مديرتي أستغلتني ...

السلام عليكم ورحمة الله وبركاته

الله يعينك ويوفقك وييسر أمورك يارب ويرزقك الوظيفه المريحه يارب ياكريم


لا تنسيني من دعواتك ان يفرج الله همي

وكل من قرات ردي

وجزاكم الله خير

ههههه الله يسعدك يانبض كلامك مثل كلام صديقاتي ..
شوفي يالغاليه أنا معلمة كمبيوتر وبمدرسه حكوميه وهذي 5 سنه لي تدريس ....
ومعنى الاعلام إني اكون مسؤوله على كل اعلان بالمدرسه وتعليقه في لوحة الاعلانات وبعد اسوي مجله كل ترم دراسي وعندي سجل احفظ فيه تعاميم الاعلام وسجل اجمع فيه اعلانات المدرسه ولي مشرفه تجي وتشوف شغلي ...
وعلى فكرة كل المعلمات نصابهن 24 ماعدا معلمات الدين والعربي 20 حصه .. أنا متعاونه كثير يااختي بس تعبت والله تعبت وتخيلي لدرجة ان المساعده بيوم مناوبتي كانت تسلم البنات الكتب قامت نادتني عشان هي توقعهم وانا اسلمهم ....:44:

الله يعينك

أنا 27 حصه و13 منهج وريادة فصـل ومناوبـة ومشاركة في النشاط الله لايوفقها من مديرة ظالمه ...

ضغط مو طبيعي أرجع البيت وانا مهدود حيلي ... ماراح اكمل السنه معهم يكفيني هالترم واتركهم ويعوضنا الله بالخبره الأفضل

اجمل النواعم .. والله ياعمري اذا المدرسة كلها مضغوطه جزاك الله خير وجعله في موازين اعمالك كل اللي تسوينه لان لازم احد يسوي الشغلات هذي واذا انت شايفه عندك القدره انك تسوينها وتبدعين فيها وتستمتعين فيها ولا يهمك كلام الناس المحبطين احتسبي الاجر وذا انتي مرهقه من العمل فعلي دور الطالبات ماشاء الله تبارك الله في بناتنا ترى عندهم طاقه وابداع استغليها فيهم على الاقل تشغلينهم عن هالفضائيات والانترنت والملهيات الثانيه اللي يضيعون وقتهم فيها .. بس بيني وبينك عجبتني حركة المسؤووله الاعلاميه اول مره اسمع فيها انا لي 10 سنوات في المدرارس ما سمعت عنها لا ولها مشرفه بعد الا وشلون اسير مشرفه للشغله هذي شكلها فله اسمها كذا مشرفة اعلا م ؟؟ .. انت وين في الرياض ؟؟ .. يعني احنا عندنا مشرفة نشاط.. مسؤولة مصادر.. معلمة موهوبات.. بس مشرفة اعلام جديده علي ..