شاركي في النقاش

سجلي الدخول لإضافة تعليق.

التعليقات

1,551
  1. @dodaaa_1

    mahaadham
    هو انتي من اسكندرية كدة هتبقي من حزب اوكسي + ام اياد بصي انا بحب المختبر ودكتور عادل البيجاوي بيقول عنه شعر في انه ممتاز في تحاليل الهرمونات وكمان ممكن معمل طيبة بس معرفش معامل اسكندرية تفصيلا فين ممكن ام اياد تقولك بقى لان اوكسي غالبا هتب…
    لامعملتش بروجسترون
    معملتش اي تحاليل غير الهرمونات
    وهنا التحاليل سيئة
    فاي نتيجة عمري ماهثق فيها
    المعامل اللي بتقولي عليها دي في اسكندرية؟
  2. د.وداع
    لامعملتش بروجسترون معملتش اي تحاليل غير الهرمونات وهنا التحاليل سيئة فاي نتيجة عمري ماهثق فيها المعامل اللي بتقولي عليها دي في اسكندرية؟

    حبيبتى وداع .. اهلا وسهلا بيكى معانا واسفه جدا انى معرفتش ارحب بيكى لما دخلتى
    اتاخدت فى الاخبار السيئة دى واتلخمت مسلمتش عليكى يا جميل .. منورانا والله بجد ومبسوطين بيكى وبإنضمامك لينا وسعيدة اكتر بإنك حكتى لنا قصتك ونتمنى تفضلى معانا على طول وتتابعى معانا لحد ما ننقل ملفنا ده لقسم الحوامل بأمر الله
    بصى يا قلبى انا قرأت كلامك مع مهاميهو وعايزة اقوللك ان حالة اللخبطة اللى انتى عايشاها كللللنا مرينا بيها
    وكل واحده فينا عندها تجربه او اكتر مع دكتور من اياهم دول .. بس الحمدلله ان ربنا برده بيحطنا على طريق الصح
    بالنسبه لقصتك يا وداع انا ليا بس تعليق عليها ..
    اولا يا حبيبتى من كلامك احنا دلوقتى مش عارفين ايه المشكله بالظبط وشاكين فى كل الخطوات اللى اخدتيها بدايه من متابعه التبويض والتحاليل اللى مشكوك فى امرها والدكاترة اللى روحتى لهم كمان .. يعنى بصراحة مفيش حاجه من اللى عملتيها سواء تحاليل او متابعه الخ الخ .. نقدر نعتمدها او نقول انها صح ونمشى على اساسها ..
    يبقى بما انك شاكة فى نتايج التحاليل والنتايج بتطلع مرة نورمال مرة لا .. وبما انك كمان مش عارفه تلاقى دكتور شاطر يشتغل معاكى يبقى انا رأيى انك ما تلفيش كتير عندك وما تدوريش كتير ..
    نتايج التحاليل دى لازم تبقى مظبوطة يا وداع لان هيتبنى عليها خطة علاج كاملة .. فا الافضل طبعا انك تستنى خااااالص لما ترجعى مصر وتبدأى على ميه بيضا تعملى تحاليلك وتتابعى مع دكتور كويس تروحى له بالتحاليل وتشوفى ايه الموضوع .. لكن انك تبهدلى نفسك مع دكاترة مش فاهمين حاجه لا مينفعش
    وكمان عايزة اعلق على نقطة متابعه التبويض اللى عملتيها .. بصى يا وداع المتابعة يا قلبى مش بتكون كده
    علشان تبقى تابعتى تبويض بطريقه سليمة يبقى اولا لازم تتابعى شهرين كده ورا بعض علشان نتاكد ان فعلا تبويضك ضعيف
    وكمان المتابعه يعنى تروحى تلات ايام فى خلال فترة التبويض مش يوم واحد زى ماحصل معاكى علشان تشوفى البويضه هتكبر ولا لا مش تروحى يوم واحد بس والدكتور يخمن ويقوللك هتكبر على اليوم العشرين!!
    ده كلام مش موثّق هو عرف منين انها هتكبر او لا ؟؟
    لازم تتاكدى ويشوف فى السونار اكبر حجم بالتقريب وصلت له البويضه ..
    وده بالنسبه ليكى
    اما بالنسبه لزوجك يا حبيبتى .. الرجالة للأسف صبرهم قليل بخصوص الامور دى وطالما هو بيتخنق من السيرة دى يبقى انتى بقه يا ناصحة بلاش تزنى عليه وحاولى تلتزمى الصمت ونصيحتى ليكى حاولى ما تفتحيش الموضوع معاه لحد ما تنزلى مصر علشان يحس انك نسيتى الموضوع بحيث انك لما تيجى تفتحيه تانى لما ترجعى ارض الوطن وتقولى له عايزة اروح اكشف يسمعك وينفذ لك كلامك
    وصدقينى انتى لسه بردة متجوزة جديد استمتعى بحياتك وما تشغليش بالك لحد ما ترجعى مصر ويمكن ربنا يكرمك بالحمل قبل ما تفكرى فى الرجوع من اساسه .. وده رأيى يا حبيبتى وربنا يكرمك ويرزقك الذرية الصالحة
  3. د.وداع
    لامعملتش بروجسترون معملتش اي تحاليل غير الهرمونات وهنا التحاليل سيئة فاي نتيجة عمري ماهثق فيها المعامل اللي بتقولي عليها دي في اسكندرية؟
    حبيبتى وداع تحليل البروجستيرون هو من ضمن تحاليل الهرمونات بردة والبروجستيرون ده هرمون مسؤل عن كفاءة التبويض وكمان هو المسؤل عن تهيئة الرحم للحمل ..
    وبصى بخصوص المعامل .. معمل المختبر بتاع مؤمنة كامل من المعامل الموثوق فيها فى تحاليل الهرمونات وضرورى جدا انك تعملى تحاليلك كلها فيه .. وهتلاقى ليه فروع فى كل حته وفى فروع منه كمان فى اسكندرية يا قلبى
    واللينك دى هتلاقى فيها كل فروع المعمل ده وتليفوناته فى اسكندرية

