شاركي في النقاش

سجلي الدخول لإضافة تعليق.

التعليقات

1,551
  1. @am_ayad_2009

    السلام عليكم يا بنات
    انا بقالي يومين مش بدخل لان المنتدى ده خرب لي الدنيا كلها
    بس اول مدخلت عرفت ان مسلمة ولدت فقلت لازم ارد
    ربنا يقومها هي وجنة بالسلامة
    وعقبال يارب ماتشوفها عروسة
    بس عايزينك يا مسلمة تشدي حيلك بسرعة كدة وتيجي تطمنينا عنك وعن جنة
    ربنا يخليهالك يارب
  2. مسلمة حبيبتى الف سلامة عليها ربنا يشفيها ويعافيها يارب ويباركلك فيها
    الف حمد الله على السلامة بس يارب نعرف مالها بس
    ربنا يحفظهالك من كل شر يارب
  3. oshy2005
    مسلمة حبيبتى الف سلامة عليها ربنا يشفيها ويعافيها يارب ويباركلك فيها الف حمد الله على السلامة بس يارب نعرف مالها بس ربنا يحفظهالك من كل شر يارب
    الف حمد الله على سلامة مسلمة و ان شاء الله تقوم جنه بالف سلامة
    اخبارى رحت للدكتور امبارح بعد انتظار 3 ساعات و طلب منى رنين فنزلت اعمله بسرعه على اساس يشوفوه لانه رفض اى كلام الا بعد الرنين رغم انه متاكد انه هيخلص العيادة قبل ما يشوفوه :o
    عملته كان خلاص مشى المهم النهارده شافه قالى الفقرات 3 و 4 و5 متحركين و ده عارفينه من الاول
    الجديد
    ظهرك مالوش علاج دلوقتى غير المسكنات و العصب كويس الحمد لله بس قالى مفاجاه غريبة

    الفقرة السادسة بالرقبه طلع فيها انزلاق عضروفى و كتب لى دخول و عملية فورا مش عارفه اضحك و الا اعمل ايه ؟ :06:

    رقبتى مش كنت حاسة فيها بالم يعنى يعنى المها مش موجع قوى و ما جاش بدماغى خالص فقط امبارح من ساعه الرنين و هى تعبانى لكن قبل كده الم مش جامد المهم حتى ما ادناش فرصه نتكلم قالنا هو ده التشخيص و المساعد هيفهمكوا كل حاجة المساعد بنفس الطريقة البايخة و باقصى سرعه كتب دخول مستشفى نقوله الالم الاساسى بالظهر والم الرقبة مش جامد

    يقول ده كلام الدكتور
    تخيلوا حتى ما كتبوش مستشفى ايه منتهى الاستهتار بالناس و التعامل معاهم و بالاخر واحد من اشهر دكتورين بمصر

    يارب هون الدكتور كبير و مشهور بس برضه قلت هاشوف دكتور تانى كنت رحت له من فترة مرة واحدة و ما كملتش معاه علشان كشفه بيبقى على الساعه 3 الفجر فطبعا تعب جامد و هما الاثنين مفيش غيرهم لعلاج العمود الفقرى بمصر فقلت برضه اروح و اسمع منه بس للاسف الحجز لسه بعد شهر و نصف
    ربنا يهونها يارب

    ميمى يا قمر بصى اطباء العظام تخصصات اذا جوزك شكوته من الركبة مثلا او اى حاجة مش عمود فقرى د احمد عبد العزيز بالمهندسين ممتاز و مشهور جدا جدا و متدين ما شاءالله عليه و برضه د خالد تحسين الحديدى ممتاز ب مش بيتكلم كثير
    لو عمود فقرى هاقولك برضه اسماء الدكاترة اللى رحت لهم
    كل البنات
    باسلم عليكم و سامحونى مش قادرة اقعد على الكمبوتر لتعبى
  4. @shymolata

    تعالو شوفو اللى حصلى انا بعت ايميل للدكتور عادل بنتيجة التحاليل اخد رأيه فيها وسألته عالحقن المجهرى بالنسبة لى وكده رد عليا ب3 جمل بس
    البروجيستيرون سئ جدا
    تخسى تخسى ثم تنشيط للتبويض
    الحقن المجهرى بالنسبة لحالتك لا دور له
    انا مش عايزة اتكلم دلوقت فى اى حاجه
  5. @ashtkt_alyk

    هدي....
    ربنا يعافيكى و يشفيكى يا حبيبتى....و يجعله كله فى ميزان حسناتك....
    معلش خدي رأي دكتور تانى...ولو أيد الكلام ده يبقى استخيري و توكلى على الله و اعمليها.....
    و إن شاء الله ربنا يكتبلك كل الخير يا حبيبتى...
    و ربنا يجازيكى خير على الاهتمام...و يبارك فيكى

تابعي تجارب أخرى من هذا القسم.