شاركي في النقاش

سجلي الدخول لإضافة تعليق.

التعليقات

164

  1. @lmh_alahbab

    صاحبة الموضوع
    لمه الاحباب
    موظفاتي يبون يتركون العمل وإحنا دخلين على موسم؟؟!!))0 اعرضي عليها§ زيادة إذا ما رضت زيدي عمولتها لكل زبونه حتى لو وصلت لـ 50% ولا تخسرين زبائن المحل حاولي تستغلين هالنقطة (( إنها تخبر عميلتها انها بهالموسم راح تترك§ وتوزع رقمها على عميلت…
    اللى تبى افكار حق الصالون
    حطى فيه معروضات(شغلات نسائيه اكسسوارات تنفع للمناسبات ولوتوفرين هداياحق العرايس اكسسوارات للبنات الصغار عطور يعنى شغلات الحريم)
    حطى رسوم على الاظافر
    كافى وحطى نت
    ترى كل هذا يعتمد على نوعية زباينج
    انا عندي افكار حلوه واحب اني اصمم ملابس تصاميم خاصه يعني واعرضها بس ماني عارفه كيف ابدى مشروعي
    وش رايكم ؟
    استأجر لي محل خياطه في مشغل راقي
    او ممكن تعطوني افكاركم وتدلوني على اماكن
    انا من الشرقيه
    نصيحتي لك ابدئي من المنزل خذي غرفه في صممي واعرضي على المحلات
    والمشاغل ولو مشا الحال معك استاجر في المشا غل افتحي محل خاص لك
    ...........................
    الي تبغى مشغلها ينجح
    السر
    انها هي تدرب نفسها وتظل تتدرب
    كده الزباين يرتاحو ولا تفقديهم بسفر عامله او تغيرها
    لانك الاصل انتو تدربو
    وكل ماجاتكم عامله دربوها
    رغم اني ما انصحكم
    انتي تتعبي فيها يجي غيرك يخربها
    لوزاد راتبها200 تركتك لو كنت مولعه لها صوبعك شمع
    خلي الخيوط فايدك وحركيهم حسب خبرتك
    واكسبي ثقه الزباين لانهم بيجو لك
    وعارفين انك مهما تغبرو العاملات انتي الاصل
    ارجو اكون افدتكم
    (     في حكمه فرنسيه
    بمعنى لاتفكر بطرقه لو ....
    لكن فكر بطريقه كيف....)
    .......................
    بعد تخرجي من كلية الأقتصاد المنزلي –قسم تفصيل وخياطة ماتعبت نفسي بالبحث عن وظيفة لأني ما راح أحصل شي ؟؟؟؟؟؟
    فكرت أفتح مشغل صغير على قد ميزانيتنا وأول خطوة استخرجت سجل تجاري ( باسم تجاري ) وبعدين بديكور المشغل وبعد ما أنتهينا راح زوجي يراجع البلدية عشان الرخصة وهنا بدت المشكلة مع شروط البلدية وشرطهم أنه يكون مشغل خياطة فقط يعني الكوافير ممنوع بالمشاغل والمشكلة أني ما أقدر أغير الديكور حتى ولو شلت كراسي التجميل لأنها مكشوفة, قلت يالله نفتح المشغل وتعبت من كثر ماأدور عن عاملات والحمد لله فتحنا المشغل وكانت بدايته معقولة نوعاً ما.
    وبعد سنه غيرت ديكور المشغل>>>> وتغيير الديكور كله لعيون البلدية . ( يا الله خسارة عشان الرخصة )
    وحسبت دخل المشغل أول سنه لقيت الخياطة ما توفي معي خلني على الكوافير وبعدها فكرت أني أستقدم عاملات لقيت الشغلة مطولة ......... قلت أنقل كفالة أفضل, صح مكلفه بس أضمن أجربهم فترة طويلة وإلي تعجبني أنقل كفالتها .

    وبعد أربع سنوات لا حضت أن طموحي ماوقف عند كذا وفكرت أفتح فرع ثاني في منطقة راقية ومساحة كبيرة بحكم المعناه في المشغل الأول
    ( وقولوا ما شاء الله تبارك الله )

    وأخذ زوجي قرض من البنك وبدينا نبحث عن موقع مناسب والحمد الله وفقني الله بالموقع المناسب وكان أول تفكيري تجهيز الديكور إلي يليق بمقام شروط البلدية وبعد الرخصة عملت الديكور إلى في بالي ونفس المشكلة الأولى دوري على كوافيرات مناسبات للموقع لازم تكون رواتبك عالية حتى يعملوا عندك والحمد لله وفقاً الله .

    بداية عمل المشغل الثاني كانت غير متوقعه بالنسبه لي ماديا لأن مصاريفه الشهرية عالية لكثرة العاملات والإيجار والأدوات , فأضطريت أدبر مبلغ أضافي صرفته في أعمال الدعاية والأعلان ( ديون في ديون والله يفرجه وأبي دعواتكم معي ) وبعده الحمد الله بدا يتحرك بشكل حلو .

    نصائح للاستفادة
    1-     إذا تبي الله يبارك لك في رزقك أبعدي عن الأشياء المحرمة مثل ( النمص والحمام المغربي والمساج ) .
    2-    لا تقطعي رزق صاحبات المشاغل بإغراء الكوافيرات برواتب مغريه ( لأنه قطع الأعناق ولا قطع الأرزاق )
    3-     تجنبي وضع الصور الكبيرة على الحائط .
    4-     نجاح المشغل بنجاح أختيارك للإدارية .
    5-     أهم شي وسعي صدرك من ناحية مشاكل العاملات لأنها ماراح تنتهي .
    6-     لا تبخلي على المشغل بالأدوات الراقية .
    7-    أهتمي بنظافة وتعطير المشغل .
    8- (     خبي قرشك الأبيض ليومك الأسود ) استفيدي من المواسم وخبي لك قرشين لأيام الركود صدقيني راح تحتاجينها .
    ما انصحك تاخذين قرض لان المشغل يشتغل بعد سنه من افتتاحه يا دوب تكونين لك زباين
    اذا عندك احد من الاهل يسلفك المبلغ افضل لك عشان بيصبر عليك موزي البنوك

    ....................
    المشغل عوامل نجاحه ثلاثه : 1- العماله الممتازه
    2-     الموقع الجيد
    3-     الصبر
    يعني مارح تنجحين من اول سنه اصبري شوي
    ..............................

