كيف حالك يالحبوبات عساكم بخير ..
الله يفرج كربكم يا رب ..
وييسر لكم اموركم ..
يالغاليات الي تمر بنفس حالتي رجااااء تنصحني
والي تعرف ناس زي حالتي تقول لي عشان ارتاح اطمئن على نفسي
يالغاليات انا ما عدت أكل ابد الا القليل بعد ما يطلع روحي من الجوع
السالفه ابتدت من وانا صغيره
اهمال بالنسبه للاكل يعني ما كنت اكل متواصل
بالوجبات الثلاث الا القليل واحيانا وجبه وجده ما كنت متعوده على اني اكل الثلاث وجبات مع بعض بنفس اليوم
يعني لما يضربني الجوع اكل ..
بعدها بفتره يا خواتي بعد الزواج صرت اشكك نفسي بالأكل
بما معنى لما اقعد مع زوجي ابي اكل الاكل الي انا سويته ومتأكده مليون بالميه
من نظافته اقعد اشكك نفسي اشوف الدجاج و له السمك وله اللحم
واتذكره وهو حي يرزق او شكله الطبيعي مع الريش انقرررررررررررررررف استغفر الله
الله يزيد النعمه لكن مو قادره اني امنع نفسي من هالتفكير
بعدها صرت نباتيه درجه اولى بالبيت
يعني لما اسوي مرقة دجاج اكل الرز مع المرقه
لكن ما اكل الدجاج اكل البطاطس الي بالمرقه وهكذا
اما الآن يا خواتي انقلب الحال نهائيا
صرت انقرف من الرز لاني شفت فيه سوس وانا انظفه
مع اني اغسله وااااااااااااي لحد ما يتنتف ايدي من المويه
لكن برضوا وقت الاكل اتذكر شكل السوس
بعدها شريت رز غير وطلع نظيف لكن برضوا مو قادره اني اكله
وقل اكلي ...
توجهت للخضار للفواكه وصرت اشكك نفسي بطريقة الزرع
واقول يووووووووه السماد من ...... كرمكم الله
فيني وسواس بالنسبه للاكل
قبل كنت فرحانه من اكل الفاست فود عشان اني ما اشوف تعاليم
شكل الدجاج وله اللحم بالهمبرجر يعني لا له رجل ولا عظام عشان
كذا كنت اكل بالشهر اكثر من مره
لكن مره سمعت ان مطعم كان يذبح القطاوه والحمير عزكم الله
ويسون منه همبرجر
بس يا خواتي انا قاعده اعاني من الوسواس
واخاف يتطور الوضع
استشرت دكتور نفساني
قال اخذي هالوصفه لكن هالحبوب يمكن تدمنين عليها الى الابد
ما اخذت واستمريت على شكوكي واستمريت على الاستغفار وذكر الله
لكن سبحان الله حالي زي ما انا ما تغيرت
حتى البيض لما اتذكر منين طالع ما عدت اكل ..
الآن حياتي كلها جبن واشياء نواشف
وخبز لكن برضوا احس بجوووع واحس بخمول من غير ما اكل الاشياء المفيده
بروتينات وهالسوالف
طمنوني في احد مثلي :(
الموضوع مغلق