    http://www.yellowpages.com.eg/search/2KfZhNmF2K7Yqtio2LFfMl8gXyBfIF8gXyBfIF8gX9in2YTYp9iz2YPZhtiv2LHZitip/search.html
    وعلشان تبقى فاهمه بردة .. فى تحاليل بتتعمل كخطوة اولى لما بتبدأى تدورى على سبب تأخر الحمل والتحاليل دى هى كالاتى ....

    تحاليل تانى يوم البيريود .. اللى هى ال LH & FSH

    تحليل البرولاكتين وده بيتعمل فى اى وقت من الشهر
    تحليل البروجستيرون اللى قالت لك عليه مهاميهو وده بيتعمل فى اليوم الواحد والعشرين من البيريود او اليوم اللى وراه
    بالاضافة لتحاليل تانيه على حسب ما يطلب منك دكتورك
    وضرورى جدا ان التحاليل دى تتعمل فى معمل مظبوط علشان نتايجها تطلع سليمة .. لان المعامل بتختلف عن بعضها بسبب الاجهزة المستخدمة فى فصل العينات وتحليلها علشان كده بنقول معمل المختبر لانه بيستخدم تقنيات حديثه
    ولو روحتى يا وداع لدكتور واهمل فى طلبه للتحاليل دى تعرفى انه مهمل وتعرفى انه قليل الخبرة ..
    لان التحاليل هتوضح نقاط كتير جدا مش هتبان فى متابعه التبويض ..
  4. رمـــــال
    حبيبتى وداع تحليل البروجستيرون هو من ضمن تحاليل الهرمونات بردة والبروجستيرون ده هرمون مسؤل عن كفاءة التبويض وكمان هو المسؤل عن تهيئة الرحم للحمل .. وبصى بخصوص المعامل .. معمل المختبر بتاع مؤمنة كامل من المعامل الموثوق فيها فى تحاليل الهرم…

