شاركي في النقاش

سجلي الدخول لإضافة تعليق.

التعليقات

14
  1. @alhzn_oaldmaah

    حاولي بشهر من الاشهر تاخذين بالجمله كل شي

    مثل الرز 45 كيلو يكلفك على حسب النوعية من 100 الى 150 ريال

    والسكر بعد

    وحاولي تشوفي الاشياء اللي تحسي انها ممكن تستهلك كل شهر واخذيها كميه او بالكرتون وراح توفري كم شهر قدامك

    اذا على المنظفات في محل سبق ورحت له اسمه الغيث للبلاستيك يبيع جوالين كبيرة 30 ليتر من ( اللينور / الكلوركس / الفلاش / منظف الزجاج/ شامبو العبايات ) تقريبا سعرها من 30 الى 60
    ماتتجاوز هالسعر


    ايضا الصابون للملابس في انواع كثيرة 25 كيلو

    التايد 130 تقريبا او 150 مااتذكر

    والانواع الثانيه بحدود 70 ريال بس ماركات غير معروفة بس سبق وجربتها وتعتبر كويسه لاني اضيف معها صابون الوزير وينظف الملابس مررره


    اذا عندك اي سؤال راح اساعدك
  2. @nfaf_dby_11

    بالنسبة لي ..أنا طبعا من الإمارات ..بس أكيد عندنا هايبر بنده .. و كارفور ... هذا غير الجمعيات التعاونية .. بالبداية كانت مشترياتي بس لي و لولدي و بنتي و كنا ساكنين ببيت أهل زوجي ..

    و لله الحمد و المنة ..صار عندي بيتي صغيروني خاص فينا نحن الأربعة ..بالطبع عندي خدامة لأني أشتغل ..
    أول شهر شريت زيادة ..

    بس ثاني شهر قلت للشغالة ..احسبي من أول الشهر لآخره من كل غرض كم نستخدم ...

    و فعلاً صرت أعرف من كل غرض كم لازم أييب عشان يتم لآخر الشهر .. و قلت لها إن خلص شي أنا ما بييب لآخر الشهر ..
    و الحين الحمدلله ممشين الأمور .. و الأغراض تطول لآخر الشهر ..

    ما عدا الحليب الفريش للأطفال .. الخضروات و الفواكه لأنها تخرب بسرعة ..يعني تقريباً أييب اللي يكفينا لمدة أسبوع .. يعني بحدود كيلو - كيلوين من كل نوع .. و الخبز و الصمون يومياً و الزبادي كل يومين ثلاث عشان يكون فريش ..

تابعي تجارب أخرى من هذا القسم.