    وكمان انصح اي وحده تتعلم شغل مشغلها عشان ما تتحكم فيك العامله زوديني او بسافر وكل المشاغل الي اعرفها وناجحه صاحبت المحل هي الي تشتغل فيها وعارفه شغلها زين
    ................................
    والمجال ايلي تعبني من جد الخياطه استخرجت فيز وما حصلت استقدام عليهم
    ولما حاولت استقدم بدون مكتب اسمعوا الشروط ايلي تنطلب الخياطه تبغى منك تجيب كل عايلتها وتتحملي مصاريفهم
    بطلنا فكرة استقدام وقلنا نشوف من الداخل احسن طبعا في البدايه جتني كم وحده بس مافيه التزام والخياطه في عدم
    صبرنا وقلت خلاص احاول مع السعوديات المبتدأت بصراحه وجتني وحده وهي دارسه وتصمم بس ينقصها الخبره بس فجأه تتصل علي وتقولي مع السلامه اخوي مو راضي اكمل
    قلتلها يابنت وشغل الناس قالت تصرفي وارسليلي الراتب !!!!
    وحصلتلي بهذله مايعلم فيها الا ربنا
    وبعد فتره رزقني الله بوحده دارسه وسعوديه بس والله خياطتها حلوووووووه وكانت اخلاق مرررررره ارتحت معها مرررررررره وكانت تاخذ بالنسبه وسوت سمعه حلوه بس وجلست معي سنه بس جاتها وظيفة تدريس واعتذرت مني
    بعدها جتني خياطه بس من المقيمين خياطتها جنان ومشت معي زي الحلاوه بس لما جا وقت الصيف الأخت بدأت تتأخر والشغل تقصه وماتخيطه رغم انها سريعه في الأخير بدأت ترجع الزبائن الى ان اكتشفت انها ماسكه اكثر من مشغل وتحول الزباين لبيتها !!!
    قلت لها اختي مع السلامه
    رجعت ادور استقدام من جديد ومالقيت كل المكاتب مانستقدم خياطات روحي احسن بنفسك هذي اجابتهم !!
    طبعا لا تفهموا ان هذا تحطيم مني بالعكس الخير موجود والطيبات موجودات فكل مكان بس علينا بالصبر والأستعانه بالله انا اعتبر اني كل هالمده اخذ تجارب ودروس لأني انا مالي معين الى الله لا اخوان لا اقارب اعتمد على نفسي بكل شي
    اكبر مشكله تواجه اي وحده مبتدأه بمشروع جديد لما مايكون عندها اي معلومات في مجال التجاره والله ينضحك عليها كثير اذا مافيه احد تقدر تساله وتستشيره وتثق فيه الى ان تفهم الأشياء كيف ماشيه حواليها وان مافيه عقود عمل رسميه الزاميه بين الطرفين
    ...............................
    اولا لازم كل بنت منكم... تحط في بالها خطة عمل تحددها لنفسها... والي تبي تضمن النجاح... تتخصص في مجال واحد فقط.. خصوصا في البداية.. ولاتغركم ارباح غيركم.. يعني مب عشان موسم اعراس او اعياد تركضون عشان تفتحون كوافير وانتوا عندكم مشغل خياطة... لا ركزوا في الخياطة.. وان شالله بتضاعفون الربح ... بدل ما يتشتت جهدكم بين المكياج والكوافير والخياطة..وتطلعون من المولد بلا حمص.. ولا حتى فول
    في اول مشروعج لازم تحددين نشاطج.. و تركزين على فئة معينة يعني اطفال ... كبار ... بنات جامعه ... طالبات مدارس ...وغيرهم.. هذا بيساعدج انج تتميزين..
    يعني مثلا.. لو عندج مشغل للخياطة... حطي في بالج مجال معين مثلا ملابس الولادة للام والبيبي...
    ممكن تسوين أطقم كاملة... او بس قمصان نوم لاستقبال الضيوف.. او قمصان نوم للبيت وتكون مميزة ماتتعب الام في الرضاعه... وانصحج تروحين المحلات الكبيرة وتشوفين الجديد عندهم وتحاولين تسوين شي قريب منه..
    يعني اختي لما ولدت..عملت قميص نوم لولادتها يجنن وموديله رااااقي... المرة الي خذته من عندها قالت انه تقليد لقميص نوم في محل وايد راقي عندنا ... وكان بنص السعر او يمكن اقل..
    وانا شخصيا افضل ان الوحدة تحط خيارات جدام الزبونة.. يعني في زباين عندهم خير ومستعدين يدفعون اي مبلغ... لازم تلقى الشي اللي يعجبها عندج... مثل ما الزبونة المتوسطة الحال تحصل طلبها... والي على قد حالها... بس لازم تفرقين في النوعية يعني ماتحطين الاسعار عشوائي.. ولا القميص يكون واحد وباسعار مختلفة حسب شكل كل زبونة لا... هذا غش و خداع..واتقوا الله في هالنقطة بالذات..
    بس تقدرين تستخدمين اقمشة غالية للي تقدر تدفع.. واقمشة رخيصة للي ماعندها..
    طبعا بعد ما ينجح مشروعج.. وتكون الخياطة تمكنت من شغلتها.. تقدرين تتوسعين.. وتكبرين نشاطج.. بس اهم شي يا بنات التركيزززززززززز..
    وفكري في كل مرحلة في وقتها... وتاخذج الاحلام بعيد.. لانها ممكن تخرب واقعج ومستقبلج
    في نفس الوقت حطي لنفسج خطة عمل عامة... يعني بحلول الاربع سنوات بفتح فرع ثاني.. او بكبر نشاطي... وانتي حسب امكانياتج حطي اهداف قريبة ممكن تحقيقها..
    وتقدرين بعد تاخذين ورقة وقلم.. وتقولين عقب عشرين سنة بتكون عندي امبراطورية ازياء... وماركة خاصة فيني <<<< يحق لج تشطحين قد ماتبين ... لانه حلم عام وبعيد ... واذا اتبعتي شروط النجاح ان شالله بتوصلين.. بس تحري الرزق الحلال.. عشان الله يوفقج..
    الطرق الغربية المعروفة للتسويق ما تناسبنا... او خلنا نقول اغلبها ما يناسبنا... مثل وجود مندوبة تعرف الناس عن المنتجات... الاجانب عادي عندهم بيطقون باب كل بيت ويدرعمون ... بس احنا طبعا مستحيل..
    وبعد كل وحدة تحس ان السوق فيه نقص معين ياليت تذكره..
    مثلا ما عدنا نلاقي ملابس محتشمة تناسب مجتمعنا ..كل الموجود لبس غربي جاهز...وموديلات بايخة... مب على ذوقنا.. فممكن صاحبات المشاغل يوفرون هالنوعية من الملابس.. او يجهزون موديلات تتفصل حسب الطلب.. بس تكون جاهزة... وبعيدة عن التقليد.. يعني مب ياخذون من المسلسلات ويقلدونهم و يعرضونهم... لانبي شي جديد..
    او حتى توفر المقاسات اللي ماتكون متوفرة عادة في الاسواق... اعرف وحدة عندها مشغل في البيت ... اسعارها نااااااااااااار لكنها ناجحة لانها توفر الموديلات بكل السايزات... وخامتهم تكون حلوة وكشخة..
    وحتى المكياج... احيانا المعازيم في الاعراس مايعرفون يحطون مكياج لكن لان الاسعار مبالغ فيها.. فما يتميكجون في الصالونات.. ممكن البنات يوفرون مكياج اسمه مكياج العزايم.. ويكون ارخص من الاعراس.. او مكياج عشا... او مكياج زيارة...
    ...................................

