فطوم يا قمر حمد الله على سلامتك وعود احمد
بصى اللى حصل معاكى حصل معايا بالملى
انا مش عارفه انتى عرفتى انى كنت حامل ولا لأ
لأنك بعد نتيجتك يوم الاتنين او السبت مش فاكره كنتى عند مامتك اعتقد ومدخلتيش خالص
انا بقى يوم الاربع عرفت انى حامل وبعد اسبوعين شفنا كيس الحمل
تماما زى ماحصل معاكى
وبعدها بأسبوعين دكتورة السونار تقولى مافيش جنين
ودكتورتى تقولى لأ جنين بس مافيهوش نبض
وفضلت اعيد تحليل الحمل 4 مرات ورا بعض
وهما مستغربين جدا انه بيزيد وشويه يقولولى حمل عنقودى
وشويه حمل خارج الرحم
لحد ما عدت التحليل اخر مره لاقيناه بينزل
وبعدها بكام يوم حصل الاجهاض
وعدت الحمد لله
انا دلوقتى عايزه اسأل سؤال انت عدتى التحليل مره واحده بس
وكمان هو قالك حمل خارج الرحم عشان شاف الحمل ده فعلا
ولا بس عشان الهرمون بيزيد
عشان انا كان بيزيد لفتره وبعدين قل وماكنش فى خارج الرحم ولا حاجه
ثانيا بقى انا عايزه انبهك لحاجه مهمه اوى مسأله كيس من كيس جنين دى ممكن تحصل لحمل طبيعى او لحقن مجهرى
كل الحكايه صحيح انك رجعتى اجنه منقسمه لاكنها مكملتش انقسمها ده داخل الرحم فالجنين بيبقى صغير اوى اوى لدرجة ان السونار مايشوفهوش
او بيصغر لما مايكبرش
على العموم الحمد لله والشكر لله انك خرجتى من الموضوع على خير
وانا حاسه بيكى اوى اوى لأنى عشت تجربتك وحسيت بنفس احساسك لما ماسمعش النبض من اول مره
وعليكى ان تتخيلى ان دى تانى مره السيناريو ده يحصل معايا
لدرجة انى اتعقدت من الحمل خلاص
وعلى فكره مش مسألة اسبرين ولا حاجه عشان كنت باخده واللى ربنا كاتبه حصل
الدكتوره بتقولى المره الجايه هاديكى هيبارين دى ماده بتعمل سيوله جامده اوى فى الدم
لكن المقدر هانشوفه هانشوفه
ربنا يعوضك خير ويرزقك ذريه صالحه معافاه
ويقر عينك بيهم امين
واسفه انى طولت عليكى لكنى ماصدقت لاقيتك
طريق الامل ( خبرات متبادلة حول مراكز العقم فى مصر ) الجزء الثامن
متابعة النقاش، صفحة 95