شاركي في النقاش

سجلي الدخول لإضافة تعليق.

التعليقات

1,551
  1. اوشي انا مش عايزة ازيد حيرتك بس انا بصراحة شديدة بقولك هو اجراء واقي ومفيد للاجنة وغير مضر لك
    يعني لوعملتيه مش حتخسري وزي ماقال دكتور اسماعيل انك يمكن تروحي وتيجي وانت قلت (احتمال تفضلي هناك) يعني في برضة احتمال تنزلي مصر
    والحمدلله ان عنق الرحم دلوقتي كويس ومقفول بس مع كبر حجم البيبهات وضغطهم على عنق الرحم بيكون الربط اجراء مفيد
    بس معليش عندي سؤال انت عندك اي التهابات لا سمح الله
  2. حاضر من عينيا يا اوكسي
    انا من الاساس مافيش عندي مشكلة والحمدلله بس المشكلة عند جوزي قلة في العدد وضعف شديد ورغم كدة الدكتور عمل لي 4 تلقيح صناعي واللي زعلني اني بالصدفة فتحت ملفي ولقيت مكتوب جنب النتيجة المتوقعة للتلقيح الاول poor prognosis ورغم كدة عدتة تاني وتالت وفي الاخر اتحايلت على الدكتور يعمل لي الحقن المجهري وهو مش مقتنع ابدا بيقول انت دكتورة وعارفة ان مافيش نسبة نجاح 100% ومادام اصلا حملتي مرتين معناها ممكن تحملي تاني من غير اي تدخل وطلب مني اعمل صورة ملونة للانابيب قالي يمكن حصل التهابات بعد اخر حمل واتسبب في قفلها
    هنا بقى رفضت وقلت له اناعايزة اعمل حقن مجهري ودة مش فارقة انابيب فاتحة ولامقفولة وسبحان الله صلبت راي بصورة غريبة لحد ماوافق بس برضة فشلت
    لما جينا مصر ماكنش في جديد بس بصراحة اتعاملو مع حالتنا بايجابية شديدة وحرص شديد
    الخلاصة ان مع احترامي للراي العلمي بس كل واحديعرف ظروفه اكتر من اي دكتور يعني انا الدكتور بتاعي كان عاوزني اصبر شوية واحاول بس لحد امتى انا حملت مرتين في تلات سنين يعني اصبر واكمل بويضاتي في التلقيح الصناعي وانا عارفة ان نسبة النجاح ضعيفة
  3. صباح الخير يا بنات

    سارة الله يكرمك انك بتسالى عليا

    هو انا فهمت انك الحمد لله حامل
    ربنا يفرحك و يتملك على خير يا رب

    بجد فرحت جدا ان ربنا كرمك

    عقبال باقى البنات كلهم يا رب

    سلامى للجميع

تابعي تجارب أخرى من هذا القسم.