شاركي في النقاش

سجلي الدخول لإضافة تعليق.

التعليقات

3,327
  1. شيمولاتا
    انا بكرر اسفى واعتذارى عن غيابى الكتير بس ظروف وغصب عنى أولا أنا فرحت أما قريت مشاركات فاطمة الزهراء ربنا يرزقها عن قريب توأم إن شاء الله ثانيا وبعد الأخد بنصايحكم اما عملت تحليل الهرمونات تانى يوم الدورة وقلتلولى اعمل البروجسترون اليوم …
    حبيبتى شيمولاتا ليه يا بنتى ليه بتقولى الكلام ده المفروض ان الواحد بيبقى لما بيعمل تحليل هيتجنن علشان يعرف نتيجته معناها ايه وانتى تقولى معنديش استعداد نفسى اسمع كلمة سيئة ... ازاى يا شيمو ياحبيبتى بس
    افتكرى المثل اللى بيقول "يابخت مين بكانى وبكى عليا ولا ضحكنى وضحك الناس عليا "..
    مش الاحسن اننا نعرف الوحش علشان نعمل احتياطاتنا كويس ونتعالج بسرعه ولا نفضل مش عايزين نعرف ونفضل كده لحد ما نغرق .. ايه الافضل بالنسبه لك ..
    انا مقدرة انك مخنوقة وزهقتى من الاخبار الغير سعيدة
    بس الاخبار دى يعقبها اخبار سعيدة بأمر الله .. مش احسن ما نسمع كلام حلو يخلينا ننام فى الخط لحد ما فرصتنا فى الامومة تضيع مننا ونبقى ولا طولنا فرحة ولا طولنا حمل !!!
    يبقى نسمع الكلام الوحش ونكون اقوياء ونتوكل على الله ونرمى حمولنا عليه و من يتوكل على الله فهو حسبه ..
    ركزى يا شيمو .. رقم البروجستيرون ده قليل بس ما تخافيش فى اقل منه بكتيييييييييير وفى ناس غيرك كتير يتمنوا يكون رقمهم زى رقمك لكن ده ما يلغيش ان النتيجه ضعيفه وده ما يلغيش ان فى حاجات بتتاخد تعلى نسبه الهرمون وهى التنشيط .. فاهمانى
    وكمان رقم التحليل ده طبيعى جدا لو بصينا للنتايج اللى فاتت
    يعنى الرقم منطقى مفيهوش جديد بس الجديد انك مكنتيش عارفه ده وادينا عرفناه والحمدلله
    انا بقول لك الكلام ده علشان تبقى عارفه دكتور عادل هيقول لك ايه وتكونى متوقعاه وما تتفاجأيش وتقولى اتصدمت
    احمدى ربنا اننا بنعرف المشاكل بتاعتنا فى ناس كتير بتقضى عمر بحالة يدوروا على سبب التأخر عندهم وبيكتشفوه متأخر للأسف
  2. فاطمة الزهراء912
    صباح الورد والفل والياسمين والقرنفل على احلى بنات فى الدنيا وحشتونى مووووووووووت بصو بقى انا مش هعقب على موضوع الساعة علشان منحرقش دمنا ولكن طبعا المفروض ان مشمشة عرفانا كويس وعارفة احنا قد اية بنحبها ومش عيزها تحرم نفسها من حلم العمر علشا…
    ازيك يا قمر وحشتينا جدا
    و ان شاء الله تكونى بخير
    يارب يرزقك يا فاطمة و يعوضك خير
  3. @am_ans_2006



    ازيك يا اوكسي

    بصي انا رأيي ان مفيش سبب قوي يخليكي ما تعمليش التحليل
    بالعكس طالما الدكتور طلبه منك اعتقد ضروري عشان ان شاء الله يطلع كويس وتطمني واذا لا قدر الله بعد الشر كان مقلق الكاترة يتعاملوا معاكي بدقة وحرص اكتر لما تعملي الحقن تاني ان شاء الله

    ربنا يكرمك يا اوكسي ان شاء الله هتحملي مع ام اياد

    هو تحليل ِCA125 طلع كام عندك ؟؟

تابعي تجارب أخرى من هذا القسم.