انا عندي بنوته عمرها 3 سنوات ونص و عادتنا نجتمع عند اهل ابوها كل اسبوع مرة ..
اهل ابوها يموتون فيها عماتها عمانها جدها و جدتها .. لدرجة انهم ممكن يجون ياخذونها بنص الليل مشتاقين لها وسط الاسبوع و مغرقينها هدايا و دلع ..
لحد اللحين ما في مشكلة ..
المشكلة انو عندها اولاد عم 2 الكبير عمره 5 سنين ونص و الثاني 4 سنوات طبعا تحب بنتي الاجتماع معهم و اللعب و اي شي اشتريه لها لعبه حلاو لازم تذكرهم و تحسب حسابهم اطفال انتو عارفين قلوبهم بيضاء حتى هم يشتاقون لها و يحبونها بس تعرفون الاطفال لابد يصير بينهم مشاكل على لعبه سيكل رغم انو العابهم في بيت حمولتي متشابهه تماما عشان المشاكل رغم كذا لابد من المشاكل اطفال ..
انا من النوع اللي ما اهتم لو ضربوا بعض اذا بنتي المخطيئه اهاوشها و اذا هم الغلطانين ابعد بنتي عنهم ما احب اضرب او اهاوش عيال الناس لكن لاحظت الفترة الاخيرة انو بنتي صارت تتهاوش بشكل تخنقها العبره و تتامل الشخص كم دقيقة و تعرفون ردت الفعل اللي بعدها حقد و ضرب من مين المهاوش و مدت اليد رغم انها مدت يد وضرب ما يعور بس اسمه ضرب من زوجة عمها رغم ان لها معزه و الله وربي يشهد كانها اختي و ما قد صار بيني و بينها موقف حتى نتبادل كثير من الاشياء ما تتصورون علاقتنا بس من جد انصدمت لما ضربه بنتي .. يمكن تقولون بنتي زودتها لا السالفه انو عيالها من النوع اللي و كالات انباء يجون كل خمس دقايق نونا سوت كذا و نونا فتحت كذا و نونا قالت كذا و بنتي ياقلبي وراهم و الله ماسويت و الله ماقلت كذا طبعهم طبعا اطنش كلامهم لكن غيري ممكن يهمه
مثلا : عندهم بسورهم زهور مزروعة و مرة عزيزة و غالية على خالي فهم عارفين هذي نقطة ضعفه لما يلعبون عندها يهاوشهم فيصيرون اذا بغوا يحرقون بنتي اجتمعوا الاخوين و راحو يقولون لجدهم نونا لمست الزهور حركات اطفال رغم انو جلستنا بالسور و ما صار هالشي بس اطفال بنتي هنا تحقد و تبدا تضربهم كذابين و مدري ايش هنا يبدا المهاوش من امهم لبنتي يمكن تقولون انا حساسه ابالغ لا ما ابغى هالمواضيع التافهه و مشاكل الاطفال تسبب مشاكل بينا احنا الكبار و الله صرت اشيل هم الاجتماع و احاول اني اتغاضى و اسوي نفسي ما شفت تصرفات بس من جد ماعاد انبسط بالجمعه اصير على اعصابي ..:22::22::22::22:
ارجوكم الله لايحرمكم الاجر افيدوني بخبراتكم من جد ما ابغى القطاعة انا احب صله الرحم :(:(:(:(