شاركي في النقاش

سجلي الدخول لإضافة تعليق.

التعليقات

1,551
  1. شيمو هدى نفسك ياحبيبتى مش معنى ان الدكتور قالك الحقن المجهرى مش هينفع انك تفقدى الامل بلعكس هو يقصد ان فى بعض الحاجات لو اتصلحت الحمل يحصل طبيعى لان المجهرى بيكون فى حالة ماتكون حاجة مانعة الحمل طبيعى لاكن كده معناه ان اللى عندك ده هو اللى ما نع الحمل من اساسه ولو اتعالج صح يبقى الحمل يحصل طبيعى
    ليه تبصيش لنص الكوباية المليان مش الفاضى
    وبعدين فوق كل ده وده انت ازاى تنسى رحمة ربنا وانه قادر على كل شئ انا هبعتلك كلمة واحدة على الخاص علشان تعرفى ان ربنا كبير قوى قوى ورحمته فوق كل شئ
  2. @mikomiko

    اوشي: ده شبه اللي حسيت بيه
    .انا كنت بروح للدكتور مرة كل اسبوعين لغاية لما وصلت للاسبوع ال13 و من ساعتها بقيب اروح كل 3 اسابيع.
    كوكر: ربنا يخليكي, هوا الدكتور قالي ابتدي اكل سمك , هوا لازم مشوي ولا ممكن بانيه?
    اوكسي: لا ماتختفيش, ده انتي الاوكسوجين بتاعنا
  3. @neevooo

    السلام عليكم و رحمة الله و بركاته
    وحشتوني مووووووووت
    كلكم واحدة واحدة
    مش عارفة اشكركم ازاي على سؤالكم عني
    و اهتمامكم ربنا يجزيكوا عني خير الجزاء
    و يقدرني ارد و لو جزء صغير من الاحساس اللي عيشته بسؤالكم عني و عن اخباري
    ربنا يرزقكم بالذرية الصالحة و كل ما تتمنوا
    اللهم امين
  4. الف حمد الله على السلامة يا احلى نيفووووووووووووووو
    ربنا يشفيكى ياحبيبتى عاملة ايه دلوقتى
  5. @neevooo

    شيمولاتا
    شيمو انتى قلتي لدكتور عادل انك عملتي البروجسترون تاني يوم للدورة ؟ لانه ممكن يكون فاكر انك عملتية اليوم ال 21 للدورة وبعدين حقن مجهري ايه اللي انتى بتفكري فيه دلوقتي طالما في حاجات ممكن تتعالج بشوية ادوية حاولي يا حبيبتي تشوفي دكتور شاطر…
    [/quote
    ;انا والله العظيم قلتله ان التحليل تانى يوم الدورة وانى هعيد التحليل البروجسترون اليوم ال 21 ومع ذلك قالى ان البروجسترون كده سىء للغاية وكمان اما قالى ان الحقن المجهرى لا فائدة منه لحالتى انا فهمت كده ان أملى فى الحقن المجهرى راح وانى مفكرش فيه علشان كده زعلت شوية بس كان نفسى فى دفعه للأمام بس فجأة أحبطت يا جماعه تنشيط انا اتهريت تنشيط 3 سنين بنشط والوزن الزايد عندى مش كتير كانو 8 كيلو ودلوقت 4 كيلو وزدتهم أصلا من المنشطات انهارده حسيت انى تايهه ومش عارفه اعمل ايه
    هتقولى روحى تابعى مع دكتور صدقونى والله العظيم هنا ماخليت حد ماتابعت معاه سواء حكومى أو خاص وانت عارفين التكلفه اغلى من مصر بكتير
    ساعدونى اعمل ايه؟ انا طبعا هستمر عالجلوكوفاج 850 مرتين علشان التكيس بس معنديش حاجه تانى اعملها

