شاركي في النقاش

سجلي الدخول لإضافة تعليق.

التعليقات

1,551
  1. @ashtkt_alyk

    شيمو..
    حاسة من كلماتك إنك مخنوقة على الآخر...
    ليه يا قلبى....المفروض تكونى مبسوطة إن الدكتور قالك إنك مش محتاجة حقن مجهري....
    كل اللى عندك هرمونات ملخبطة شوية...حلها فقد وزن و تنشيط.....بس كده....
    يبقى الفروض تبصى للجانب الإيجابى و هو إن فرص الحمل الطبيعى عندك إن شاء الله كويسة و بعيد عن العمليات و تعبها و تكلفتها...

    و هاقولك حاجة...أنتى أكيد مش قلتى للدكتور إن تحليل البروجسترون اتعمل فى أول أيام الدورة.....لان المفروض انه يتعمل فى اليوم ال 21....و طبيعى إن تكون قيمته منخفضة فى اول الأيام.....و ده مش كلامى ..انا هاكتبلك الموجود فى ورق المعمل...
    Follicular Phase: 0.2 - 1.5
    ovulate phase: 0.8 -3
    Luteal phase: 1.7 -27

    شفتى بقى إن طبيعى فى النصف الأول من الدورة ان الهرمون يبقى منخفض.....توكلى على الله و اعمليه فى اليوم ال 21 ..و انتى تشوفى اصورة واضحة....و حتى لو لا قدر الله فيه ضعف تبويض ...فبامر الله علاجه تنشيط كويس....و ده الحمد لله حاجة هينة...و ياما سمعنا عن ناس عندهم حالات مشابهة و ربنا أكرمهم...

    هونى على نفسك
  2. @am_ayad_2009

    صباح الخير يا امهات المستقبل

    هدى الف سلامة عليكي يا حبيبتي
    بلاش تعملي االعملية على طول حاولي تشوفي دكتور تاني بس يكون كويس
    ولو قالك برده لازم عملية يبقى استخيري ربنا وربنا يقدملك اللي فيه الخير

    شيمو انتى قلتي لدكتور عادل انك عملتي البروجسترون تاني يوم للدورة ؟
    لانه ممكن يكون فاكر انك عملتية اليوم ال 21 للدورة
    وبعدين حقن مجهري ايه اللي انتى بتفكري فيه دلوقتي طالما في حاجات ممكن تتعالج بشوية ادوية
    حاولي يا حبيبتي تشوفي دكتور شاطر وتابعي معاه وان شاء الله متحتاجيش للحقن

    توتا يارب يارب تنجح عمليتك وتحملى قريب باذن الله

    نيفوالف سلامة عليكي يا عسل التجمع
    يلا بقي تعالي نورينا بمشاركاتك اللي زي العسل
  3. @ashtkt_alyk

    أم إياد...
    صباحك زي الفل يا قلبى....
    عاملة إيه يا حبيبتى....يا رب تكونى بخير و تكون كل أمورك تمام...
    احنا بخير و الحمد لله....و أنوس يا ستى مستمتع بالمذاكرة اللى على الكمبيوتر طبعا علشان الاغانى و الألوان و اللذي منه....
    بس الجديد إن سيادته عايز يستحوذ على الكمبيوتر و الانترنت....و أنا اللى أتفرج على الكارتون ....و إن موافقتش ابقى وحشه و شريرة و غريبة جدا ....
    تعالى دافعى عنى شوية لاحسن حاسة إنى مش هاعرف اقرب من الكمبيوتر تانى بسببه هو و باباه....

تابعي تجارب أخرى من هذا القسم.