم يبقى فيه متابعة طبية...لتحديد الجرعة المناسبة....و لمتابعة التبويض و زيادة الجرعة إذا احتاج الامر...أو لتحديد ميعاد الإبرة التفجيرية ...لانها على ما أعتقد بتبقى ضرورية لما البويضات توصل للحجم المناسب....

    يبقى اللى هاقوله ده استرشادي بس.....لكن اوعى تاخدي حاجة من غير رأي طبيب....

    ثوانى و ارحع أقولك التفاصيل....ِ

تابعي تجارب أخرى من هذا القسم.