  2. @lmh_alahbab

    صاحبة الموضوع
    لمه الاحباب
    اللى تبى افكار حق الصالون حطى فيه معروضات(شغلات نسائيه اكسسوارات تنفع للمناسبات ولوتوفرين هداياحق العرايس اكسسوارات للبنات الصغار عطور يعنى شغلات الحريم) حطى رسوم على الاظافر كافى وحطى نت ترى كل هذا يعتمد على نوعية زباينج انا عندي افكار حل…
    لنجاح اي عمل تجاري وهو الدعايةوالاعلان
    في عدة طرق توصلك لعدد كبير من العميلات
    منها الاعلانات بالصحف الاعلانية
    البروشورات وقت العروض الصيفية او تدشين خدمات جديدة
    رسائل SMS لعميلات المركز ..
    الاشتراك بالمطبوعات او الدوريات اللي تشمل مراكز تشترك معك بنفس النشاط
    ...........................
    ماراح اقولك ان هناك حلول جذريه للمشاكل
    العاملات بساقولك اولا اتقي الله فيهم وعطيهم حقهم
    ثانيا"لازم يكون هناك معاك ولي امر رجال عاقل متدين له هيبه عنك وعندهم علشان مايستقون عشان
    مايستقوون عليك
    ثالثا0:اذا راح بسكنون للي انتي فيها شيكي عليهم على طول وحاولي تجيهم مفاجاه بدون علمهم
    رابعا: ارسلي عليهم احد من قريباتك او اصدقائك الثقه اللي زي نفسك وخليها تسالهم انتم مرتاحين
    كانها زبونه عاديه ويستحسن لو عملت عندهم شيءمثل ميك اب اوخياطه طبعا ترجع تقولك بس تاكد انها ماتبوح بسرك صراحه انا سويته مع واحدم من زميلاتي بس كانت تجربه ناجحه جدا وما احد عرف
    ,,,,,,,,,,,,,,,,,,,,,,,,,,,,,,,,,,,
    نصيحة يابنات اضيفوا اكثر من نشاط راح يقبلون واهم شي الاستيراد والتصدير ينفعكم بعدين
    مثلا مركز نسائي لاتكتبن مشغل بس مركز نسائي يشمل ( خياطة ، ادوات تجميل ،اكسسوار،
    تجهيز حفلات ؛ تغليف هدايا ، ملابس) كل شي يخطر على بالك راح ترتاحون بعدين لو حبيتي اتعدلي او اتغيري مشروعك
    ...........................
    الخباطه لاتتركيها ابد مع الزبونه مهما كلفك مجهودحاولى جاهده وقت المقاس وقت البروفه بحضورك او المسئوله وشددى عليلها ووخليها بغرفه بعيده عن الأضواء والساحه الفنيه ثانيا
    ............................
    خلى اسعارك متوسطه لاتتطلين بالعالي ولاتنزلين مره ابدئى ب500 واوقفى على 1300-1500 بس طبعا على حسب الموديلات وخاصة هالموديلات الجديده زى نجوى كرم ولاايسا ولاهيفاء وهبي كلها درابيه ودنتيل تركيب هذه بصراحه متعبه بالخياطه هذه بحدود800واذا فيها بليسيه ودرابيه وقطعه طايره وقطعه مدرى اشلون جايه على 1200-300
    ,,,,,,,,,,,,,,,,,,,,,,,,,,
    النصيحه ترى راح تواجهون ناس جدا ضعاف ويمكن تتوسلك فلا تقصري يالحبيبه وربنا سبحانه وتعالى يعوضك بدالها ألف حسنه والله وربنا يباركلكم وحاولي ترضي اي زبونه ولاتتطلع الاوهيا راضيه من عندك الكلمه الحلوه والوجهه المبتسم صدقونى الزبون يبغى استقبال حلو
    ...............................
    بالنسبة للخياطة اذا جاتك زبونة وطلبت موديل معين ثم اذا جت تاخذة تقول لا مو موديلي هذا انتم مافصلتوة زي طلبي ايش نعمل معاها بصراحة الخياطة تجيب الهم
    اجل اليوم وحدة جاية تبي نضيق في تنورتها بعد شهر ونصف من استلامة وبالمجان
    لاتقبلى ولا موديل الا بموديل من المجله او جايبتلك صوره من النت ابداااااااا لاتقبلى لالوصف وكمان يكون الموديل واااااضح عشان لاتتفلسف عليكى انامره سويتها وحلفت معاد اسويها والله اختى اذا مايكون واضح وبصوره ماسوي مره جاتنى للأسف قريبتى وجابتلى قماش استرتش وقالتلي ابغاه ماسك على الجسم ومن عند الورك مهدل والأكمام زي كم الجلابيه الفراشه وسويتو وعينك ماتشوف الاالنور وش هذا انا ما قلت كذا ابغى الأكمام كذا وانا ايش اعمل خسرتونى القماش وفضيحه الله لايوريكى ومع هذاطولت بالى وفاكيتو وبدأت انابنفسي خطوه بخطوه اجيبهاللمشغل اقولهاها كذا مره تقولى ايه ومره تقولىلا سويه كذا الين خلصتو واقتنعت وسرحت وبعدها حلفت لن ولن ولن اتهور وادخل مخ الزبونه وشوف كيف صممت موديلها
    ....................................
    انا راح افتح محل لبع جلابيات السهرة وايش جلابيات جنااان وبأذن الله شي بيغير مفهوم الجلابيات العاديه لكن هناك عقبه تواجهني الاوهي انشغال زوجي الله يحفظه وهو شريكي في المشروع بدراسته يدرس حاليا ماجستير اضافه لوظيفته فما عنده وقت لتجهيز مشغل خياطة واستقدام خياطات حاليا إن شاء الله راح يتفرغ للموضوع بعد ما يكمل دراسته ففكرت في مخرج يحل المسأله الحل هو اني انفذ الجلابيات عند مشغل صاحبته مجهزته وعندها خياطاتها وكل شي بحقه احنا على امرها بالطريقه اللي تناسبها المهم ان اولوية شغلها تكون للجلابيات اللي انفذها عندها ويكون بينا عقد يحفظ حقوقها وحقوقي انا اشوفه عرض مرره حلو لأي صاحبة مشغل عندها قسم تجميل وخياطة وتبغى تركز جهدها في التجميل وبنفس الوقت تلقى ربحها المضمون ان شاء الله من قسم الخياطة او اي صاحبة مشغل خياطة فقط ومشغلها ما كسب بسبب موقعه الناس ما يروحوله انا اروحلها لو تكون فين واخيط عندها مجموعاتي وتاخذ حقها وتصير ما خسرت شي ولا تحتاج للتقبيل
    فكرتك راعة بس الأفضل انك تلقين مشغل قريب منك عشان تم التصماميم تحت اشرافك
    ..................................
    انا عا ملاتي اعطيهم 100 ريال اذا اشتغلو في اليوم بمبلغ معين وهذا يخليهم يمسكون في الزباين ويتحمسون للشغل
    ......................
    اناعندي طريقه لعرض الصورعلى الزباءن وهي ان تضعين التسريحات والمكياج والقصات على سيديهات
    وتضعين تلفزيون شاشه كبيره وتعرضين اي شي تريدينه
