اكبر صدمة في حياتي من أبوي آآآآآآه

[SIZE="4"]السلام عليكم ورحمة الله وبركاتة

انا من متابعين المنتدى ودايما اقراء ردودكم على اخواتكم اللي محتاجين استشارة واستفدت كثير منه وجاية اليوم استشيركم في موضوع حساس

انا تعرضت لموقف صعب جدا من يومين والى الان اعاني منه ما قدرت انام ولا اشرب ولا اكل لدرجة صار عندي الم في الكلية من قل شرب الموية واحس بكتمة ماني قادرة ابكي عشان ارتاح احس اني عايشة في حلم

انا انسانة مطلقة بسبب خيانة زوجي وعشت صدمة كبيرة منه لاني كنت اثق فيه ثقة عمياء وبعد سنه قدرت اتأقلم مع وضعي الجديد ولكن للاسف كرهت الرجال وما اثق فيهم وشايلة فكرة الزواج من بالي وطليقي تزوج وعايش حياتة وانا مرتاحة في بيت اهلي لانهم مدلعيني وخاصة ابوي هو اغلى انسان في حياتي لو اشك فالناس كلهم مستحيل اشك فيه لانه انسان عاقل عمرة فالستين وله مقدار عند الناس ودايما ياخذون برأيه لانه حكيم وما يعجبة الحال المايل وهو اللي وقف معاي في طلاقي وشجعني عليه

ندخل بالموضوع

احنا تعودنا من صغرنا على وجود الشغالة فالبيت وكل ما راحت وحدة نجيب ثانية وكلهم اندونسيات وكان ابوي اذا قدم على شغالة يطلب من المكتب لازوم تكون بنت واول مرة تجي السعودية يقول عشان البنت تخاف على نفسها اكثر من المتزوجة . وما عمرنا واجهنا مشكلة مع شغالة طوال السنين اللي فاتت

قبل شهرين جاتنا شغالة جديدة وكنت انا اقوم معاها الصباح اعلمها الشغل . وقبل يومين كان عندنا عزومة وسهرنا الى الفجر ونمنا متاخر وصحيت الظهر . واول ما خرجت من غرفتي شفت ابوي يتحرش فالشغالة ويبوسها على خدها وعينها فالصالة يعني مو في غرفتها او المطبخ وهي واقفة ومنزله يدها يعني مستسلمه له وما انتبهلي الا لما تكلمت انا رحت غرفتي على طول وهو لحقني ويحلف انها اول مرة يسويها وان الشغالة منعته بس هو ضغط عليها انا ما قدرت اصدقة لانه من اول ما جات الشغالة وهي كل ما تطلب شيء ابوي يجيبة لها وما يضغط عليها فالشغل ويخليها تكلم اهلها على حسابة كل اسبوعين وهو عمره ما تعامل مع الشغلات بالطريقة هذي . انا بتجنن معقولة ابوي اشوفة بالوضع هذا ومع شغالة

ياااااااااااربي انا زوجي ما شفت خيانته قدام عيني هو اللي اعترفلي وما قدرت اكمل معاه وطلبت الطلاق وخلاص انتهت علاقتي فيه بمجرد ما اختفى من حياتي وصار انسان عاااااادي عندي .بس دايم اتخيل خيانته ما قدرت انساها

اما ابوي كييييييييييف اتصرف معاه وانا كل يوم اشوفة واتذكر الموقف قدام عيني . طلبت منه يرجع الشغالة للمكتب لانها دوب لها شهرين ممكن تترجع ووافق بصعووووووووبة كان يبغاه تجلس عندنا سنتين وقلنا لامي اننا لقينا معاها سحر عشان كذا رجعناها المكتب .

المشكلة الان ابوي يتكلم معاي ويضحك كانه ما سوا شيء وزعلان ليه ما اعطيه وجه وانا بموووووووووت من داخلي احس اني في أي لحظة بأنهار وجاي يسألني امس يقول ما عمرك قريتي فالنت قصة وحدة لقيت ابوها مع الشغالة اش ردود الناس لها ؟ يبغاني ادور قصص فالنت عن تحرش الاباء فالشغالات عشان يبين لي انها شيء موجود وممكن أي وحدة تتعرض لموقفي

اه اه اه اه اه اه اه اه ااااااااااااااااه يا نااااااااااااااس انا تعبانة احس بكتمة وخوف من ابوي لدرجة اذا جيت انام اقفل باب غرفتي وما اجلس لوحدي معاه . ليه يابوي لييييييييييييييه

جالسة اكتب وما اشوف الشاشة من دموعي ساعدوني بنصيحة اقدر اعدي من الصدمة من غير لامي تحس وادعوووووووووولي ربي يهونها علي
والله لا يحط احد بمكاني ولا يشوف اللي شفته

206 تعليق 28,430 مشاهدة

شاركي في النقاش

سجلي الدخول لإضافة تعليق.

التعليقات

194
  1. @roz_7

    الله يعينك اختي ويصبرك لكن انا اشوف انك تكلمين وتقولين له يابوي ماخفت ملك الموت يجيك وانت معها في المعصية يابوي كل الناس تغلط وخير الخطائين التوابين وحاولي تقوليله وتذكريه انك ماتحملتي غلط زوجك لان هذا الشي حرام قبل كل شي مو مسالة وجود هذا الشي وكون ناس تسويه انك تسمح لنفسك تسويه يابوي هذولي ضعاف نفوس ولو شافت منك هذا الشي وبعدين رجعت لربك وندمت ممكن تسويلك سحر ولا بلى عشان تستمر معاها حتى بدون رضاك وتخليك مثل الاعمى ويمكن تمرضك وتبليك على اساس انك تركتها وفهميه وعرفيه بمصايب الشغالات وبلاويهم وانها ممكن بكرة النهار تدخل رجال غريب عليكم ولا تسوي مصيبة لانه هو اللي جرأها على كده ولا تسحرك انتي واخوانك لا تتحاشينه لا دامه جا وتكلم معاك ابحثي في عن النت في الموضوع والفتاوي واكثر شي القصص ونهايتها المأساوية لانها مستحيل تكون اخر شغالة تجيببونها وممكن المرة الجاية يكون حريص اكثر انه ماحد يشوفه خبريه انه لو امك منقصة شي ممكن يتزوج لكم ما يلجأ لهذا الشي خليك بنته وصديقته وانصحيه بالعكس انتي قلتها زوجك وطلبتي منه الطلاق لكن هذا ابوك وفي حياتك خلك قريبة منه تكلمي معاه ناقشيه واقنعيه بمدى عظم هذا الامر والله يوفقك ويعينك يارب ويهديه ويسمع لك وهي ممكن تكون نزوة شيطان وحالوا مهماكان ماتخيلوه يختلي بشغالة ابد لان الشيطان شاطر
  2. @mnfrshh

    أستهدي بالله
    وأذكري الله
    وأنتبهي يزل لسانك لأي أحدددد..أمك أختك..أنتبهي أي أحددد لاتنفعلين وتقولين له.
  3. @shoarfskyh_1

    ياقلبي والله مادري وش اقول الحين من الصدمه
    بس انتي لازم تكونين عارفه هالشي ممكن يصير باي بيت هدي نفسك

تابعي تجارب أخرى من هذا القسم.