مشكلتي الأكل ساعدوني والي تمر بنفس حالتي رجااااء لا تبخل علي/قديم

سبحان الله والله كأنك تكلمين عني استغفر الله ياربي احس خمول ودائما بغمى على من قل الاكل كليت حبوب فتح شاهيه وفيتامينات بس مافي فايده وخصوصا بعد الزواج لما صرت اطبخ واشوف الدجاج واللحم بجميع مراحله ماعاد تقبلته عكس قبل كان اكلي احسن شوي مو لها الدرجه الله يديم النعمه بس اذا لقيتي حل اسعفيني

حرام عليك يختي تهلكين نفسك كذه وينك من حديث الرسول عليه الصلاه والسلام ولنفسك عليك حق في ممعنى الحديث تعوذي من الشيطان وانسي

اللهم اشفها وعافها...ويسر لها امرها

فعلا اخذ فيتامينات وبروتينات على شكل حبوب

لكن وش الفايده دام المعده خاليه

اشتقت للاكل لكن دون فائده لمجرد اني اشوف الاكل

اوسوس استغفر الله العظيم من كل ذنب عظيم

فرج علي يارب وانزل علي السكينه والطمئنينه

واجعلني انعم برزقك الحلال

بالنسبه للعلاج ما في الا الحبوب المهدئه عشان ما افكر

لكن الدكتور نفسه نصحني اني ما اخذه

يقول لي يدمر الحياه الشخصيه للانسان الطبيعي اكثر من

الفائده منه

والسبب اني بكون بحالة هدوء دائم وكسل وخمول

و كثرة النوم

وبالتالي الادمان عليه

وبعد عشرين سنه على حسب كلام الدكتور

ممكن يسبب لي هالحبوب

خفقان بالقلب و قلة التركيز و رجفه بالايد ...

فشلت فكرة العلاج بالحبوب

اما جلسات نفسيه فعلا رحت لكن

ابدا ما قدرت اني اتأقلم مع فكرة الاكل بدون

وساوس ...

فرج علي يا رب محتاجه لدعواتكم يالغاليات

اختي فلور

فعلا كلامك مضبوط انا نفسك بالضبط

هذي بداية الحاله الي انا فيها

لما اطبخ ووقت الاكل اتذكر شكل الاكل وهو نيئ

اتمنى ما توصلين لمرحلتي يالغاليه

اما نصيحتي لك لو فيك انك تاكلين غصب اكلي

ترااا صدقيني بعدها بتتحولين الى النباتات و الفواكه وبتشكين فيهم

ما ابيك توصلين لنفس مرحلتي

اتمنى لك حياة صحيه سعيده

لك وللجميع يا رب



اختي خوخه ..

ايه والله ادري ان حرام الي قاعده اسويه

لكن الوسواس القهري يا اختي مو بيد الانسان

لو اصابه هالمكروه لان المرض نفسي مو بيد الواحد

انه يسوي العكس

الله لا يوريك هالشي جدا صعب والله لما

احد يقعد يوسوس لك على شي انتي مالك

قرار فيه وبالتالي راح تلقين نفسك لا اراديا

غصبا علي والله

مع ان دائما استغفر الله على اني اشوف النعمه لكن

ما اكل منه ...

واحيانا اقعد بس ادور على صور للفقراء عشان اقنع نفسي

اني بنعمه غيري ما عنده ..

لكن اكتشفت ان مو الاقناع يفيد بحالتي كثر

ما يفيدني اني احصل حل للوساوس

لاني مو انا السبب لكرهي للاكل

السبب الوساوس الي تجيني وقت الاكل بالذات

الله يرحمني برحمته ويفك عني كربتي

اللهم آمين