    وبكذا راح يكون فيه فخامه للمشغل وبلامجلات وصوروحوسه
    ................................
    فيه مشغل اروح له باستمرار وعندهم دايم زحمة
    ماشاء الله شخصية صاحبة المشغل ادارية
    شفت على العاملات تعليقات ناعمة كل عاملة اول حرف من اسمها وتلقونها رخيصة ذهب خفيف رخيص
    وقالو انه من صاحبة المشغل وهي تداوم معهم كذا يوم بالاسبوع ووقت الحاجة
    العاملات رواتبهم من 2500 الى 3000 غير النسبة
    المشغل تحسبونه فخم
    لاء عاااادي وصغيييير تدخلين من باب الشارع تلقينك دخلتي المشغل بلا مقدمات ولا واجهة
    غرفة مربعة مو كبيرة صغيرة وعلى جنب كراسي انتظار الاستشوار من 25 وطالع
    وعلى احد الزوايا غرفة صغنونة فيها كرسي للي تبغى تعمل حلاوة او اشياء ثانية بعيد عن الناس
    ومع ذلك بين فترة وفترة الا ماالقى عاملات جدد
    وكمان لانه على شارع يصير فرع من شارع رئيسي
    عندهم اعمل الاستشوار مرتين او مرة بالاسبوع دائما بـ 30 وانا عادة في المشغل الي عند البيت
    بـ 75
    طبعا اروح لهم للاستشوار العادي
    لكن لو حبيت اغير استشواري او اقص اروح للمراكز الي متعودة عليه بغض النظر عن السعر
    وبعضها القص بـ 300
    والاستشوار العادي اروح لهذا
    وكمان البدي كير اروح مراكز كبيرة الي تفك لك العدة قدام عيونك لان هذا المشغل
    يستخدم نفس العدة للكل وهذا يعتبر عيب وسمعت عن ثنتين راحو المشغل وجا لهم التهاب في اصبع
    رجلهم
    طبعا اروح وفرشتي معي حتى السيروم
    واعرف وحدة عادة تعمل تسريحة شعرها ناعمة جدا وشعرها بين الوسط والقصير تعمله عادة بـ 600
    وقبل كم يوم كانت حاضرة زواج كبارية جايين اصالة ومحمد عبده وعملت شعرها في هذا المشغل
    وتقول لي كذا وحدة سالوني وين مسوية شعرك ؟
    طبعا هي اساسا شعرها حلو وصبغة شعرها تهبل لكن محتاجة نفخة بسيطة واستشوار صح لشعرها
    والكلفة كانت اقل من 100 ريال
    وكمان ملاحظة ان صاحبة المشغل مخصصة كل وحدة لشئ يعني افضل وحدة بالمكياج هي الي تخلي
    العميلات يروحون لها والقص فيه وحدة معينة احسنهم بالقص فتركز على انها هي الي تستلم القص
    قدر الامكان بالنسبة للبدي كير والحلاوة الاحظ انه اي عاملة تخليها تتولاها خصوصا الي ماعليهم زحمة وضغط
    يعني تستكشف مواهب كوافيراتها في ايش بالضبط تبدع
    وتعاملهم كويس
    والشارع الي عليه المشغل فيه ثلاث مشاغل ثانية غيره اكبر وافخم ومع ذلك ماشاء الله هذا تلقينه مزحوم
    اسعارهم رخيصة وفي التسريحات البسيطة العامية الناعمة كويسين
    بنات اللي عندها عاملات ضعيفات بالقص والتساريح والمكياج
    تشتري السيديهات والله مفيده
    انا شريت من بنت اسمها امل عمري
    واسعارها رخيصه مرررره
    شريت بسام فتوح بس يعقد العامله يعني الشدو يكبر السالفه وهي صغيره
    ايمان السيد تتعلمي منها اسرار خطيره ولو ان رسمها سهل بس تاخذي افكار واختها للتاريح روعه بس مو باين مره
    اما سيدي مايكل حق التساريح والصبغ والمكياج خطير الكاميرا عايده وين مايروح
    بس الصبغ ماتكلم عنه كثير
    لكن الشرح تفصيلي اللي عمرها ماعملت تسريحه راحح تسفيد مررررره
    ...............................
    اذا رحت مشاغل في بعض الموضفات ثرثارات وهي تستشور تفضفض عن معاناتها او عن الي مضايقها
    وبلخص لكم النقاط الي تتكرر
    *    في من يقول ان صاحبة المشغل ماتحن علينا ايام الزحمه وحنا مزحومين يمر علينا اليوم من غير وجبه بسبب الشغل فناكل بسكوت
    او كيكه <<<فهم عندهم ليه صاحبة المشغل ماتوفر الوجبات ماهو بسبب الشغل ماطبخوا
    *    وفي الي يشتكي من الراتب <<وهذا اغلبية الموظفات
    *    وفي الي يشتكي ان اي زبونة تجي او تتصل بيستقبلوها مايردو احد حتى لو زحمه او ان الموظفه واقفه طول اليوم
    *    والي يشتكي ان صاحبة المشغل ماتوفر الأدوات او الصبغات
    حبيت اطرح عليكم بعض الي ينقال من وراكم كصاحبات مشاغل وذكرت السلبيات علشان الإستفاده وهذا لا يمنع انه في الي يمدح
    بس هذا قليل او الموظفه جديده...وماعليك حتى لو قدامك تمدح من وراك حش
    وفي نقطه برجع اعيدها دائما موظفات المشاغل يحبونها ...الي هي الشغل براتب وفوقه نسبه مره كانت تصلح لي فلبينيه جايه جديد للمشغل و تقولي انها متندمه مرررررررره ليه تركت مشغلها السابق
    لأنه هناك راتب ونسبه
    انجح الطرق للبقاء العاملات
    الراتب يزيد سنويا
    فيه مشاغل يعطون الراتب زايد نسبه في المئة
    فيه عاملات ينسجمون ويكونون كبيرات بالسن وبالتالي تفضل المكان اللي تعرفه والكفيل اللي تعرفه
    طبعا فيه ناس مسلمين المشاغل للأجانبيات وهذا اكثر شيء يعني بس يمرون ياخذون الحسااب
    كل نهاية شهر او مع الموسم وهنا لا رقيب ولا حسيب وبالتالي العاملة الا جنبية بتجلس العمر كلة
    فية مشغل عندنا مسلم لكوافيرة لها 8 سنوات وتزوجت وعايشة في المشغل وعها طفلة
    والكفيلة تمر مرور الكرام
    بنات جاتني بنت زبونه من الكويت ودردشت معنا شوي
    المهم سالناها عن مشاغل الكويت
    تقول ان التركيات مشهورات عندهم يعني المشغل اللي فيه تركيه حتى لو ششغله نص نص يمشي
    واللي مافيه تركيه ماله شهره
    وبالدرجه الثانيه الايرانيات للمساج
    والمغربيات
    لكن السوريات والاردنيات والفلبينيات مالهم سوق ابد
    ومن ناحية السكن ..لازم تتعلق ورقه بالعربي والإنجليزي فيها شروط واداب السكن والي بيتجاوز اي نقطه في عقاب وخصم
    .....................................................

