بنات امانتاً انا أعشق السويت بشكل مينون وخصوصا واحب الشي السريع السهل والفنتق يعني الغريب عجيب
وهالمولتن كيك عجيب ولذيذ بدرجه ماتتصورونها وانا بصراحه كنت مستصعبته جدااااا جداااااااا بس للأمانه ولا اسهل والتحضير والطبخ اقل من نصف ساااااااااعه والنتيجه مضمونه بالمليون بالأميه
انا اشكر اختي كوكيزا بمنتدى كويتيات اهيا عطتني الوصفه وانا زدت وغيرت عليها شوووي وبنات ترا انا اللي بكويتيات نفس النك وهم منزله موضوع اهناك قلت انزله اهني بعد
نبدي المقادير
8 ملاعق اكل ممسوحه طحين
4 بيضات
3ملاعق اكل ككاو نسكويك
ملعقة اكل بيكنج بودر
عدد 8 ككاو آروو بنات انتبهو مو بسكوت اوريو لاااااااا نبي ككاو آروووووو
هذي صورته
الطريقه:
1-نخفق البيض
2-نخلط الطحين والككاو البودره والبيكنج بودر بالملعقة ونسكبه تدريجيا على البيض ونستمر بالخفقاااان حتى يمتزجون عدل ونتركه على جنب
3-نعمل حمام مائي ونذوووب ككاو الآرووووو ومن ثم نسكبه على الخليط السابق ونخلطهم مره أخري بالخفاق الكهربائي
بعدين بقوالب الفخاااااار نحط كميه قليله من زيت النباتي ونرش عليه ككاو البودر وطحين
مثل جذي واللي ماعندها قوالب فخار تستبدلهم بقوالب الكب كيك او اكواب القصدير
ونضع الخلط ثلاث ارباع الكوب لانها مراح تنتفخ وايد تقريبا ربع تفخه
بنات ظروري قبل مانحطها بالفرن يكون مبطل من فتره يعني اول ماتبدين التحضير بطلي الفرن عشان يصير حار ونحط القوالب لمده عشر دقايق مو اكثر بنات لاتطولون لانه راح يصير من داخل جامد واحنا نبي الكيكه م داخل سااااااائله يعني الفرن خليه مبطل من تحت 7 دقايق و الثلاث دقايق الاخيره نبطل اللي فوق عشان تتحمش شووووويه
وممكن ياخذ اكثر من عشر دقايق ممكن ربع ساعه على حسب حرارة الفرن يعني انتي شوفي لمه تصير الكيكه من فوق ماسكه نوعا ما نطلعها
وبتطلع وياكم جذي
وتقدم ويا الايسكريم وتزين بالككاو والكراميل
وابي رايكم
:)