شاركي في النقاش

سجلي الدخول لإضافة تعليق.

التعليقات

1,551
  1. @boba_boba

    لا يا اوشى مش نسيتك
    ده انتى اللى فى القلب

    بس يا ستى زى ما انتى شايفة كنت بكتب وانا مش شايفة اصلا اللى بكتبه من التعب

    ماتغيبيش كتير وخليكى على تواصل معانا عشان نبقى مطمنين عليكى
    حتى ياستى لو هتدخلى من الموبايل تقولى كلمتين وتطلعى على طول
  2. أم اياد 2009
    ميكو ازيك يا جميل وازي زئزئة مسلمة ولدت يا حبيبتي وجابت جنة بس تعبانة شوية وفي العناية المركزة ادعيلها ربنا يشفيها ويبارك فيها

    السلام عليكم ورحمه الله وبركاتة
    ازيكم يا بنات عاملين ايه وحشتونى جدا جدا جدا.. يارب يكون الكل بخير الحاضر والغايب كمان .. معلش مكنتش بدخل اليومين اللى فاتوا لان انس عنده دور برد من تغيير الجو المفاجئ ده للأسف .. وشكلى انا كمان داخله على دور محترم .. ربنا يشفى مرضى المسلمين جميعا يارب
    نوفى ..
    حمدالله على سلامتك يا سكرة الملف .. انتى وحشتينا وحشتينا وحشتينا .. وكنا كلنا حاسين بغيابك عننا جدااا والله بجد نورتينا ويارب يارب ما يجبش اى حاجه وحشه تانى وتفضلى عايشه فى صحه دايما يارب .. وياسلام انا حاسه بإنتعاش دلوقتى علشان شفت مشاركاتك معانا من تانى .. والله ليكى حضور جميل اوى يا بت يا نيفو .. ربنا ما يحرمناش منك ابدااااااااااااااااااااااااااااا ويبارك فيكى
    اشتقت اليك ...
    ما تقوليش ان المنتدى بيفتح تمام معاكى لاحسن احقد عليكى :p .. المنتدى مليان بلاوى وفعلا هو اللى جايب المصايب لجهازى .. المهم انتى عاملة ايه ونفساويتك عاملة ايه .. يارب الهدنة اللى عملتيها الشهر ده تكون فرقت معاكى يا ممز وتكونى مستعدة وبقوة للشهر الجاى .. ها مستعدة للتحدى ولا ايه ..
    مسلمة ..
    حمدالله على سلامتك يا قلبى ويارب يشفى لك بنوتتك يارب ويبارك فيها وتفرحى بيها اللهم آمين
    بارك الله لك في الموهوب لك، وشكرت الواهب، وبلغ أشدهُ، ورزقت برهُ".
    اوشى ..
    ازيك يا قمر عاملة ايه ... يا حبيبتى ما تستعجليش على الحركة .. اولا الخبط بيبدأ فى الشهر الخامس تقريبا وبيكون دلع فى دلع يعنى زى حركة الغازات فى البطن زى ميكو ما قالت لك .. بس لما يشتغل بجد مش هيخليكى تنامى وده طبعا فى الشهور من السابع وانتى طالعه .. ثانيا انتى بتقولى هترتاحى وتطمنى على النونات لما تحسى بالحركة .. انتى مخدوعة يا جميل .. بالعكس خالص لان اليوم اللى مكنتش بحس فيه بحركة انس كنت بتجنن وبقلق مووووت وياسلام لو خد له يومين تعسيلة من غير تخبيط كده كنت بلف حوالين نفسى ويبقى هاين عليا انزل اعمل سونار علشان اتطمن ..
    فا انتى دلوقتى مرتاحة من كذا ناحيه .. وعموما الحركة عندى ابتدت من الشهر الخامس وفى اخرة كمان تخيلى ..
    ربنا يطمنك يا حبيبتى على بيبيهاتك دايما يارب ويقومك بألف سلامة
    الهدى والنور ..
    شفاكى الله وعافاكى يا قمر .. استخيرى كويس قبل اى حاجه وخدى رأى طبيب تانى للاحتياط
    ميكو موكا ..
    ازيك وازى الاستاذة زئزئة .. عامله ايه دلوقتى يارب يطمنا عليك ياقمر
    توتا تويتى ..
    يارب يا توتى اسمع عنك خير يا حبيبتى خلاص هانت اهه كلها ايام قلائل .. جمدى اعصابك واستعدى لاجمل خبر فى الدنيا يا حبيبتى .. احنا كلنا متفائلين وحاسين ان شاء الله ربنا هيكرمك ومش هيضيع تعبك انتى وزوجك كمان ما هو الراجل تعب بردة وطلعت عينه ربنا يكرمه يارب ويخليكوا لبعض اللهم آمين ..
    بوووووباااااا..
    راجعه لك تانى مخصوص يا حبيبتى
    ام انس ..
    والله يابنتى انا كنت قلقانه عليكى جدااا بس الحمدلله انك بخير .. عاملة ايه دلوقتى
    شيمولاتا ..
    ازيك يا حبيبتى عاملة ايه .. يارب تكونى بقيتى اهدى دلوقتى .. مش هقوللك كلام كتير لان البنات ردوا عليكى ونيفو كمان ردت بما فيه الكفايه واكتر كمان .. ومش هعلق تانى على حكاية التحاليل وكلام دكتور عادل بس هقوللك ان كل المطلوب منك انك تهدى كده وتركزى علشان نبدأ العلاج وفورا طالما عرفنا المشكله وعرفنا العلاج مش هنستنى ولا يوم بقه وكفايانا انتظااااااااااااار واحنا ضيعنا وقت كتير فات كنا بنخبط فيه واحنا مش عارفين فى ايه .. على الاقل دلوقتى عرفنا .. والحل فى ايدك ..
    موضوع التكيس مش صعب ولا خطير وتقدرى تتحكمى فيه محدش هيعالجك غير نفسك والكورة فى ملعبك اشتغلى كويس وكملى خسسان .. طول ما جسمك لسه ما استجابش للحمل يبقى محتاجه تنزلى وزن .. انزلى الوزن اللى فاضل لك على المثالى .. وخدى بعد كده التنشيط .. وهتشوفى نتيجه بأمر الله وبالنسبه للبروجستيرون علاجه التنشيط وانا كانت نسبته ضعيفه عندى واخدت تنشيط برده ..
    وعايزة اقوللك كلمة اخيرة .. ناس غيرك كتير جدااااااااااا محرومين من الاطفال وعندهم مشاكل اكبر منك بكتير وكانوا يتمنوا لو عندهم تكيس ..
    ماما وسارة ..
    حبايب قلبى انتوا واحشنى اوى اوى اوى .. اخباركم ايه يا قمرات .. وانتى يا ماما عامله ايه واخبار صحتك ايه دلوقتى مستنيينك تنورينا فى مصر .. وسارة سوسو اخبارك النونه ايه .. يارب تكونوا بخير يارب

