اطلب خبرتكم في العمرة مع طفل

هلا بنات .. شحالكم حبوبات ؟؟
اختكم الاسبوع الجاي ان شاء الله بتروح بالسيارة تتمشى في ربوع الممكلة العربية السعودية
و طبعا لازم نمر على مكة المكرمة و نعتمر باذن الله
بس اللي شايلة همه هو ابني عمره سنتين و ما ادري كيف اعتمر و هو على يدي ..
طبعا هو يقدر يمشي بس اخاف اخليه يمشي خاصة في الطواف
و ما اتذكر اني جد شفت حد حاط ابنه في عربانه و يطوف ؟؟
ما ادري اذا يجوز او لا ؟؟
و شو الاشياء اللي لازم احتاط منها ؟؟
هل لازم اخذ معاي ادوية معينة اذا تعب و لا شئ ؟
يا ريت اللي جربت تعتمر بطفلها تفيدني بخبرتها :)

و عندي سؤال ثاني ما له دخل بمنتدى الطفل بس ما عرفت وين احطه
يا ريت تفيدوني اذا الطريق من الامارات للسعودية مزود بانوار و لا لأ و نفس الشئ من الرياض لمكة بعد ؟

7 تعليق 7,924 مشاهدة

شاركي في النقاش

سجلي الدخول لإضافة تعليق.

التعليقات

7
  1. @mlh_alhyah

    قرقوعه الله يقبل منك وعقبالي إن شا الله .............وأنصحك ما تاخذين ولدك معك وإذا عندك أحد تثقين فيه جدا ويقدر يرعى ولدك مثل أمك أثناء رحلتك للعمره خليه عندها أفضل لأن العمره والله ما يصلح تاخذين معاك بزران خوفا من ضياعهم وكثير ما يخافون الله ومتواجدين لمراقبة الأهل وسرقة الأطفال وأستخدامهم لأغراض بشعه والقصص وااااااجد اللي توجع القلب من هالنوع وأنا ما ذكرت هالشي حتى أخوفك بس والله تنبيه خوفا عليك وعلى ولدك الله يحفظكم من كل سوء ......موفقه إن شا الله.....
  2. @gryb_frot

    توكلى على الله وخذيه وخوذي اجره بعد الناس تعتمر بااطفالها وهم توهم مخليصين الاربعين

    لن انساها لوالدي الله يحفظهم ويجزيهم خير ويبارك في اعمارهم كانوا ياخذونا ويسوون لنا عمرة من يوم واحنا صغار
    نصيحة خوذيه خوذيه خوذيه
    واحرصي عليه زين والله الحافظ
  3. صعبه و الله .. انا خاطري اروح العمره بس زوجي رافض فكرة ناخذ العيال معانا ، و انا ما اقدر افارقهم .. بس انتي ما تقدرين تحطينه عند حد ، صح ؟ .. خصوصا انج رايحه تتمشين بعد غير العمره .. انزين محد رايح معاكم ؟ .. خليه في الفندق مع حد و تبادلوا الروحه للحرم
    نحن في المطارات نستعمل حمالة الظهر لبنتي .. طبعا زوجي يحطها على ظهره .. و هي خفيفه مع ان عمرها سنتين بعد .. ما ادري اذا زوجك بيتقبل ها الشي او لا
    و اعرف وحده كل سنه ما شاء الله تروح العمره هي و زوجها و عيالها .. عيالها صغار .. بس هي ما تروح الحرم ، تقعد معاهم في الفندق و تصلي هناك .. بس ما ادري اذا ها الشي صح او غلط .. بالنسبه لي اذا رحت العمره ابا اقعد في الحرم ما اطلع منه .. يعني غالبا بحط عيالي عند امي و بروح .. بس لما بتقبل الفكره اول
  4. @krkoaa

    صاحبة الموضوع
    هلا بنات ..
    مشكورين حبايبي على ردودكم ...
    بس للاسف انا ما اقدر اخلي ابني
    صحيح ان امي و ام زوجي ما بيقصرون الله يخليلي اياهم
    بس انا بعد العمرة بروح اتمشى في السعودية
    من غير اني بحضر المهرجان في جدة
    و ما اقدر انبسط و ابني مب عندي يعني بقلبها لزوجي مناحة انا اعرف عمري ..
    لو السالفة العمرة و نرجع كانت هينة لاني اعتمرت من قبل و خليت ابني عند اهلي
    و سبحان الله و الله يا بنات اني ما فكرت في ابني و لا لحظة و انا في بيت الله ...
  5. @shymaaa_5

    عادي قرقوعه انا اخذت بنتي معاي مرتين للعمره وتقدرين تتاجرين عربات من داخل الحرم وتحطينه فيها للطواف والسعي والحرم مليان صغار بس انتبهي وانتي تصلين ان ولدك ما يتفلت منك لحاله والامر جدا سهل
    اصلا لازم تاخذينه عشان ينزرع هالشي بداخله
    ولاتنسينا من الدعاء

تابعي تجارب أخرى من هذا القسم.