  3. @am_alkmoorh

    شااااااااااااااااااااااااااااااااااااااااااااااكره لك من كل قلبي


    سبق وارسلت لاحد الاخوات في موضوع التجمع انهم يسوون لنا تلخيص لانه الصفحات ما شاء الله كثيره مره


    وهذا هو التلخيص وصل


    سعيده جدا بموضوعك

    وجزاك الله كل خير وربي يحقق لك كل الي في بالك

  4. @lmh_alahbab

    صاحبة الموضوع
    لمه الاحباب
    لنجاح اي عمل تجاري وهو الدعايةوالاعلان في عدة طرق توصلك لعدد كبير من العميلات منها الاعلانات بالصحف الاعلانية البروشورات وقت العروض الصيفية او تدشين خدمات جديدة رسائل SMS لعميلات المركز .. الاشتراك بالمطبوعات او الدوريات اللي تشمل مراكز…
    أنا عندي ستديو نسائي ولكن للاسف لي أكثر من أربع سنوات وأناأجني الخسائر والسبب قلة الدخل وأكثر التصوير للجوازات السفر وهذه دخلها قليل لايغطي رواتب العاملات والايجار وتصوير الزواجات موسمية وليست دائمة وانا احب هذا المجال ولا اريد تركه لانه هوايتي منذ الصغر وقد درست التصوير الفوتوغرافي واود أدخال مجال أخر بجانب التصوير حتى أعوض الخسارة
    سوى اعلانات .. للمحلكـ.. وسوى عروض يعنى صور 15 صوره واحصلى على 4 مجانا .. سوى عروض للمدارس .. ( الاطفال والروضه ) .. كل وحده تجى تسوى عندكـ . .اخذى رقم جوالها .. ولما تسوين العروض ارسلى لها .. عندك خدمه التصوير فى المنازل .. او مكان الحفلات
    بما انك تعانين من هالخساير من اربع سنوات ... المفترض انك عارفه نقاط الضعف !
    انت عندك غلط في استراتيجيتك ... فكري فيها كويس احسبي كل صغيره وكبيره ... قللي من عدد العاملات
    اعملي اعلان ودعاية بشكل كبير
    فكري في اي شي تسوينه يميزك عن المنافسين ...
    روحي شوفي المنافسين حقينك الناجحين وش يسون وش الاشياء اللي ميزتهم عنك .. واستفيدي من الناس اللي عندهم خبره في المجال...
    لاتيأسين ... بس طوري نفسك وامكانياتك واقرئي كتب في التسويق ..
    ..........................................
    ارجوكم صار عندي حجز عشر بنات واربع ناعم اناعلي المكياج ووحده الشعر تكفون نصايحكم لي عشان اخلصهم اقل وقت نص ساعه لكل وحده الي عندهاطريقه بوقت الزحمه تساعدهاعلي تخليص الشغل بدون ربكه تخبرني

    اختي لا ترتبكي ولاشي لزم بوقت الصيف والزحمه
    جيبي معك كوفيره مساعده بس للاستشور والفير وانتي ابدي بالمكياج
    والثانيه كمان تبد مكياج وبنفس الوقت الكوفيره المساعده تسوي استشور
    وهكذا<< على فكره اختي لم تدور كوفيره اشترطي عليه بس مساعده بالاستشور والفير واعتقد الي ياخر هو الاستشور
    والاشياء البسيطه علشان ما تخذ منك فلوس كثير وبعدين مافيه خوف الاستشور اي وحده تظبطها
    ...... تشقير حواجب =10 ريال
    صبغه حواجب =10 ريال
    فتله وجه=15 ريال
    منكير مع لون=15 ريال
    بدكير = 15 ريال
    مساج=50 ريال
    برافين لليدين=10ريال
    برافين للارجل =10 ريال
    قص مع استشوار=50 ريال
    تسريحه ويفي=70 ريال
    حمام كريم=20 ريال
    حلاوه جسم كامل=80 ريال
    4     جلسات في الشهر لعلاج تقصف الشعر=100 ريال
    4     جلسات في الشهر لعلاج تساقط الشعر= 100 ريال
    4     جلسات لعلاج قشره الشعر=100 ريال

