شاركي في النقاش

سجلي الدخول لإضافة تعليق.

التعليقات

1,551
  1. @zynb_abrahym_1

    ماما انتو كمان على طول كنتو فى بالى وكان نفسى اطمن عليكو
    ووالله لولا الاب توب كان خربان كنت دخلتلكو
    والحمد لله على كل حال
    ميكو الحمد لله ربنا بينزل الصبر مع المصيبه
    والحمد لله اللهم اجرنى فى مصيبتى واخلفنى خيرا منها
  2. @zynb_abrahym_1

    توتا تأكدى اننا حاسين بيكى وانا كمان حاسه بيكى اوى
    عشان تقريبا بعيش نفس تجربتك
    والاب توب اما كان بايظ كنت هاتجنن عشان اطمن عليكى
    بس الحمد لله قدر الله وما شاء فعل
    وان شاء الله ربنا يعوضك بتوأم صالحين معافين
    والله مش بعيد على ربنا ابدا
    بس ارجوكم حد يقولى ايه اللى حصل بالظبط مع فاطمه الزهراء ازاى فقدت جنينها
    ربنا يصبرها ويعوضها يارب
  3. @neevooo

    زوزو
    حبيبي الحمد لله انك متابعة مع دكتور عادل
    و عن موضوع التنضيف دة طبعا هو ادرى مننا
    انا من منطلق حبي ليكي و خوفي حبيت اوصلّك المعلومة الي عندي يمكن تفيدك و لاني مش من مؤيدي العمليات و البنج كتير
    و ربنا يكرمك يا رب يا قلبي
    و يعوضك خير يااااااااااارب
    و ان كان على الكام كيلو اللي محشورين في سكتك دول اخلصي منهم يا ستي
    ربنا يكرم
    يا ريت تطنينا عليكي و على اخبارك و احنا معاكي ان شاء الله يوم بيوم
  4. @neevooo

    ميكو ازيك يا قلبي و ازي زئزئتك
    بدأت تزأزأ و لا لسة ؟
    يا رب يتم حملك على خير يا رب و تيجي زئزوئة و تملا علينا الملف زأزأة و ماماة كمان
    احنا راضيين
  5. @zynb_abrahym_1

    اقولكو بالتفصيل بقى ايه اللى حصل معايا
    دانا اخدت اسبوع قلق وخوف لأرعب وحياتكو
    بصو انا رحت للدكتوره الخميس اللى قبل اللى فات كان يوم 5_11
    وعملتلى سونار لاقيت كيس فاضى ومش سامعه نبض
    بعتتنى على قسم السونار عيدت السونار تانى الدكتوره هناك قالت فى جنين بس مافيش نبض
    المهم دكتورتى قالتلى نعمل تحليل الحمل النهارده ونعيده بعد يومين نشوف بيزيد ولا بيقل
    عملته يومها كان 14 الف
    وعيدته يوم السبت لاقيناه 19 الف
    كانت مفاجئه انه بيزيد احترنا اوى قالت نعيده تانى كمان يومين
    وعيدته يوم الاتنين لاقيناه 23 الف
    يوم الاتنين بقى رعبتى جدا قالتلى انا خايفه يكون فى حمل تانى بره الرحم هو اللى بيطلع الهرمون وفى الحاله دى هانعمل عمليه عشان نشيله
    ده احتمال
    الاحتمال التانى ان ده حمل عنقودى ولا زم بعد ما ننزله بنمنع الحمل لمدة سنه كامله
    طبعا الاحتمالين بالنسبالى كانوا دمار
    عشت ليله مايعلم بيها الا ربنا مانمتش من كتر الخوف
    كان كل املى ساعتها انه يكون اجهاض عادى زى المره اللى فاتت يعنى
    ورحت يوم الاربع وعيدت التحليل تانى لاقيناه قل الحمد لله وبقى 21 الف
    وهنا قالتلى يعنى اجهاض منسى زى المره اللى فاتت وهنا حمدت ربنا
    قضا اخف من قضا
    وقالتلى ندى نفسنا مهله كام يوم لحد يوم الاتنين واذا مانزلش لازم نعمل تنضيف
    بس ادى كل الحدوته
    وعشان كده انا الحمد لله راضيه عشان كان ممكن يحصل اللى اصعب من كده وفعلا ماكنتش هاستحمله
    صدق الله العظيم عندما قال
    "لا يكلف الله نفسلا الا وسعها"
    والحمد لله على كل حال
    لله ما اعطى ولله ما اخذ

تابعي تجارب أخرى من هذا القسم.