الله يعطيها ماتتمنى اللي تجاوبني

خخخخ ياحليلك والله ماذكر ولاعندي احد بالابتدائي ان شاء الله احد يفيدك يارب...بس ماتذكري وش بضبط نوع الطقوووس هذا يمكن احد يعرف لك طريقته

اللي اعرفه ان الدقوس

تحمسين بصل وبالخلاط تحطين طماطم وصلصله وفلفل حار وماجي والبهارات والثوم

وبعدين حطيه علي البصل وخليه يتسبك

اتمني اكون افدتك


وفيه اللي بالتمر الهندي (حمر)

تحطين عليه مويه وبعدين تاخذين مويته وتحطين معه طماطم وثوم شوي وليمون وملح وبالخلاط

جبيبتي انتي سعوديه انا اختي الصغيره في خامس وكتبنا تختلف عن كتب الخليج

سالت اختي الصغيرة تقول مو في المنهج يمكن سادس انتظري الين تجي السنه الجايه وتصير اختي سادس واعطيك الطريقه>>>>>>>هههههههههههههههههه امزح يالغلا والله تقولل مو عندهم بس رفع لعيونك

هههههههههههه الله يعينها ويعينك والله الوحام شين سبحان الله تتشهوى الوحده على شي غريب عجيب ولايرضيها اي شي بقولك موقف صار معي مره رحنا لجده ورحنا لسوق الصواريخ اذا تعرفينه المهم انا لو تقطعين راسي ماكل من اي مطعم ولااحب االمطاعم اساسا احب علي اكل البيت المهم وحنا نتمشي فيه واحد يسوي سندويشات كبده وبيض وجبن طبعا بعربيه ولا كلف نفسه يحط كشك قال زوجي وقفي هنا بروح اسحب فلوس من الصرافه وارجع وانا كنت بالرابع وقفت واشوف العالم تشتري بهبل والله كلمه حق تنقال شغله مره نظيف المهم جاء زوجي قال وش فيك تناظرينهم تبين اجيب لك قلت وع لا ان شاءالله قال انا بروح اخذ ببسي من عنده تبين قلت لاوالله ماشتهيه من عنده وهي يقال انه ببسي يعني ماله دخل فيه المهم ياطويلت العمر رحنا للشقه ومن بكرى بنرجع للرياض وقبل لانمسك الطريق وانا لي تقريبا احس اني معصبه قوه ونفسي بشي بس مادري وشو ويسال يقول وش فيك كذا قلت ابي شي بس مادري وشو مافيه مطعم الا عرضه علي وانا اقول لا مافيه نوع حلا ولا كاكاو الا قاله لي قلت لا دقت امي تسلم علي واقوله يمه ابي شي مادري وشو وانا خلاص دموعي تنزل على خدودي بس بدون صوت تقولي شوربه قلت لا قالت حنيني ههههههههه مبهذلتها بهالطلبات قلت لا قالت شي انا اسوي قلت مادري قالت امس وين رحتوا قلت له سوق الصواريخ وخلان زوجي يمكن ساعه عند العمال وانا حتى الجوال نسيته بالسياره طبعا زوجي يسمع قالت شريتي شي قلت ايه ايه ايه يمه الله يجزاك الجنه ابي كبده وبيض من الرجال الي بالسوق انا اول مره اسمع زوجي يضحك كذا قلت لامي يالله باي بقوله يودين هناك وامي تقول بلا امراض تعالي انا اسوي لك المهم قفلت الخط من امي واقوله يالله على طول تودين للسوق يقولي بعيد قلت مو شغلي يقولي امراض قلت ماماتوا هالعالم الي تاكل منه اول مره اتمسك بكلمتي يقول اجيب لك كبده من اي مطعم قلت لا بروح هناك مابيه الا من ايده المهم رحنا قالي خلك بالسياره قلت لابنزل
وصلنا للعربيه واقوله ابي كبده وبيض يقولي شوي ماخلص قلت لابسرعه هالحين يالله قال اصبري فيه رجال قدامك قلت انت ماتسمع ابي هالحين يعني هالحين بكم هي بريال خذ 10 خذ 20 الرجال الي ينتظر دوره يناظر مستغرب وهو يقولي ياختي هي بريالين ولا ابغى غير ريالين قلت طيب بسرعه يقول زوجي انربط اللساني ودي اسكتك عجزت المهم سوالي السندويشات واخذ من عنده شاني واعطي زوجي الكيس وافك السندويش واكل بشكل غريب قلت بصوت عالي يالله على الطعم روووووووووعه ونركب السياره وانا اصيح واكل قلت والله طبخه يجنن واصيح واكل زوجي يقولي الحمدلله خبله قلت ايه خبله قل الي تبي بس هالحين اسكت ابي استمتع بالطعم


طولت عليك بس والله تذكرت الطلبات الغريبه وهالحين انا باخر التاسع وبعد ماتذكرت السالفه اشتهيت كنافه بروح اسوي لي كنافه باي