غرفة الضيوف خليها دايم مرتبه ومسكره
وخلي عندك لبس جاهز ومكوي لو جاء احد فجاءه ماتحوسين بالدولاب
واول مايتصلون البخور لاتنسينه اهم شئ
وفيه انواع حلى كثير تتفرزن بس تأخذينها وتقلينها
مثل حلى المساويك تلفين كميه وتحطينه بالفريرز بس تقلينه وتحطين هيرشي ونستله
وفيه مثلثات البف باستري
اوالسينابون الكذاب خبز صامولي تقطعينه حلقات وترشين عليه نستله وهيرشي وقرفه
او حلى سولاف تلقينه بالسوبر ماركت بقسم المجمدات
بس تطينه في الفرن فيه نكهات مثل التوت والفراوله والمشمش والتمر والشوكلاته
وخلي عندك كاكاو او معمول جاهز خبيه عن عيالك للطواري
مثل معمول انوش يجنن ورخيص
وخلي عندك تانج ليمون متوفر
يعني انتي خليك حاطه اغراااض احتياااط
........
وخلي عندك مقادير حلى متوفره يعني نوع تضبطينه وفري مقاديره
لو اتصلت عليك وحده قبلها بساعتين يمديك تصلحينه بسرعه لان المقادير متوفره
والمكسرات خليها دايم متوفره عندك
......
وقبل كل هذا انتي اذا حسيتي ان احد ناوي يسير عليك
او قالت ابدور لي يوم واسير عليك
اتصلي عليها واعزميها عشان تتفرغين لها وتستعدين
وبدل ماتتورطين وتجيك فجاءه
حلولكم وتجاربكم مع ضيوفي
متابعة النقاش، صفحة 3