لا انتبهي تنطقين بالطلاق وانتي ما حاولتي تصلحين .. أنتي لاحظتي نفسك .. قاعده تندبين حضك وانه ما طلع زي ما توقعتي .. طيب ليش تبغين تسوين الرجال وتعجنينه على مزاجك .. ليش ما تفكرين تقبلينه مثل م هو .. فترة على الاقل ...
ترا الرجال قبل الزواج وفي فترة المراهقه خاصه يفكر في زوجة احلامه ويحط لها شكل ويتخيلها معاه وحوارات تحصل بينهم .. ليش م فكرتي انك خيبتي أمله كمان وما طلعتي مثل فتاة أحلامه ...من قالك ان الرجال يفكر في الاكل والشرب فقط .. الرجل مثل الطفل يبحث عن الحنان مهما كبر .. بس لا يحب ان يعرف احد بمدى رغبته بالحنان لأنه يشعر انها ضعف .. نعم هناك فارق تعليمي له دور في تجميد العلاقه بس ياقلبي من المعروف ان الأعلى في المستوى التعليمي هوالذي ينزل لعقلية الاقل في التعليم ويخذ بيده ويفكك له الأفكار بصوره ابسط لعقلية الاقل تعليم ..
والمعروف ان الاقل تعليم لديه اساليب في التعبير عن الرومنسيه مختلفه تماما عن الأعلي في التعليم ..
اما بالنسبة للبعد فيجب ان تجعليها نفطه ايجابية لصلحك ليس العكس ..
اعرفي زوجك .. بعض الرجال لا يهتم في اللبس ولا كمية المكياج ولا يلحظ تصفيفة شعرك اللي جلستي النهار بطوله تعدلينها .. الرجل مختلف تماما عن تفكيرك ..
الرجل يريد حديث عذب ..يرغب بنظرة تعذبه .. يرغب بتسليه ومشاركه .. كما يرغب بعض الرجال في سبيس او مكان يعزلون نفسهم فيه عن العمل والناس ويمارسون اشيائهم لوحدهم بعيد عن مشاركتك ..
أجعلي اليومين مثيرين بالنسبة له .. كوني مثل صديقه جديده تعرف لها ..ولفي نفسك بالغموض .. بس انتبهي من التكبر .. قربي له الخيوط ليكتشف في كل ويك اند صفه جديده فيك تجعله ينتظر الويك اند القادم بفارغ الصبر ..
اجعلي بقية الاسبوع خاص بك انتي فقط وعيشي حياتك الخاصه بك انتي وانسي كل المنغصات وانسيه ايضا ..اطلعي واتفسحي ودلعي نفسك ..اثثي شقتك على مزاجك انتي واجعلي له نصيب من تثيثك يعني اذا كان يحب الافلام اشتري له تلفزيون 37 بوصه بسماعات كبيره وعلقيه على الجدار واشتري اريكه مريحه واجعلي له كورنره الخاص به ..يعني وفري له جو مريح .. بس مش على حساب سعادتك .. يعني ياقلبي تكرمي عليه بها اليومين ودلعي نفسك معاه .. وباقي الاسبوع هي من نصيبك انتي وبس .. وخليه يشوفك ضحوكه سعيده مستانسه في حياتك .. وحسسيه انك مستمتعه بحياتك لآخر درجه وان عندك شياء كثيره تسوينها .. وانك مشغوله ..بس في الويك اند تحاولين تفضين نفسك عشانه .. وحاولي تتجنبين اي نقاش تعريف انه يقود الي سؤء فهم .. وانتي ترا محتاجه على الاقل ل5 سنوات عشان تبدأ حياتكم طبيعيه خلال الخمس سنوات هذي يحاول كل واحد فيكم يفرض افكاره على الثاني وينصدم بواقع الحياة الزوجيه وتصرفات الريك لكن احب اقولك ان هذا الموضوع عااااادي ولا تتسرعين الرومنسية .. ولا تتصنعينها راح تجي بس انتي اعطي الرجال فرصه يفهمك ..راح تسمعين كلام جارح وتمرد بس ما عليك راح يعتذر لك في النهاية لما يكتشف انك ملكة جمال من جوى وانك سامح له ومعطيته فرصه بمزاجك .. راح يتغيير هو من نفسه .. ويحاول يصلح من نفسه بدون ما تطلبين منه .. ويحاول يرتفع في نظرك .. بس الصبر ملييييييح ..
وانا ما ني مع الاخت اللي تقول بروزي شهادتك وتفرجي فيها .. مع احترامي الشديد لوجة نضرها الا اني لدي وجهة نظر اخرى .. وهي ان أهلنا ما تعبوا وعلمونا عشان نبروز الشهادة ونصير فرشه يستلقي عليها الرجل .. حتى اذا مل منا بدلنا بغيرها بكل سهوله .. لأ المرأة كيان مثلها مثل اي انسان بغض النظر عن جنسة .. عندها طموح وافكار وتحب يكون لها قدر وقيمه وتؤدي دورها على اكمل وجه في مجتمعها .. كما انها تحب ان تربي اطفالها بنفسها وتكون قدورة في الكفاح والعمل تقدمها لصغارها ..
والله يوفق الجميع
اطلق ولا اصبر ولا اطنش ولا ....؟!
متابعة النقاش، صفحة 7