شاركي في النقاش

سجلي الدخول لإضافة تعليق.

التعليقات

31
  1. السلام عليكم ورحمة الله وبركاته
    يعطيك العافيه موضوع جلو جزيتي خيرا عليه
    بس ليه ختام وخروج طره هذي والا ايش صدقيني اغلبنا اللي الحمد لله ربي رزقنا حتى بعد الحمل تلقينا مو قادرين نطلع من القسم بسبب جو الالفه والمحبه اللي بين الاخوات في هالقسم
    عموما بكتب قصتي وان شاء الله تكون فاتحة خير على الجميع
    انا تزوجت قبل 13 عاما وعدت السنتين الاولى من زواجي بدون التفكير في الانجاب نهائيا لاني ماكنت ابغى شي يأخر دراستي وما شغلت بالي بالموضوع لانو سلايفي اللي قبلي تاخرو كمان وحسيت اني ماشيه بدربهم فما حبيت ازعج من نفسي على بدري خصوصا انو انا وزوجي كنا لسى طلبه وندرس سوى بس العله لما تخرجت وقعدت في البيت بديت احس بالفراغ وادور ورى الموضوع بس مافكرت اروح لاي دكتوره لاني كنت استحي من الكشف النسائي وكنت ازن على زوجي يروح للدكتور وبالفعل راح وعمل التحاليل طلع عنده ضعف بسيط قاله الدكتور مايمنع الحمل وعطاه شوية مقويات بس زوجي ملول ما ستمر عليها وجات السنه الثالثه والنصف وحصل نقطة تحول في حياتي في امور ماكنت راضيه عنها بديني زي الاهمال بالنوافل وعلاقتي مع كتاب الله والاذكار وسماع الاغاني كمان والحمد لله تاب الله عليه وبديت اعدل من حياتي وعملت لي جدول لحفظ سورة البقره وانشغلت بالحفظ والحمد لله اول مابديت الحفظ حملت اول حمل لي بس الحمد لله على كل حال نزل الحمل بعد اسبوعين من التحليل بسبب داء القطط وتعالجت منه وظليت بعدها انتظر الحمل كل شهر وبعد تسعه شهور من الاستمرار على على الحفظ والاستغفار حملت حملي الثاني والحمد لله الوهاب رزقني ربي بولدي البكر وعلى طول بعد الولاده مافكرت في المانع على بالي راح احمل على طول وجلست خمسه شهور بعد ولدي ماتجيني الدوره وماخليت اختبار حمل ماشريته حصل عجز في الاسواق بسببي احلل في الشهر ثلاث واربع مرات من زود الطفاقه مادريت عن موضوع الرضاعه انه ياخر الدوره
    وبعدها بسنتين رجع زوجي للمراجعات والدكاتره وللأ سف كانت النسبه عنده جدا ضعفيه وطلع معاه كمان دوالي وظل رايح من دكتور للثاني وكلهم اجمعوا انو لازم يعمل عملية الدوالي وظل متردد لمدة ثلاث سنوات لحد في الاخير ماعملها وهنا بدى القلق فعلا سارت تحاليله اسوا من اول ومن دكتور للثاني لمدة اربع سنوات اللي يعطيه مقويات واللي عطاه ابر واللي عطاه مضادات للاكسده لحد ماراح لمركزعلاج وقالو له مافيه حل الا التقيح الصناعي ولازم تجيب زوجتك تشوفها الدكتوره وبالفعل رحت لها وظلينا سنتين وحنا من التهابات لقرحه في الرحم الى اشعة الصبغه اللي اجلتها سنه كامله بسبب الخوف حتى ربي راد واقدمنا على عملية التلقيح ولما جينا بنعملها الاتحليل زوجي ناااااااااااااااااااازل اكثر من اول قالو لنا مافيه حل الا الحقن المجهري وعملنا اول عمليه بعد ماسار عمر ولدي ثمان سنوات ونصف وكنا كلنا الثلاثه متلهفين لشوفة التوا~م الرباعي لانو الدكتوره عشمتني انو نسبة النجاح عاليه عندي بسبب الحمل السابق وعدت ايام الانتظار وانا كل يوم اطلع تريب جديد للبيت عشان استقبال اولادي الاربعه ووين راح انيمهم وكيف راح نرتب الميزانيه لمصروفاتهم وايش راح نشتري سياره تكفينا وعدت ال14 يوم وحنا على هذا الحال حتى نتيجة التحليل اللي
    صدمتنا والحمد لله تقبلنا المصيبه بصبر ورضا وهذا فضل من رب العالمين وبدينا نفكر في العمليه الجايه ورتبنا حالنا انو تكون في الاجازه الصيفيه بعد 8 شهور والحمد لله عملنا العمليه الثانيه واقدمت عليها وكلي خوف من مرارة الفشل اللي ذقتها في المره الاولى بس الحمد لله برضو كنت هالمره متفائله واملي بالله كبير نجحت هالمره وانا حامل في الاسبوع 11 دعواتكم لي بتمام حملي وان يرزقني الله الذريه الصالحه الباره المعافه
    تعبت وانا اكتب احس اني هذرت كثيييييييييييييير لاتنسوني من دعواتكم الحلوه :26:

تابعي تجارب أخرى من هذا القسم.