شاركي في النقاش

سجلي الدخول لإضافة تعليق.

التعليقات

68


  1. ركبيهم في الشاص ياراعية الشاص < ~ تنكت :icon31:
    تكفين لا تشيلين عليّ ، عسى الله يسخرهم لك ..
    وصدقيني مصيرهم يتغيرون بس انتي اسألي الله الهُدى والرشاد في التعامل معهم ..
    الله ييسر لك .
  2. @miss_nono_2

    التعامل مع اللاطفال بهذا السن سهل جدا جدا .. شخصيتهم زي العجينه تشكلينها مثل ما تبين
    غريبه ليش معقدينك!!
    :eek:
    اذا ماقدرتي تمسكينهم وهم بهسن شلون بتتصرفين معهم اذا كبروا؟؟

    لازم تكون لك كلمتك وهيبتك وكلمتك قوية وماتتنازلين عنها .. اذا قلتي شي لاتترددين فيه
    انا الحمدلله ولدي عمره سبع سنوات والثاني 4 سنوات والكل يشيد بتربيتي لهم >>ماشاء الله

    راح اقول لك شلون اتعامل معهم.. احب العب معهم وانطط كني طفله واركض واتخبى يعني احسسهم اني مثلهم احب اللعب>> والله احيانا يونسون ويوسعون صدري بدل ما انا اوسع صدرهم..:42:

    جيبي كراسه ولوني وارسمي معهم .. احكي لهم حكايات قبل النوم.. >>الغرض من كل هذي الاشياء عشان يحبونك ويتقربون منك ويسمعون كلامك

    في حكاياتك مثلا احكي قصة بنت ماتسمع كلام امها وكيف ربي عاقبها .. مثلا بنت طلعت برى البيت وصدمتها سيارة او جوها حراميه وخطفوها.. احكيلهم حكاية الطفله ابتهال ووريهم صورتها.. وقولي هذي البنت ماسمعت كلام ماما وربي عاقبها..راح تلقينهم يسألونك اسأله عن القصص ويتناقشون معك بالاحداث
    ترى باسلوب الحوار والقصص والمناقشات تقدرين تسيطرين عليهم بكل سهوله..سبحان الله الأطفال يتأثرون بشخصيات القصص..

    اشتري لهم سيديهات افلام كرتون العاب الكترونيه مجلات فيها صور وتلوين..
    علميهم على العاب مفيده مثل شد الحبل النطيطه الغميمه, حركه حركه ستوب,رمي الكور بالسله,وقوف جلوس, عدم الرمش,رسم الاعمى, لعبة الاوامر,اللعب بالباونات.. بالبداية العبيها معهم بعدين هم يصيرون يلعبونها لحالهم


    شجعيهم على تنميه مواهبهم مثل التلوين والرسم او الطبخ خليهم يسوون طبخات بسيطه مثل السندوتشات والكب كيك والعصيرات شجعيهم يساعدونك بترتيب البيت الكنس, تمسيح الزجاج,وغيرها من الاعمال الي تناسبهم
    سوي كل هذي الاشياء عشان تشغلينهم طول اليوم وتنسيهم بيت عمهم.. واوعديهم اذا صاروا مؤدبات آخر الإسبوع تطلعينهم الملاهي والي ماتسمع الكلام تجلس بالبيت ماتروح معكم وفعلا طبقي كلامك الي تشوفينها تعاندك خليها بالبيت عشان تتأدب وعشان خواتها يأخذونها درس لهم بعد..
    حبيبتي انتي اكسبيهم في البداية عشان يصيرون يسمعون كلامك.. اذا طبقتي الي قلت لك عليه بتستفيدين كثير ..منها يبقون معك بالبيت ..ومنها يتقربون منك ..ومنها يمارسون هواياتهم.. ومنها يتعلمون شغلات مفيده
    بس لاتحرمينهم من روحه بيت عمهم .. حرام .. عشان صلة الرحم وعشان ابوهم مايزعل ..حطي لوحه على باب غرفتهم وفيها مثل الجدول مقسم ثلاث خانات وكل خانه فيها اسم وحده.. وإلي تسمع كلامك وتصير مؤدبة حطي لها نجمه عند اسمها.. كذا بتشتغل المنافسه بينهم وانتي الكسبانه.. والي تجمع في اليوم اكثر النجوم هي الي تروح لبيت عمها ولاتتأخر فقط نص ساعة وترجع .. وا1ذا تاخت تحرمينها تروح مره ثانيه
    واذا مافاد معهم الحوار والإسلوب الزين لاتضربينهم ..احبسيهم بغرفه بس مو مع بعض ..كل حده بغرفه.. وان شاء الله ماتضطرين للحبسه..
    معليش حبيبتي كلامي ملخبط ومو مرتب لأني اكتب بسرعه
    بس اهم شي لاتهملينهم وتتعذرين ان ابوهم يخربهم عليك..
    والله قهر .. بهالسن ويمشون كلمتهم عليك ومو عاملين لك حساب!!
    الله يخليهم لك ويصلحهم
  3. عزيزتي خصصي يوم للخروج مع بناتك لاي مول منها يتمشون ويلعبون وانتي معاهم وخليكي قريبة منهم

    اجلسي معاهم وقصي عليهم قصص والله ينبسطون وشوفي معاهم افلام حقت الاطفال

    صدقيني بيتغيرون اذا صرتي منهم قريبة والضرب تراه مهب حل بل ينفرهم منك

تابعي تجارب أخرى من هذا القسم.