    ام اياد .. مشمشة .. اوكسى .. كوكر .. مهاميهو .. زينب زوزة .. مميزات .. سلامى ليكم جميعا
  3. @dodo_am_gogo

    انا جيت نورت البيت ,
    ازيكم يا حبيبى وحشتونى بس بجد ايام نهاية الاسبوع بتبقى فيها ارتباطات كتير , بس طبعا انتو اللى على البال طبعا انا بكتب بسرعة قبل ما يهنج الجهاز فمش عارفة ارجع اقرا اللى فات .
    بس طبعا الف سلامة ليكى يا نيفو يا حبيبتى و و حشتينا كلنا موت .

    توتا احنا مش ناسينك يا جميل و ربنا يطمنا عليكى قريب اوى .

    ام انس ...... ايه الغيبة دى كده تتقل علينا يا جميل

    بوبا ....... يا بنتى ماما و سارة من السودان مش من اسوان , دا انا اللى من اسوان و بعدين فندق ايه اللى كنتى نازلة فيه عند المحطة اسمه ايه ؟؟ و على العموم شوفى انت عاوزة ايه و انا اشوفلك يا جميل دا انت تنورنا ؟

    اشتقت اليك........ ازى انوس و المذاكرة معاه اخبارها ايه ؟
  4. @boba_boba

    دودو أم جوجو
    انا جيت نورت البيت , ازيكم يا حبيبى وحشتونى بس بجد ايام نهاية الاسبوع بتبقى فيها ارتباطات كتير , بس طبعا انتو اللى على البال طبعا انا بكتب بسرعة قبل ما يهنج الجهاز فمش عارفة ارجع اقرا اللى فات . بس طبعا الف سلامة ليكى يا نيفو يا حبيبتى و …
    ايه ده الزهايمر اشتغل عندى انا كمان
    الله يسامحكو عديتونى بالزهايمر بتاعكو

    والله تصدقى انا دلوقتى بس افتكرت انهم من السودان فعلا
    معلش ياماما انتى وسارة السودان واسوان اخوات

    شوفى يادودو انا نزلت فى فندق اسمه تقريبا اركيديا كان خلف مديرية الامن تقريبا
    هو بتطلعى للشارع بتاعه بسلالم كده بس فندق حلو قوى مع ان الغرف بتاعته صغيرة شوية

    فالمرة دى رايحين جروب بس عاوزة اعرف اذا ممكن ااجر شقة مفروشة ولا لا
    ولو ممكن تكاليفها تكون قد ايه بالتقريب يعنى بس ياريت تكون قريبة من المنطقة اللى بقولك عليها دى
    لانى كنت حاسة انى قريبة من كل حاجة النيل والسينما والمتاحف والحدائق

    بصراحة يادودو بسم الله ماشاء الله ربنا يحفظ لكم اسوان فعلا هى احلى مكان شافته عنيا فى مصر
    لدرجة والله انى كنت بفكر انى اشترى شقة او بيت هناك بس عرفت ان الموضوع صعب شوية

تابعي تجارب أخرى من هذا القسم.