شوفي ياقلبي دام البيت مرتب وقت استقبال الضيوف خلاص الحوسه والكركبه اللي بتجي بعد مايوصلون ماعليك ملامه فيها لانك تعبانه وماراح تقومين تراكظين ورا كل شي والاغلبيه فاهمين انو انت مانتي ملزومه هالوقت تقومين لاي شي كان
دورة المياه خبري بنتك اذا احتاست ترطرش عليها شوية مويه وتمسحها
والظيوف بالعاده متى يجوون ؟ العصر عشان كذا خلي زوجك ولا بنتك ترتب لك صينية الكاسات والفناجيل وحطيهم عالطاولة عندك
لان اللي اعرفه ان الظيوف يجو ومعاهم قهوتهم وشايهم والحلا بعد يعني بس يبيلك ترتيب الصينيه ودامها مرتبه خلاص الله لايهنهم هم بيقدمون القهوه لك وللي يجي بعدهم واذا كانت موجوده وحده من خواتك هذاك الوقت اتوقع هي اللي بتصير تظيفهم واذا جت تطلع الحرمه قولي لها ترامسك لاتنسينهم عشان ماتتكركب عليك المواعين بالمطبخ بس اذا جايبه معها تمره نادي بنتك وخليها تشيل التمر بحافظه انت خليها مخصصه للتمر وبس يعني الضيافه ماراح تتعبك ان شاء الله اهم شي لاتكدرين على نفسك
بالنسبه لاكلك انت شوفي ياغناتي
الحين فيه قرصان مجففه جاهزه انت الحين اسلقي لوبيا وصفيها من المويه وشيليها بالفريزر واذا ولدتي خلي زوجك اذا ماعنده مانع بس يسلق الدجاجه ويظيف لها اللوبيا والرز اذا تبينها كبسه وبدون رز اذا تبغينها مرقه
وشوربة العدس والماش اتوقع مايبيلها شي واحسهم مررررره مفيدين وقت النفاس يعني يصلح تسوين كميه كبيره وتحطينها بالفريزر وتسخنين تسخين بس وقت الحاجه
وكمان خلي زوجك يجيب من الخبازين حقين القرصان كم رقاق وكذلك يصير مايبيله غير تقطيع وحطي عليه شوية سمنه وتصير بعد زينه ومفيده
والحليب سهل الصبح املي ترمس كبيره وخليها جنب راسك عشان مو كل شوي تقومين وصبي لك منها والتمره بعد قبل النفاس جهزي لك تمره بسمن ورشاد وحبة سمرا بدون نوى ويصير بعدين بس تشيلين من الحافظه شوي وينسخن بالماكرويف وتاكلينه وتشربين عليه قهوه وبالعاااااااافيه على قلبك
وعساك تولدين بالسلامه يارب وتفرحين فيهم ويرزقك الذريه الصالحه
اهم شي لاتتعبين نفسيتك ترى نفسية النفاس لهادوووووور كبير باأغلب الامور اولها حليبك ينشف اذا تعبت نفسيتك وتأثر على البيبي
وكل شي لما تكبرينه يكبر ولما تصغرينه يصغر
اتمنى اكون افدتك لو بفكره
يلا ننتظر تبشرينا بسلامتك
علي وجه ولادة.. تعالو انصحوني..
متابعة النقاش، صفحة 6