شاركي في النقاش

سجلي الدخول لإضافة تعليق.

التعليقات

1,551
  1. @ashtkt_alyk

    وزة...غطسانة فين يا قلبى....أنا مش فاكرة انتى ميعادك مع الدكتورة الخميس ده و لا اللى بعده.....عموما تعالى طمنينا عليكى...و يا رب تكونى نسيتى الهم علشان ينساكى

    كوكر...ألف سلامة عليكى يا قلبى...خلى بالك من نفسك و من كريم

    باقى البنات.....باحبكم كلكم...
  2. @mama1983_1

    سلام يا احلى اخوات
    سمعتوا عن حد بيشتغل الجمعه تخيلوووووا انا
    نييييييييييييييفو وحشتيني بجد بجد بجد ووحشتني خفة دمك يا جميل
  3. نيفووووو
    حمدا لله السلامة يا قمر
    والله التجمع كان فيه حاجة ناقصة من غيرك
    ربنا ما يحرمنا منك ابدا يا حبيبتي يا رب

    وشكرا علي سؤالك عليا ،اوكسي قالتلي
    ربنا يكرم يا رب

  4. @boba_boba

    السلام عليكم ورحمة الله وبركاته
    المرة دى جبت الصفحات اللى فاتتنى من الاول وحاسة ان رقبتى وقفت من كتر القراءة

    اناهرد عليكو بسرعة لانى ماينفعش اقرا ده كله ورقبتى توجعنى واطلع من غير ما اعلق

    اولا مسلمة
    حمدا لله على سلامتك يا ام جنة
    يارب يشفيها لك ويحفظهالك وتفرحى بيها بحضنك سليمة معافاة يارب
    وياريت الاخت اللى دخلت تطمنا على مسلمة تكمل جميلها وتديناعلى الاقل تليفونها عشان نطمن عليها
    انا وكوكر معاها فى الكويت وعلى قد الامكان واحدة فينا تكون معاها فى الوقت ده
    على فكرة انا طلبت من مسلمة قبل ما ادخل العملية انها اذا احتاجتنى فى اى وقت ساعة الولادة
    هكون جنبها ولسة عند كلامى

    نيفو
    ايه النور ده المنتدى نور خالص
    بس برضه احنا عاوزينك لو تقدرى ماتطوليش معانا ياستى
    كلمتين بس نطمن بيها عليكى واخرجى عشان انتى لسة فى فترة نقاهة
    ولازم تحافظى على صحتك شوية

    شيمو
    تعالى هنا ايه ياقلق وياتوتر ده
    بقى بذمتك مشكلة التكيس دى مشكلة
    يابنتى والله الحمد لله انا اعرف ناس كتير كانوا نفس مشكلتك والحمد لله دلوقتى فيهم الحوامل وفيهم الامهات لاحلى بيبيهات
    زى ما البنات قالولك نسبة البروجيسترون كده بالنسبة لانها فى اول الايام كويسة يمكن دكتور عادل ما اخدش باله ويمكن هى فعلا قليلة
    بس البروجيسترون بيختلف من شهر لشهر فدى حاجة ماتقلقش ومش كل شهر التبويض بيكون كويس ممكن فى شهر من الشهور مابيبقاش فى تبويض خالص فده عادى جدا
    وبالنسبة لموضوع الحقن فالبنات وضحولك اللى الدكتور عادل يقصده
    بقى عشان شوية لخبطةفى الهرمونات هيكون الحقن مستحيل مثلا ؟
    امال بقى اللى بتكون بدون انابيب وبمبيض واحد وبتعمل حقن وبينجح دى تبقى ايه بقى

    بصى ياشيمو انا هقولك على حاجة كويسة قوى والله واحدة اعرفها كانت نفس حالتك
    ونسب الهرمونات بتاعتها كانت اسوا من كده بكتير وهى دلوقتى حامل ماشاء الله
    يعنى الموضوع كله بإيد ربنا
    اهم حاجة نهدى كده ونبطل القلق والتوتر اللى بيبوظ نسب الهرمونات دى

    ام انس
    فاكرك ياناسينى على فكرة انا كنت قلقانة عليكى جدا
    بس الحمد لله انك رجعتى وطمنتينا

    اشتقت
    احلى حاجة فى انوس انه صريح واللى فى قلبه على لسانه
    على فكرة طالع لمامته بس مامته طبعا كبيرة وبتعرف تجامل وتلطف الكلام جنب الصراحة بتاعتها
    فبتكون ذوق جدا مع كل الناس
    اما هو بقى صريح بخفة دم

    رمال
    بلاش تغطسى

    كوكر
    تغيير الجو هو اللى عامل كده والايام اللى فاتت كانت رطوبة فيمكن ده السبب فى عدم الاتزان

    المشتاقة لمكة
    اظهرى وبانى

    سارة وماما
    انا عاوزة منكم استشارة سياحية مش طبية لو سمحتم
    ان شاء الله انا نازلة مصر شهر 3 وعاوزة اقضى اسبوع حلو فى اسوان
    انا رحت فى شهر العسل ونزلت فى فندق لمدة 4 ايام جنب محطة القطر
    والحمد لله استمتعت بس كانت مكلفة جدا
    والمرة دى عاوزة اخد بابا وماما واخواتى معايا فمش عاوزة انزل فى فندق
    تفتكروا اقدر الاقى شقق مفروشة للايجار ولا ايه النظام


    على فكرة انا بقى عاوزة اقولكم على حاجة انا فكرت كتير فى موضوع التنشيط ولا عدم التنشيط
    وتفكيرى هدانى انى استنى الشهر ده من غير تنشيط وبرضه من غير الحقن اللى بتوقف التنشيط
    عشان اشوف العملية اصلا نجحت ولا لا يعنى مش يمكن المبايض ماتشتغلش خالص ؟
    عاوزة اشوف الطبيعى بتاعها هيكون ايه
    كمان انا التنشيط معايا بيكبرلى حجم المبايض والحمد لله التبويض عندى حتى فى وجود الاكياس كان كويس الحمد لله
    فليه ابدا التنشيط
    وكمان الحقن دى بتوقف نشاط المبايض تماما فمن الممكن انها تجيب تاثير سلبى بعد العملية
    كمان فكرةان الاكياس ممكن ترجع تانى لو نشط
    طيب ماهى ممكن اوقف نشاط المبيض 3 شهور وبعدين ارجع انشط فترجع الاكياس تانى
    انا هسيب الموضوع ده على ربنا واشوف ايه اللى هيحصل الشهر ده
    انا بدات اخد فوليك اسيد وباخد فيتامينات وكمان اخدت دستونكس عشان لو فى نسبة برولاكتين عالية تنخفض
    لان الدستونكس حتى لو النسبة كويسة مافيش منه ضرر لانى مش عارفة اعمل تحليل برولاكتين لان لسة مش عارفة البريود هتيجى امتى
  5. بوبا انت نمسيتينى انا بس حمد الله على سلامتك نورتى
    بنات ممكن مش اعرف ادخل كتير انا مش فى البيت
    لو سمحتى يانيفوو ابقى قولى لفاطمة الزهراء ان الموبايل مش معايا حاليا وانى اول ما رجع البيت هكلمها ان شاء الله
    انا الحمد لله كويسة

تابعي تجارب أخرى من هذا القسم.