    نيو لوك بعد النفاس او لتغير شامل(بدكير ومنكير+صبغه+قص واستشوار+فتله وجه او شمع+حواجب صبغه وتشقير+حلاوه جسم كامل او شمع+حمام كريم)=500 ريال فقط...................
    ........ الاسعار هذي اسعار الاخت في المنتدى ولو شفتي وصف محلها في الرياض وفي شرق الرياض تحديدا
    هناك يالغاليه لازم تنزلين سعرك لهالاسعار عشان تكسبين الزباين ويصير لك اسم وينعرف انتي عارفه ليه ..؟؟
    لانه فيه مشغل في شرق الرياض **** الله يرزق صاحبته يارب حاطه اسعاااار خياااااال زي *****وارخص منها كماااان بس ايش مشغل عدد الموضفات في الاستقابل اكثر من 15 وحده هذي بس في الاستقبال والفواتير
    مقسمه المشكل صالات كبييييييييييره كل صاله مختصه بشي صاله للاستشوار والصبغ وصاله للتسريحات والمكياج
    صاله للبودي كير والحلاوه صاله فقط للفتله واصبغ الحواجب صاله لتنظيف البشره
    واذا كان صالة البودي كير لحالها فيها 12 مقعد للبودي كثير ارجل ويدين وكلها زحمه تجلسين لا يقل عن ربع ساعه الين يجي دورك واذا صالة الفتله لا يقل عن 6 عاملات او اكثر وكمان زحمه
    اذا كل صاله عليها رسبشن عدد الموضفات على الرسبشن عشان ينادون الزبونات بالمكروفون لا يقل عن5 موضفات بس على الصاله الوحده
    واذا قلت لك ان المشغل يفتح الساعه 10 الصباح هذا على الباب نظاما اوكي واروح انا الساعه 8 الصباح رقمي في الاستشوار 65 يعني انا الزبونه 65 واذا قلت لك اني دخلت ولقيت ناس عاملين الميك اب وخالصين وان قسم البوديكير ملياااااان ولسى باقي ما بعد جو الزباين هل تلومين صاحبات المشاغل اللي يحاولون يكسبون الزباين خصوصا اذا كانوو من شرق الرياض
    فانتي اسعارك اشوفها حلوه اذا انتي في منطقه مافيها مشغل ضخم بالشكل هذا بالعكس خلي اسعارك على حسب وضع المنطقه واللي مايخسرك بعد وشوله الوحده تفتح مشغل وتخسر
    لكن في وضع الاخت*****غير هي حطة خطه جدا ممتازه وضربت مشاغل الرياض رغم انها اشترت المشغل وكان ولا شي دمااااااااااااااااار اربع سنوات الى خمس ماشاء الله من مشغل ما يجي كم غرفه الى صالات ولا قاعة افراح لاقوة الا بالله
    والحلوو في الموضوع جديتها وحزمها مع الموضفات واي وحده تقول ابي اشتغل تعطيها المجال بشروطها هي اثبتي نفسك شافتها كويسه وعليها اقبال اعتمدتها الين صارت العالم تروح عندها عشان تاخذ خبره وترجع تشتغل لحسابها الخاص
    فقبل ما تحكموو على اسباب وضع السعر شوفوو وش اللي حدها على كذا والله يوفقكم يارب
    ...................................
    وبقولك شي انا يا وحده ماني من الرياض لكن كل شغل المشاغل اخليها اذا رحت الرياض
    البودي كير والاستشوار والفتله والحواجب هذي*** لانها ما تكلفني حتى 100 ريال اوفر لي بصراحه
    لكن القص لا معتمده وحده تقص لي على 250 في غاردينا
    والصبغ معتمده نسرين في سواريه للقصير على 800 وتحت نص الكتف على 1000 وشوي يعني مو شرط الوحده تبحث عن الرخيص بس انتي شوفي وش الشي اللي تبدعين فيه يعني الصبغ مو كل وحده شاطره والقص مو كل وحده يدها حلوه على الشعر يعني مبروكه اذا شفتي ان هالحاجتين ممتازه عندك ارفعي سعرها كذا كذا بتجيك الزبونه غصب بحكم انها عارفه شغلك وضامنه شي مزبوط
    بس الحاجات الثانيه عادي لو السعر بسيط بالعكس انتي كذا بتكسبي زباين وتضمني الرجل ما تنقطع على مشغلك
    ................................................
    هالحين مشغل**** كيف تلحق على مصاريف مشغلها واسعارها رخيصه
    لاتقولوا عليها اقبال لان المواد اللي تستخدم تكلف وهي مو حاطه مربح زين يادوب بالخمسه والعشره
    وسمعت ان عاملاتها فوق الميه
    ورواتبهم من 4000 وطالع وكم فلبينيه من2000 وطالع
    غير الاستقبال والتجهيزات احسبوها وشوفوا
    انا كلمت سوري قبل فتره وهي تستقدم منه وقال رواتب اللي عندها من4000 الى6000
    غير السواقين والسكن والباصات اللي شاريتهم للعاملات
    يناس شي خيالي ماشاء الله لاقوه الا بالله
    بصراحه ماتوقع انها تربح ذاك الربح
    ..................................
    اذا قالت الزبونه نزلي غالي نزلتي وانتشر بين الزباين انك تنزلين
    اذا الحو عليكي انتي ما عندك فواتير مسعره كل شي بسعره خلاص التزمي بشي الموجود في الفتوره اذا تبين تسمترين
    كذا انتي الخسرنه لا تضلمين نفسك بنفسك اذا شافتك الزبونه حازمه راح تلتزم وتدفع وخلي الدفع مقدم قبل كل شي النه اذا انتهت
    من الي تبيه منك قامت تماطل فيك وبعدين العيد موسم وفرصه تعوضين عن فترت الركود الماضيه ليش تسوين تخفيضات
    واذا سويتي تخفيضات سوي بي المعقول لانه فرصتك والله يوفقك
    ...........................
    اذا الزبونة اقتنعت بالصبغة وهي في المشغل واعجبتها دفعت القيمة كاملة
    اذا جاءت اليوم الثاني وطلبت اعادة الصبغة لانها غيرت رايها بايعاز ممن حولها فلا دخل للمشغل بتغيير الراي اذا لم يكن السبب من سوء العاملة او سوء نتيجة شغل الكوافيرة يعني الزبونة مزاجية فتدفع كامل المبلغ او تنزيل عشرة بالمية فقط
    ..........................
    ما فيكم وحده تدير مشغل ؟؟!!!

    اهم شي علاقتك بصاحبة المشغل تكون ممتازة واتبينين لها امانتك في كل شي لازم تشوف حرصك على المشغل وكأنه لكي وتثق فيكي من بعدها راح تعطيكي صلاحيات كثيرة
    واتفهمين صاحبة المشغل ان يكون لكي دور ولا اتهمشك قدام العاملات واتخليهم يرجعون لكي في كل شي وانتي بجدارتك لازم تثبتين لها اخلاصك وامانتك وحرصك
    ثاني شي لا تنقلين لها كل المشاكل في المشغل ولا يدرون العاملانت انك انتي تجسسين عليهم واتخبرين صاحبة المشغل كوني صداقة بينك وبينهم واحرصي عليهم ووجهييهم عشان يثقون فيك ويأمنون لك وراح تشوفين كل شي يصدر منهم قدامك بدون مايخبون عليك
    وحاولي ان لو صارت مشكله ونقلتيها لصاحبة المشغل ان مايتم مناقشة اللي سوت المشكله في نفس اليوم
    وتتفقين انتي وصاحبة المشغل تحلونها بهدوء بينك وبينها واتوجهين العاملة بعد كذا
    محافظتك على كل شي موجود في المشغل الاجهزة والمستلزمات للكوافير والخياطه وتحرصين على عدم التبذير لان تعرفين العامله مايهمها ترمي واتبذر انتي خلي لكي دور في التوفير
    ولازم اتسوين جرد لكل اللي موجود شهري واتقدميه لصاحبة المشغل ومن هنا برضو تكسبين ثقتها
    يبقى شي مهم اللي هي الفواتير طبعا يرجع لصاحبة المشغل اكيد هي راح اتعلمك بدفتر الفواتير وكيفية كتابتها بالخدمات الموجودة والاسعار سجليها في دفتر لكي خاص
    ضعي لكي سجل خاص لتسجيل الفواتير وارقامها والاستلام والتسليم وخليه برضو شهري وقدميه لصاحبة المشغل
    طبعا لاتنسين الاستقبال انتي راح تكونين بواجهة المشغل لازم مظهرك يكون امرتب ولبسك لائق وامرتب واسلوبك في التعامل والترحيب يكون راقي جدا حتى لكي دور في اقناع الزباين خلي عينك على الزبونه من تدخل المشغل لما تطلع ممكن من خلالك تقتنع وتعمل اشياء ماكانت ناويه اتسويها
    ..........................................
    ااصحاب الخبره حابه اسئلكم انا فاتحه مشغل لي شهرين
    وعلى شارع رئيسئودورين وفخم جدا بس لحد الان انا خسرانه
    وباذات الايام هاذي يمر اليوم بطوله مايدخل زبون
    هل هذا طبيعي ؟؟؟احس انه لو كان في حاره كان الشغل افضل والا شرايكم؟؟؟
    ترا عادي صار لي 8سنوات بعض الايام ما يدخل المحل ريال واحد الصبر جميل والله المستعان
    كلنا كذا حاله ركوووود الاربعاء الي فات ماكان عندي شي قلت اطلع اخذ لي لفه بالمشاغل
    الي رحت لهم مشاغل كبيره ولانص زبووووووووووونه كلهم زباينهم الخميس وبس
    وحاولي تسووين دعايه عروض اعلانات للمدارس وغيرها
    .....................................
    بنات بقولكم على مشكله بس لاتضحكون
    انا الكتالوجات عندي كل ماشريت واحد اول ماطلع من المحل يتقطع
    شريت سحر الشرق انفك اللصق اللي يمسكه وصارت كل مجموعه لحالها
    واشتريت تبع بيل فيزاج ونفس الحاله
    ايش الحل والله خساره سعره فوق المزيتين والعرايس مااستفادوا منه مقطع
    هل عندكم طريقه تصلحه
    او طريقه ثانيه لعرض الصور عالزباين
    اشتري ملفات من جيان كبيره وفيها قراطيس باغه واحط الصور فيها واكتب على كل ملف اش فيه مثلا تساريح او قص اومكياج كذا احفضها من الضياع وتوفر على الزبونه انها تدور في الكتلوجات
    ....................................