    باقى البنات ازيكم عاملين ايه .. معلش سامحونى على نفسيتى اللى كانت وحشه .. وبجد نفسى اطمن على توتا وعلى فاطمة ياريت يدخلوا يكلمونا يطمنونا عليهم .. انا عارفه انهم استرجعوا ربنا خلاص بس عايزة اشوفهم رجعوا تانى علشان ابقى اطمنت عليهم
    ربنا يأجركم على صبركم يا حبايبى
    وشكرا بجد لكل اللى سأل على انس .. ما هو انس ابنكم انتوا كمان مش ابنى لوحدى ولازم تسألوا عليه ..
    ربنا يكرمكم يارب ويرزقكم الذرية الصالحة .. مش جديد عليكم الذوق والله ربنا ما يحرمنى منكم

    بوبا
    انا كنت قلت لك انى راجعه لك تانى ... ومش رجعت معلش سامحينى .. انا كنت عايزة اقوللك كلمتين زى الكلمتين بتوع ماما بس لما لقيتك شرحتى حالتك اكتر انا فهمت وقلت يبقى تفكيرك كده سليم ومظبوط طالما انك شلتى الكيس كله مش شفطتى اللى جواة وكويس بردة انك استشرتى الدكتور عندك .. ولو انى برده افضل تاخدى رأى دكتور عادل فى الخطوة دى علشان نبقى ماشيين مطمنين واخدنا رأى اتنين دكاترة .. وبردة بأكد على كلام البنات انك لازم قبل ما الشهر ينتهى تكونى واخده قرارك هتعملى ايه الشهر الجاى هل هتنشطى ولا هتاخدى العلاج اللى بيوقف البيريود .. وربنا يكرمك ويرزقك بالذرية الصالحة ..

    أوشى ..
    فضى مخك شويه يابنتى وكل يومين انزلى اتمشى لك نص ساعه هتلاقى كل القلق والتوتر راح مع التمشيه
    وحاولى تشغلى نفسك بالذكر زى اوكسى ما قالت لك وكمان وانتى بتتمشى حاولى تلفى على محلات البيبيهات اشترى حاجات بسيطة مش لازم كتير بس علشان تفرحى نفسك يا قلبى .. وعلشان تفرحى زوجك لما تسافرى له الموضوع ده هيفرق كتير معاكى
    بجد القلق ده قاااااتل وانا مريت بيه ومستحيل تبطلية خصوصا فى الفتره دى بس الشاطر اللى يعرف يتحكم فى نفسه ويظبطها ولا ايه يا ست البنات

    اوكسى ..
    عاملة ايه يا جميله اخبارك ايه .. مستنيين معادك مع عادل مش انتى لوحدك اللى مستنيه يا قلبى .. ربنا يطمننا عليكى انتى وام اياد يا حبايبى

    ام انس ..
    ازيك يا بنتى عامله ايه .. انا زعلانه منك بجد علشان مش اخدتى الحقنه زى ما قاللك الدكتور .
    تانى مرة ما تعمليش حاجه من نفسك يا ام انس احنا ماشيين جمب الحيط يا امى ابقى اسألى دكتور عادل فى كل حاجه مفيش داعى للكسوف هو انتى هتسأليه انت مرتبط ولا لا !!!!! .. ومبروك يا حبيبتى على الوزن اللى نزل ده معناه انك بتحاولى وبتشتغلى كويس ومش مقصرة ابدا والله حتى لو نص كيلو هيفرق طالما بالناقص وده اهم حاجه