    حبيبة قلبي
    انت هتكون اول حد ارد عليه بعد رجوعي
    بصي يا قلبي
    انت عارفة ان مشكلتنا زي بعض تكيسات
    بس و لله الحمد انت حالتك اهون مني بكتير
    انا هرد على نقطتين
    الاولى
    يا حبيبة قلبي انت زعلانة عشان دكتور عادل كان صريح معاكي و قالك الحقيقة وش كدة
    و انا فاهماكي و عاذراكي لاني في اول تعاملاتي معاه برضو مش كنت عارفة اتاقلم مع صراحته الشديدة دي بس بصراحة اقنعت نفسي بالمثل اللي بيقول
    يا بخت من بكاني و بكى علىّ و لا ضحكني و ضحك الناس علىّ
    بصي صراحة دكتور عادل دي هي ميزة و عيب في نفس ذات الوقت
    ميزة لانه مش بيخدعنا و يعيشنا في الاحلام و دي حاجة بقت عملة نادرة في زماننا دة
    عيب لانه بيقولها كدة زي ما هي من غير تجميل او حتى تمهيد او تهييء لينا عشان نتقبلها
    نبتتخبط في وشنا و بتوجعنا و بتالمنا و خصوصا اننا بنبقى مستويين و مش مستحملين اي حاجة على اعصابنا
    على الرغم اننا بنبقى عافين انها حقيقة و مقتنعين من جوانا و على يقين بدة
    بس بنبقى محتاجين اللي يطبطب علينا و يدادينا و يخدرنا و بعد كدة يختار الكلام المناسب اللي مايوجعش
    بس هو في الاخر ايه
    الحقيقة
    و هو دة اسلوب دكتور عادل
    بيختار اقصر طريق ما بين الحيرة اللي احنا فيها و الحقيقة
    الخط المستقييييييييم
    و مع ذلك انا شايفة اننا نحمد ربنا على الجانب الايجابي فيها
    مين فينا يا شيمو متمرمطتش عند الدكاترة اياها و فضل يعملها البحر طحينة و عيشها الوهم و يستنفذها ماديا و عصبيا و في الاخر
    و لا حاجة
    ياااااااااااااااه كم من العمر ضاع وراء اوهام و احلام
    كم من الصحة ضاعت وراء ادوية غلط و دكاترة متخلفين
    كم من الفلوس طااااااارت وراء دكاترة نصابين و بياعين للوهم
    اااااااااااااه
    الحاجة التانية
    التكيسات دي اسهل و ارخص حاجة في حالات تاخر الحمل في علاجها و ارخصهم كمان
    بس هي بتحتاج 3 حاجات فقط ( وقت و جهد و دكتور بيفهم )
    الوقت دة انت اللي بتحدديه بوقت فقدانك الوفت الزيادة حتى لو كان كيلو واحد
    الجهد انك بتضحي و بتجاهدي روحك عشان تحققي هدفك
    دكتور بيفهم عشان الموضوع بتاعنا مش محتاج لف و دوران و رغي و لت و عجن كتير
    هي واحد اتنين تلاتة
    واحد تخسي
    اتنين تنشطي
    تلاتة بامر الله تحملي
    اما بالنسبة للحقن المجهري فحضرتك زعلانة انه مش هينفع ما هو طبعا مش هينفع عشان احنا عارفين ان التكيسات بتمنع الحمل و حتى لو حصل الحمل بييجي البيبي على الشهر الرابع بالكتير و يقع
    يا فرحتي عملتي حقن و صرفتي تحويشة العمر و فرحتي فرحة مزيفة و بعد كام شهر خدها الغراب و طار
    يعني دكتور عادل جابهالك من الاخر حالتك ماينفعش معاها حقن و دي حاجة انت عارفاها كويس بس احنا مستعجلين
    يا بنتي اذا كان معاكي قرشين محيرينك هاتيهم و انا اطلع على اقرب دكتور اعمل شفط دهون و اظبطني في كام عملية بودكس و تجميل على الماشي
    استهدي بالله يا قلبي
    انت بتقولي فاضل 4 كيلو
    طيب دانتي مشوارك قريب مش احسن ما يكونوا اربعيييييييييين
    استغفري ربنا و اغلبي الشيطان و روقي حالك كدة
    عشان الحالة النفسية مهمة يا قلبي
    انا عارفة اني طولت عليكي و يمكن اكون كمان ضايقتك
    و ياريت مش تزعلي لو قلتلك كلمة كدة و لا كدة
    بس عشان بحبك و عشان عارفة احساسك بالظبط
    حبيت اكلمك كاني بكلم نفسي تمام

تابعي تجارب أخرى من هذا القسم.