  5. @lmh_alahbab

    صاحبة الموضوع
    لمه الاحباب
    أنا عندي ستديو نسائي ولكن للاسف لي أكثر من أربع سنوات وأناأجني الخسائر والسبب قلة الدخل وأكثر التصوير للجوازات السفر وهذه دخلها قليل لايغطي رواتب العاملات والايجار وتصوير الزواجات موسمية وليست دائمة وانا احب هذا المجال ولا اريد تركه لانه ه…

    اذا جاتك زبونه تبغاك تفصلين لها فستان و تعطيكي موديل مثلا هذا
    الموديل عاري او قصير او فتحة الصدر و الظهر كبيرة فهذا ما تكونين كسبتي اثمها صح و الا لا
    او تقول لك سوي لي تسريحة اما يكون شكلها مرفوعة او مائلة و هذا حرام انا ماني حافظة حديث الرسول صلى الله عليه وسلم
    او تسوين لها تنظيف بالحلاوة او الشمع فيه مشاغل تسوي تنظيف كامل للجسم هنا ما يكون حرام عليها و على اللي سوت لها تنظيف
    لان جسمها عورة ......... بس على حد علمي ممنوع تنظيف جسم المراءة بالبخار اللي هو كامل و بعد ممنوع النمص ممنوع كلها
    من الهيئة .........
    ...................................
    فكرة حلوة ودخل لصاحبات المشاغل
    الي مايتوفر عندهم خياطة للملابس ليش ما تساعدي اخواتك وتاجري ركن او زاوية
    في المشغل للي يحبوا يعرضواتصاميم وعندهم القدرة على التنفيذ بس تبغى مكان
    تتواعد فية هي وصاحبة الفستان حيكون اجار شهري وبكذا يكون لصاحبة المشغل
    وفكرة جدا رائعة بس انا لي تعليق من واقع خبرة
    كيف تضمنين اللي راح تاجرينه المشغل تكون بنت حلال لو لاطبعا انا اتكلم على سبيل
    العموم وما اخص احد بس فيه ناس اذا دخلت المشغل ممكن تخرب العماله عليك
    ممكن ايضا تلعب بعقولهم وتخليهم ينقلون كفالتهم عليها ممكن وممكن فمن راي((ابعد
    انا مع انك تعرضين داخل المشغل بالنسبه بحيث
    تحطين بضاعتك عند صاحبة المشغل ويكون بينك وبينها اتصال من غير ماتكونين دداخل
    المشغل وجهة نظري وعلى فكره لو بتاجرين صديقة
    مخلصة او من قريباتك تعرفينه زين مافيها شيء بس الحذر واجب والحياة تجارب
    ................................
    نصيحتى لك لاتخلى الخياطه تشوف الزبونه نهائى انا جايبه موظفه تستقبل الخياطه من ا لزبونه وتاخذ منهاالموديل وتتفق معاها على السعر وبعدين تنادى على الخياطه تاخذالمقاس وتكون الموظفه موجوده الموديل واثناء البروفه تكون الموظفه هيا تشوف التعديلات وماتتطلع الخياطه نهائى للزبونه يعنى لازم تكون تفهم الموظفه لو شويه في الخياطهانا كذا عندي فى المشغل
    ...........................
    العمل والاختلاط بالزباين والعماله هي اكبر دوره وشهاده
    الخبره بالممارسه خذي معلومات بسيطه وسمي بالرحمن ومع الشغل يتضح لك كل شي
    صراحه تعب وإرهاق لو اخذتي سكرتيره عندها خبره احسن تنفعك وتستفيدين منها ومن تعاملها مع الزباين لان بعضهم يغث
    .........................
    هل زهقتوا من المشغل بعد مافتحتوه
    انا اول افتتاحي له ولحد قبل شهر كنت بس مقابلته ومستانسه فيه واحب امكيج بنفسي لان هذي هوايتي وابدع
    اللحين صرت استكثر المكالمه وماحب اروحله لدرجه لو يجي زباين بيستفسرون وطلبوني ارفض
    وياما تزينت وابي اروحله بعدين اغير رايي حتى زوجي يقول اهملتي المشغل مع انه قبل يقول مهتمه فيه زياده
    صرت اتضايق مرررره
    ويمكن لان مافيه عاملات الا 2 وحده محاسبه ووحده مكياج تخيلوا بس هذولا اللي عندي
    البنت اللي ماخذه دوره بالشعر مسكره جوالها وماجت
    وامس كلمتني بنت تبي تاخذ دوره مكياج وتبي تشتغل عندنا
    والله اني متضايقه من الروحه للمشغل وحتى من شرح المكياج مع اني قبل كنت اتكنى الاقي اللي اطبقله مكياج او اسولف مع عن دروس المكياج
    لي اسبوعين مامريته اش رايكم فيني
    وترى ورا بيتي طوالي الجدار عالجدار
    هذا بسبب الاحباط بس فتره وتعدي غيري جو حاولي تسافرين وتخليين وحده من خواتك او خوات زوجك تمسكه .............. كانت تجيني حالات والله ان الحموضه والشيب بسببه ترا الشيطان له دور ...... على فكره ليش ما تخلين وحده من خواتك تأخذ شهاده خبره وفتحي بأسمها ومو شرط يكون على شارع عام المهم المساحه والسمعه ومدام المدينه صغيره وما فيها مشاغل واجد اشتغلي على الاعلانات .........
    ...........................
    يعني التركيز بيكون على الكوافير شغله تمام ومدخوله ممتاز ......
    لاتحطي حيلك بالديكور
    وشدي همتك بالخدمات والعاملات هم الاساس وابدي بالكوافير فقط
    والديكور خليه بسيط مره يعني لاتعتيق ولاجبس ولاغيره
    انا شفت صوره لتجهيز مشغل روووووووووعه ومايكلف اثاثه فوق 10 الاف
    بس كانت منسقه الالوان
    وجايبه اثاثها من الرخيص لاكراسي قص ولا غيره بس بجد كان روعه
    .............................
    انا دايم اجدد بافكار المكياج وطرحه العروس
    يعني اخترع رسمات ايلاينر يتميز بها المشغل
