شاركي في النقاش

سجلي الدخول لإضافة تعليق.

التعليقات

25
  1. @ahlam_msthylh_1

    غرفة الضيوف خليها دايم مرتبه ومسكره

    وخلي عندك لبس جاهز ومكوي لو جاء احد فجاءه ماتحوسين بالدولاب

    واول مايتصلون البخور لاتنسينه اهم شئ

    وفيه انواع حلى كثير تتفرزن بس تأخذينها وتقلينها

    مثل حلى المساويك تلفين كميه وتحطينه بالفريرز بس تقلينه وتحطين هيرشي ونستله

    وفيه مثلثات البف باستري

    اوالسينابون الكذاب خبز صامولي تقطعينه حلقات وترشين عليه نستله وهيرشي وقرفه

    او حلى سولاف تلقينه بالسوبر ماركت بقسم المجمدات

    بس تطينه في الفرن فيه نكهات مثل التوت والفراوله والمشمش والتمر والشوكلاته

    وخلي عندك كاكاو او معمول جاهز خبيه عن عيالك للطواري

    مثل معمول انوش يجنن ورخيص

    وخلي عندك تانج ليمون متوفر

    يعني انتي خليك حاطه اغراااض احتياااط

    ........

    وخلي عندك مقادير حلى متوفره يعني نوع تضبطينه وفري مقاديره

    لو اتصلت عليك وحده قبلها بساعتين يمديك تصلحينه بسرعه لان المقادير متوفره
    والمكسرات خليها دايم متوفره عندك

    ......

    وقبل كل هذا انتي اذا حسيتي ان احد ناوي يسير عليك

    او قالت ابدور لي يوم واسير عليك

    اتصلي عليها واعزميها عشان تتفرغين لها وتستعدين

    وبدل ماتتورطين وتجيك فجاءه
  2. ياكرهي لهذي الحركات من باب حب لاخيك ما تحب لنفسك المفروض قبل بوقت يعطون خبر من الذوق والادب يعطونك فرصه تستعدين

    في حلى سهل مرررررررره ويفك ازمات عارفه كيك العائله قطعيه شرائح وصفيه في الصينيه واخلطي قشطه مع واحد دريم ويب و3

    سنكرز مسيحته وحطيه على الصينيه وبرديه وخلاص مع تمر ومعمول اما مع الشاهي مكسرات وصلى الله وبارك
  3. @dnyty_rama

    يووووة الله يعينك نفس عادات اقاربنا مايتصلون الاالعصر اما قبل بيوم يومين ولا في الليل هذي اذا صارت
    من عجايب الدنيا السبع والوالدة الله يحفظها على طول الله يحييكم وانا الضحية
    بس احنا نظامنا جلوسنا في غرفة المعيشة والمجالس محد يدخلها نهائيا
    فانتي حاولي يكون بيتك نظيف ومرتب على طول اما الحلى فالله يخلي البسبوسة وكيكة التمر هذي بذات من يوم عرفتها
    وانا ماشيل هم الحلى لانها سريعة جدا اما المعجنات فحسب رواقتي احيانا بف باستري اوكيكة عادية

تابعي تجارب أخرى من هذا القسم.