    شوشو ..
    ربنا يكرمك يا حبيبتى على سؤالك عنى .. انا وانوس ولله الحمد مش مظبطين خاااالص وربنا يعدى اليومين دول على خير .. المهم انتى عامله ايه انا مبسوطة علشان نفسيتك بقت افضل من الاول بعد الهدنة دى ويارب يارب يكرمك يا حبيبتى

    نيفوووووو ..
    والله انا معاكى المنتدى فعلا مبوظ لى كل حاجه انا كمان .. المهم انتى عامله ايه دلوقتى ربنا يكمل شفاكى على خير ومبروووووووووووووووك على الاتنين كيلو .. والله كويسين مش وحشين معلش ما تتنقطيش ولا حاجه
    احسن من مفيش ولا ايه .. ويالا عايزة اسمع انك رحتى الجيم اللى كنتى ناوية تروحيه قريب ..

    الهدى والنور ..
    الف سلامة عليكى يا حبيبتى لابأس طهور ان شاء الله ..

    مهاميهو ..
    والله كلامك كله حكم وعندك حق فى كل كلمة قولتيها لنا ربنا يكرمك ويحفظك ويخليكى لينا

    سارة وماما .. ربنا يحفظكم يارب
    والف مبروك يا ماما على الحج .. ادعى لى يا قلبى ربنا يبارك فى انس .. وفى ابو انس :27: ويشفى امى وكل مرضى المسلمين
    ميكو .. عاملة ايه يا حبيبتى واخبار الحمل معاكى ايه
    زينب زوزة .. غيابك طال جدااااااااااااا .. فعلا قلقانه عليكى
    المفروض انك روحتى عملتى السونار .. مش تيجى تفرحينا بنبض البيبى يا حبيبتى

    ام اياد .. شفاكى الله وعافاكى .. والف مليون سلامة عليكى

    المشتاقة لمكة ,, انتى فين يا هرابه .. تعالى ما تخافيش الماتش لسه يوم السبت
  5. @mikomiko

    صباح الخير يا رمال. عاملة ايه؟ انا الحمد لله كويسة و زئزئة كويسة بس انا متضايقة جدا من يومين كنت عند مامتي و لقيت اختي بتقولي انتي بطنك كبيرة (انا فعلا بطني بانت اوي الاسبوع ده و بارزة للامام) , انا كان حملي بالعرض. و امبارح كنت عند حماتي , لقيت اخت زوجي برضه بتعلق علي الموضوع ده و بتقولي انها ماكنتش باينة عندها اوي لغاية الشهر السابع بس هيا عموما اتخن مني.
    حسسوني اني غريبة. و مسكوني علشن انا و زوجي كنا اتفقنا علي عدم معرفة نوع البيبي و لا لازم تعرفي و حتشتري لبس ازاي و ان في مارس المحلات بتعمل ديسكونت فاحسن تنزلي تشتري فيه حاجات كده بجد بقيت عايزة اقولهم ابنكم صاحب الاقتراح ده و انا عجبني فوافقت و اللذيذ اني حاسة انهم لعبوا في دماغه لان بليل و احنا راجعين البيت بحكيله اللي حصل لانه بعد ما اتغدينا عندهم, نزل و سابني عندهم فقالي انه بقي متشوق انه يعرف و برضه من اسبوعين كنا عندهم و اتفتح نفس الحوار و برضه اخته لازم تعرفوا علشان اللبس فقولتلها لا مش شرط اول فترة فيه حاات تمشي الاتنين, و احنا نازلين بتكلم معاه حسيته ابتدي يغير راي لغاية امبارح لقيته بيقولي اه انا نفسي اعرف.
    بقيت عايزة اقوله انا قولت للدكتور اني مش عايزة اعرف فحتكسف اني اقوله و مش علشان اختك و مامتك قالوا كذا يبقي كده.
    مش عارفة, بجد متضايقة و مخنوقة جدا. حاسة انه بيتاثر بكلامهم جدا.

تابعي تجارب أخرى من هذا القسم.