شاركي في النقاش

سجلي الدخول لإضافة تعليق.

التعليقات

31
  1. @aasbl

    الحلى المر
    ولد اختي مثله والحين رجال بسم الله عليه واقطعي عنه الكاكاوات لانها تزيد النشاط
    سبحان الله كانك تتكلمين على ولدي كان شقي شقاوه فضيعه

    وكنت استحي اخذه معايا اي مكان وابوه كان يرفض يا خذه اي مكان

    والله لما كان ابوه يوديني اي مكان يجلس يبكي عند الناس ويسبب قلق وازعاج فضيع الين نروح

    والله اني كنت ادعي عليه بان الله يكسر رجله علشان يجلس ويرتاح وارتاح

    والحين ندمانه اشد الندم على كل شي سويته معا

    الحين ولدي سنه ثاني ابتدائي والحمد لله والشكر تغير عنن اول كثير

    صحيح تصير افعال تبكيني منه بس شويه واهداء او اذا قده نايم اجاس اسلم عليه وابكي

    بس ايش استفدة الحين بسبب الضرب له وهو صغير والكلام امامه بانه شقي وفقعة قلب

    احس ولدي ماهو طبيعي اولا...كان ياكل في اسنانه والله اني ما اقدر انام من صوتها

    بس الحمد لله غيرت معاملتي معاه وماعاد صار ياكل فيها

    ثانيا ......ولدي ثاني ابتدائي ولسى يبول في ملابسه وهو نايم

    ثالثا ,,,,,احس ان ولدي منبوذ من الناس يعني هو يحب عماته وبناتهم بشكل فضيع بس

    المشكله هم لا بالعكس تدرون ليه لان ولدي يحب بناتهم ويسلم عليهم ويبوسهم فالبنات يبكون

    اذا باسهم والله انه امام عيني ولدي يمر من جنب البنات وما يلمسهم الا والبنات يصيحون ولدي يناظر فيهم ايش

    فيهم بس من كثر مايخوفونهم من ولدي صارو البنات يبكون حتى اذا مر بجنبهم

    والله ياولدي لقى سكين في الارض وفي بنات كانو عند اهل زوجي لقى السكين

    تدرون ايش صار ؟؟؟ والله ان الاطفال راحو يركضون لغرفة الحريم ويقلون للحريم انه ولدي يبغى يطعنهم

    تخيلو موقفي انا امام الحريم والحريم كل وحده تنقز من جنب وتمسك بزرانها المشكله ومافيها اني رحت عند ولدي ابغى اشوف السالفه صدق وجيت وهو وعمته يسولفون وتقول لي امام عيني على طول شال السكين ووداها المطبخ

    وتحلف ا نه ما سوا للعيال شي بس هم خلاص من كثر مايسمعون عن ولدي وعن شقاوته

    وماراح ابري نفسي بالعكس انا السبب اولا واخيرا لاني انا الي الي كنت اقول لناس ولدي شقي وولدي مايسمع لي وولدي وولدي ...

    والله اني ذا الحين اتمنى الدنيا ترجع لورا وارجع اربي ولدي من جديد

    فانصحك لوجه الله يا اختي ولدك لا تقولين لناس عنه اي شي ربي ولدك على نهج الرسول صلى الله عليه وسلم

    وراح ترتاحين طول عمرك

    بعدين ما تلاحظون معايا ان الناس يشوفون شقاوة اطفال واطفال اشقى منهم بس مايشوفونها

    آسفه طولت عليك بس والله من القهر الي فيني وذكرتيني في ولدي

تابعي تجارب أخرى من هذا القسم.