شاركي في النقاش

سجلي الدخول لإضافة تعليق.

التعليقات

1,551
  1. اشتقت اليك
    بناتى الحلوين.... أنا قاصداكم فى خدمة....يا ريت اللى تعرف اسم طبيب عظام كويس تقولى عليه......يلا متتأخروش عليا فى الرد.....

    مشمشة حبيبتى ..
    ازيك دلوقتى عامله ايه يارب تكونى احسن ..
    بعتذر عن فهمى الخاطئ لكلامك .. ولو انى قلت لك فى كلامى انى عارفه ان اللى بتقوليه ده مجرد كلام وانك ما تقصديش معناه وقلت لك كمان انى فاهمه انها لحظة ضعف وان مش ده اللى جواكى ..
    وكتبت لك انى السبب فى انى أنبهك للكلام ده علشان احنا الكلام اللى بنقوله بيتحسب علينا وبيتكتب فى صحيفتنا ومن باب الحديث اللى بيقول
    "إنَّ الرَّجُلَ ليتكلمُ بالكلمةِ مِنْ رضوان الله لا يُلقي لها بالاً يرفعه الله بها درجاتٍ ، وإنَّ العبدَ ليتكلم بالكلمة من سَخَطِ الله لا يُلقي لها بالاً يهوي بها في جهنَّم "
    وربنا يفرجها عليكى يا حبيبتى وعلى كل البنات يارب وييشفيكى ويعافيكى يجعل نهايه لمعاناتك ..


    اوشــــى .. ازيك ياام مرمش وفرفش .. يارب تكونوا بخير

    ام انس .. لسه مفيش امل تظهرى ؟ يارب يكون اختفاءك ده وراه خير

    بوبا ..
    انتى لسه محتارة؟ .. طيب ربنا ييسر لك طريق الخير ويوفقك ليه وربنا يبارك فى وقتك علشان مامتك ويبارك لك فيها هى كمان يارب .. فسحيها كويس يا قلبى

    اوكسى ..
    زعل ايه يا بنتى انتى عبيطة .. لا طبعا الموضوع مش وصل لزعل انا بس استغربتك لما قولتى انى بحتفظ بالكلام لنفسى بقيت بقول لنفسى هى فهمتنى غلط بعد المده دى كلها ولا ايه ..
    والله يابنتى مكنتش عايزة اعيد الكلام تانى علشان ما اكونش بأثر عليكى فى قرارك واكتفيت انى نصحتك مرة وانتى شوفتى كلامى ساعتها ورديتى عليه .. وبعدين مفيش مشكله انك تختارى طبعا اللى يناسبك ومكانش معنى انى سكتت لما رحتى للدكتور التانى انى زعلت لما ما رحتيش لدكتور عادل .. ليه يعنى هو احنا عقلنا صغير للدرجة دى
    بس المسألة انى مكانش عندى كلام تانى اقوله لانى كنت قلت لك بالفعل اللى كان فى ذهنى .. والله يا اوكسى انا حاسه ان اللى جاى هيكون احسن ليكى لانك بدأتى تتفهمى حالتك دلوقتى وواضح انك مكنتيش عارفه ان عندك اندو طول المدة دى ..
    بس نحمد ربنا الف حمد والف شكر ليك يارب ان فشل العمليه وضح لنا امور كتير مكانش ممكن نشوفها

    دودو ..
    يخرب مطنك .. انتى شكلك مفضوحه على الاخر لدرجة ان الراجل اخد باله و فقسك وعرف ان الكلام اللى بتقوليه له طول المدة دى كان قرع فى قرع
    حاولى تغيرى الفكرة دى فى دماغة لاحسن خلاص الكلام ده مبقاش يدخل دماغة يا مضروبة

    الهدى والنور ..
    الله يسلمك يا جميل والله ولا متاخرة ولا حاجه كفايه مشاعرك بس وقلقك عليا .. بس انتى كان معادك النهاردة التلات مع دكتور العظام .. ايه الاخبار طمنينا عليكى

    مها مهاميهو .. ازيك يا حبيبتى عاملة ايه يارب تكونى بخير
    ها ماشيه على العلاج مظبوطة يا حبيبتى

    ام اياد وميكو ونيفو وشيمولاتا و
    كوكر وماما وسارة ..
    ازيكم كلكم وسلامى للجميع
  2. @shymolata

    انا خدت إذن من الشغل ورحت جبت نتيجة التحاليل ورجعت عالبيت جرى فتحت الكمبيوتر علشان اقولكم عليها واخد رأيكم انا عملت التحاليل تانى يوم الدورة وكانت النتيجة
    PROGESTRONE 0.83
    LH 8.13
    FSH 6.63
    PROLACTIN 597.4
    TSH 1,12
    FSH 1,37
    المعدل الطبيعى للبرولاكتين من 127 الى 637 ومع ذلك مش عارفه ليه انا كده اعتبرته مرتفع انتو رأيكم ايه فى نتيجة التحليل طبعا لسه فيه تكيس صح والبروجسترون كده كويس ولا لأ انا مبفهمش فيه وان شاء الله هعمل تحليل البروجسترون فى اليوم ال 21 من الدورة تانى

تابعي تجارب أخرى من هذا القسم.