شاركي في النقاش

سجلي الدخول لإضافة تعليق.

التعليقات

3,327
  1. اشتقت اليك
    بصوا يا بنات.... أنا بانقلكم رسالة من مشمشة حبيبة قلبى.... هى يا جماعة مش زعلانة من حد و لا سابت التجمع لان باختصار اللى بينا صداقة و أخوة و حب فى الله ....و دول أكبر من أي حاجة... صحيح إنا هنا زعلانين جدا من اللى حصل....و أنا واحدة من الن…
    والله يا شوشو الواحد مش عارف يقول لها ايه ولا يعزيها ازاى فى اللى حصل معاها ده .. انا متخيلة احساسها دلوقتى عامل ازاى ربنا يكون فى عونها .. وانا عارفه كمان ان الوضع اكيد اكبر من ارادتها واكيد الموقف صعب ومن اصعب الامور انها تفكر تسافر مصر فى الوقت الحالى او حتى تقترح على اهلها الاقتراح ده لان حتى لو هى مقتنعه ان كل اللى حصل ده فتنه مش اكتر فا اهلها مش عارفين ده ومتخيلين اننا ارهابيين .. لكن قدر الله ماشاء فعل هى تحاول تانى من باب الاخذ بالاسباب وربنا قادر انه يحقق لها املها ويوفقها للخير ..
    يعنى ما تستبعدش ان فجأة الامور ممكن تنقلب لصالحها زى ما انقلبت ضدها فى لحظة .. ممكن ربنا يسخر لها قلب زوجها واهلها بحيث يوافقوا على سفرها .. بس خليها تدعى وتعمل اللى عليها .. وياريت تقولى لها الدعاء ده تكررة كتير فى الصلاة وفى جوف الليل " اللهم سخر لى قلب من احوجتنى اليه .. اللهم يسر لى امور دنياى حتى لا تشغلنى عنك " واهه الايام دى افضل ايام الدنيا وايام فيها فرج وخير لعل وعسى ربنا يستجيب منها ان شاء الله واحنا منتظرين تيجى تطمننا عليها وتقول لنا ان نفسيتها بقت احسن والله انا شايله همها من يوم اللى حصل لكن يالا كله بتقدير الله ..
    وسلامى ليها امانة يا شوشو وربنا يكرمك انتى يا حبيبتى علشان وقفتك جمبها زى ما بتقفى جمب كل البنات دايما ربنا يحفظك ويحفظلك زوجك وابنك ويديمهم عليكى ويبارك فيهم
  2. ام انس 2006
    السلام عليكم ورحمة الله وبركاته نيفين وحشتينا وعايزة اطمن عليكي ربنا يشفيكي ويعافيكي شفاءا لا يغادر سقما يااارب ماما شكلك روحتي الحج , تروحي وترجعي لنا بالسلامة يارب
    ازيكم يا شباب عاملين ايه .. طبعا الايام دى كلنا مشغولين .. يارب الكل يكون بخير وكل سنه وانتوا طيبين
    اسمحولى المرة دى اكتب للبنات اللى عندهم اخبار جديدة بس لان ورايا حاجات كتير ..
    ادونى فرصه يوم كمان وهكون خلصت اللى ورايا وارجع معاكم تانى ..
    طماااااااااااااااااطم .. ايوة كده يا شيخه نورى مكانك انتى ليكى وحشه بطريقه رهيبه .. بصى انا عايزة ارغى معاكى اااااااااد كده
    بس بجد عايزة افوقلك كده واركز معاكى ادينى يومين بس وهتلاقينى موجودة يوم الاربع طول النهار علشان نتكلم
    .. اتفقنا يا قمر



    ام انس واوشى وشيمولاتا وام اياد ومها وميكو ودودو وزينب وام مريم وبتانور يارب تكونوا بخير يارب .. وحمدالله على سلامتك يا بتانور هرجعلك كمان يومين بأمر الله انا عايزة اضربك على الغياب ده
  3. الهدى والنور
    قاعدة اقول وحشتنونى و حشتونى و لا وردة و مفيش حد سلم الا مها و رمال سالت عنى يظهر ما قراتش مشاركتى باقى البنات مفبش سلام حتى انا يا مها كنت تعبانه زى ما انتى عارفه و ممنوعه من القعده كثير على الكمبيوتر علشان كده دخولى قليل و لما باقدر با…
    حبيبتى هدى والله قريت مشاركتك وقلت لك حمدالله على سلامتك وكويس انك هتنتظمى معانا زى ما قولتى بس انتى اللى شكلك مش اخدتى بالك يا حبيبتى
    المهم انتى عاملة ايه واخبار صحتك ايه يارب تكونى بتتحسنى يا قلبى ويارب اسمع عنك كل خير
  4. oshy2005
    اذيكم يااحلى بنات واحلى اخوات انا الحمد لله والشكر لله لسه راجعة والف حمد والف شكر لله الامور ماشية كويسة والدكتور صرحلى ان شاء الله بالسفر وان شاء الله هسافر بعد العيد وطمنى برضه من ناحية h1n1وقالى انه مش خطير بالدرجة اللى بيقولوا عليه…
    يااااه يا سارة انتى وحشتينى اوى اوى وكل شويه بفتكرك وبقول ياترى عاملة ايه ومبصدق اعرف عنك اى اخبار .. ربنا يطمننا عليكى يا حبيبة قلبى وما تقلقيش كلنا هنا مقدرين تماما انك مش فى بيتك ووضع طبيعى انك تكونى مجرحه من طلب الكمبيوتر خصوصا ان البنات بيشتغلوا عليه فا عندك حق فعلا تكونى متحفظة فى طلب الانترنت ..
    بس حاولى تكونى على اتصال بماما بعد ما ترجع من الحج علشان تطمننا عليكى ولو انها هترجع وتنزل مصر بعدها بفتره علشان تقابل دكتور حسام ..
    وبعدين قولى لى انتى مش بتروحى الشغل ولا ايه ..؟؟ انتى هتقعدى فى البيت قد ايه طيب ..
    ياريت يا سارة تطمنينى عليكى على طول انا بحبك فى الله اوى اوى واحب دايما انى اسمع عنك كل خير
  5. oxygenatom
    صباح الخير يا بنات .... انا رجعت النهاردة بس برده لسة عندى شغل كثير عشان كده حقولكم اخبارى وبعدين ابقى اقرأ على مهلى علشان آخر صفحة كنت قارئة لها كانت 14 ... المهم انا رحت لدكتور عادل انا وام اياد يوم الخميس ... الدكتور المساعد دخلتله ال…
    أوكســـــــــــــى ..
    اعملى التحليل طبعاااااااااااااااااااااااااااااااا
    وبدون تردد وبدون التفكير فى الاسباب ...
    التحليل ده خطوة مهمه ليكى ياريت تاخديها ومتتكاسليش فيها ..
    ومهما كانت النتيجة احنا عارفين هنعمل ايه وعارفين خطتنا كويس فاهمانى يعنى خيار انك تعملى العمليه ده مفيهوش نقاش بالعكس النتيجة لو مش كويسه لا قدر الله ده يدفعك للعمليه اكتر ..
    اعملية بس ولما تطلع النتيجة ساعتها هيكون الكلام المفيد

تابعي تجارب أخرى من هذا القسم.