    او طريقه وضع الجليتر فالشعر والمكياج
    وطريقه التساريح
    وكمان الطرحه مره ربط ومره عالجنب يعني حركات
    اوقات من الكاتلوج واوقات من راسي
    خصوصا ن رسمات الكتالوج الفتره الاخيره ماصار فيها تغيير
    اشوف صور النت او المجلات واحيانا امر على المشاغل اشووف الجدييد عندهم واحاول ابتكر من عندي
    كل ماكان الديكور بسيط وهادي كل ماكان جذاب للزبائن
    والمهم هو ا
    لأشياء الضرورية الا دوات الفيز الموقع
    ...........................................
    الادوات اللي تنفقد مسئولية العاملات كلهم اي شئ ينفقد راح ينخصم منهم كلهم خلهم يتسنعون بسكم طيبة كلونا
    انتي بالاول اجردي كل شئ وسجليه بدفتر عندك وكل اسبوع شيكي عليه وخلهم يحسون انك فطنة وادخلي بعيونهم لانهم مايستاهلون الثقة وبيخافون بعدها لانهم يبعونها لحسابهم
    ..............................
    الخياطه لاتتركيها ابد مع الزبونه مهما كلفك مجهودحاولى جاهده وقت المقاس وقت البروفه بحضورك او المسئوله وشددى عليلها ووخليها بغرفه بعيده عن الأضواء والساحه الفنيه
    ...............................
    أنا رأيي الشخصي ومن خلال تجربتي عشان تحققي مكاسب ركزي على بيع المستحضرات ومي أي مستحضرات لازم تكون مستحضرات مش موجودة بالسوق مثل كريمات وكبسولات الكولاجين وكريمات البوتكس ومقشرات الالفاهيدروكسي اللي يستعملوه الأطباء بعياداتهم في مثلها نوع مخفف تستخدم للصوالين ومراكز التجميل استعمالها سهل وآمنه وركزي على الكريمات الفرنسية والإيطالية الطبية اللي تعطي نتايج حلوه على وجه الزبونة وتجي تطلب منها وتخبر اللي حواليها
    ................................
    انا لسى فاتحه مشغل جديدصارلي ثلاث شهور ومسويه بطاقات عضويه ذهبيه وفضيه الذهبيه قيمة الاشتراك السنوي 350ريال وقيمة التخفيض 50%والبطاقه الفضيه 200ريال وتخفيضها 30%ومسويه عندي سجل لزيارات الزباين اسجل اسم ورقم البطاقه عندكل زياره والي بتزور المشغل كثيرخلال هالسنه يعني مثلاعلى الاقل مره كل شهرلها خدمه مجانامثلا بدي كيراوحمام زيت اوقص اواي شي لسى ماحددت بس تشجيع للزباين... وانتي شوفي اسعارك واحسبي لوالزبونه سوت جميع الخدمات الي عندك مره واحده فقط خلال السنه(يعني مثلا قصت مره في السنه واستشورت وصبغت وسوت مكياج وووو...) كم بيصيرالمبلغ؟!بعدين احسبي لو الزبونه سوت جميع الخدمات بنسبة التخفيض الي حاطتها للبطاقه وزيدي عليه سعراشتراك البطاقه لازم الناتج يطلع اقل من لوسوت الخدمات بدون تخفيض!!يعني لازم الزبونه تكون ربحانه لو20ريال هذا غير لوكررت بعض الخدمات خلال السنه بتكون ربحانه اكثر..
    اما كيف تضمنين ان الزبونه ماتعطي بطاقتها لوحده ثانيه هذي صعبه شوي ..لكن ممكن ان انتي اوكوافيرتك بتكونون حافضه اشكالهم لانهم بيجون كثيرواذاكانومن زباين المشغل هذا اذا كان عددهم قليل يعني في حدودالخمسين وحده سهل تمييزاشكالهم..وممكن انك تكتبين في اسفل البطاقه بخط صغير انك ماتحللين اوماتسمحين بإستخدام البطاقه من قبل شخص ثاني غير صاحبها الاصلي.والي تخاف ربها ماراح تعطيها احد والي بيتبادلونها حسابهم على ربهم..
    وطبعا الد
    فيه حركه ثانيه ..ممكن انك تسوين بطاقه مكتوب فيها ثلاث خدمات مثلا(بديكيرومنيكير..حمام زيت..فتله..قص شعر.. استشوار)طبعا تبعدين عن الصبغه والمكياج والتساريح لانها مكلفه..وتحطين لها سعرمثلا80او50ريال على حسب اسعارك بحيث يطلع للزبونه خدمه مجاناَاوانها تكون ربحانه وتحددين لها مده مثلا3شهورتجي الزبونه خلالها وتسوي هالخدمات الي انتي محددتها وكل مره تجي اختمي علىبطاقتها عندالخدمه الي سوتها مثلاسوت فتله اختمي عندها وجتك مره ثانيه وسوت بديكيرومنيكيراختمي عندها وهكذا لين تخلص الخدمات الي انتي حاطتها ف البطاقه اوتنتهي المده الي انتي محددتها..طبعا هالبطاقه تشتريها منك الزبونه يعني الدفع مقدم..

    انا كنت مفكرة اخلي البطاقة مثلا ب 1400 ريال بالسنة وتدفع مقدم ويكون لها اربع زيارات بالشهر وبدون ما تدفع ولا ريال في الزيارات و تختار خدمة واحدة في كل زيارة من هالخدمات اما (استشوار او صبغة جذور او بدكير ومنكير او حلاوة او شمع او زيت حمام للشعر)
    دفع يكون مقدماَ يعني تشتري منك البطاقه.
    عندك خياطه تعملي فساتين عرايس واعملي بروشرات اعلان اكتبي فيها للعرايس عروض هائله ماعليك سوى اختيار الموديل وانتو فصلو لها كثيييييير ناس يحبو يفصلو للمناسبات من الان
    غير كذا سوي كم خدمه ب100 ريال على الاقل تطلعي رواتب العاملات
    ناويه احط بطاقات عضوية 4 فئات (150/300/450/600)
    150     اربع زيارات سواء خلال شهر او شهرين
    300     ست زيارات سواء خلال شهر او شهرين او ثلاث شهور
    450     ثمان زيارات خلال اربع شهور
    600     عشر زيارات خلال 6 شهور
    ..............................

تابعي تجارب أخرى من هذا القسم.