السلام عليكم كيفكم يا أحلى أخوات ما أنحرم منكم ومن نصايحكم ان شالله أسفه على التأخير والله يسعد كل وحده ردت على موضوعي ويكون في ميزان حسناتها ان شاء الله أنا طولت عليكم لأنه صارت تطورات كثييره في حياتي أنا قلتلكم على الايميل اللي سويته واني كلمت زوجي على النت لوج وأرسلي ايميله وصرت اكلمه عليه وصار يكلمني كأنه يعرفني من زمان واعترفلي بشغلات كثيره صارت قبل زواجنا وبعده وصار يفضفضلي على اللي جواته وانا كنت تعبانه وبيت عند أهلي كم يوم وكان يكلمني فيها بالساعات وقالي عن البنات اللي يكلمهم وانه حب وحده سوريه قبل الزواج وجلست علاقتهم 5سنين وبعدين هي اتزوجت وتركته وهو اتزوج وصار يكلمها بعد الزواج الى قبل سنه ونصف وأنا صارلي متزوجته 4 سنين يعني استمرت علاقته الى بعد زواجها وزواجنا الله ياخذها وصارت مشكله بينهم وزعلت هي منه وصارت ما تتصل عليه وهو ضيع رقمها ويقولي أتمنى انها تتصل مره ثانيه وسألته ليش تخون زوجتك أكيد هيا مقصره معاك قال لا بالعكس بس الرجال هو بطبعه خوان وأنا للحين أكلم بنات أتمنى ألاقي زي حبيبتي بس للحين ما لقيت وكل علاقاتي مع البنات دامت أكثر وحده يومين وما تعجبني وأطنشها أنا بصراحه وقتها انهرت اني مخدوعه فيه وحلفت اني اذا رجعت البيت غير أكلمه من غير ما أقوله انه أنا اللي معاه على الماسينجر ورحت البيت وفتحت المحفوظات ولقيت المحادثات موجوده طرت من الفرحه انه ما مسحها علشان أقدر أكلمه ولقيت محادثه ثانيه مع ولد خاله يسأله عن وحده ممرضه لعابه في مستشفى في المدينه ويقوله أديني رقمها أبغى أحلل عندها رد عليه زوجي والله أنا أخر مره عنها قبل 3 سنين يعني بعد زواجنا والرقم مو عندي ووصفله مكان المستشفى ومتى يقدر يلاقيها ومكان بيتها بالتفصيل وهي ما تبغى فلوس لكن تبغى واحد ما يطفي انته افهموها اش يقصد أنا انجنيت وقتها حسيت الدنيا تدور فيا يعني كان يزني ويروح لهذه ويسوي معاها علاقه علشان تحلله ويعني زي اللي يستنى المرض متى يجيه أنا وقتها ناديته وكلمته وفجرت كل اللي جواتي صبر 4 سنين وهو ما فتح فمه بكلمه من الصدمه اني عارفه هذا كله وساكته ما تكلمت قلتله أنا صبرت كل يوم أقول بكره ترجعلي مصيرك بتمل لكن الحكايه كل يوم في زياده وأنا ما عدت أحتمل اكثر وانت ذبحتني ذبحت كل لحظه حلوه كنت شايلتها لك في قلبي عيشتني في هم دمرت أحلى سنين عمري اللي المفروض اكون عايشه أحلى عيشه فيها وقام يعتذر ويقولي سامحيني والله أنا غلطت بس كمان انتي غلطتي انتي ما قصرتي لا في البيت ولا البزوره مهتمه فيا ما نقصتي عليا شي ولبسك من أحلى ما يكون لكن شكاكه انت خليتيني أروح للطريق هذا قلتله يعني اللي يخون من أول شهور زواجه وعمري ما كلمتك الا لما بدأت أشوف شغلات ولي أربع سنين شايفه وساكته علشان ما نخسر بعض صرت أنا أساس الغلط وشكاكه قلتله كنت أشوف شغلات واسكت ما أقلك اني شفتها وأكلمك بطريقه غير مباشره علشان ما أحرجك وتقول شكاكه كل شي كان يقين ما عرف اش يقول وقال انت لك الحريه تسوي اللي تبغي معاك حق في كل شي وأنا راضي بحكمك قلتله وديني عند أهلي أنا تعبانه حاول يقنعني اني ما أروح بس ما قدر وأنا ليا ألحين عند أهلي أسبوع وما أتصل عليه هو بس يتصل واوقات أرد وأوقات لا قلت أبغى أخليه لوحده علشان أشوف اش يسوي يكلمني على الماسينجر لكن ولا مره ما كلمني ان شاء الله تكون هذه فاتحة خير وان الله هداه و سخره ليا وأخذ الدرس مضبوط معليش أنا أسفه أنا عارفه طولت عليكم لكن محتاجه نصيحتكم هو ألحين يترجاني أرجع لبيت اش رايكم أرجع ولا كمان أخليه شوي نسيت أقولكم اني تعبت مرتين ورحت المستشفى وشبكتلي الدكتوره محلول تقول عندي هبوط حاد في الظغط هو لما دري انجن وأمس هو وداني ويقولي ارجعي البيت وانت تشوفي بنفسك كيف حتكون الحياه والله من جد أسفه على الاطاله بس محتاجه نصيحتكم لا تبخلوا عليا والله يوفق ويسعد ويفرج هم كل وحده ترد عليا وترفع موضوعي .
اول شيء انتي غلطانه بديتي وفتشتي باشياء قديمه وخليتيه يشتاق لها الان انتى انشغلي عن مراقبته وعيشي حياتك تذكري ان الله موجود وعامليه بالاحسان خاصه لما يكون ماوراك احد يوقف جنبك هنا يكون الله موجود واشغليه بطلعات وكلام حلو زي اللي يسمعه وادعي له بس