شاركي في النقاش

سجلي الدخول لإضافة تعليق.

التعليقات

1,414
  1. @hbh_aabd_alaathym

    عارفه يا احلام انا عرفت الصفحه دى من حبيبه عمرى وصديقتى ريهام هى دخلت مرات قليله واظن اكثر اصحابها سكره هانم وكنت داخله بتفرج عليكم من بره انا بعرف المنتدى من اكثر من سنه تقريبا وعمرى ما شاركت بس لما دخلت عندكم حسيت من جوايا انى عايزه اشارك

    فى فتره كنت حاسه انى بهرب من الناس الوحشين الى فى الدنيا للناس الحلوين الى فى النت الى مش عايزين من بعض حاجه

    وده كان اساسا راى فى النت من رؤيتى لناس بتضع عصاره خبراتها وكتب بمئات الجنيهات لاستفاده غيرها وبدون اى مقابل ماعدا كلمات الشكر والتشجيع.

    كان نفسى نبقى هنا مش هناك

    يا الف خساره

    بصى انا هستعمل جمله واحده انا حسيت بيها اوى فى كلامك اننا زى كوب كريستال واتكسرنا


    ده بالنسبه لشعورى صح اوى يا احلام

    بالنسبه بقى لصورك والتعليق عليها

    بالنسبه لى انا انا لقيت حب غامر من اكثر من حد وحتى لما كنا بنكلم بعض بالتليفون تحسى الاصوات بتحضنك كده كلهم بصراحه كل الى اتكلمت معاهم وده كان الى مقعدنى لغايه دلوقتى وطريقه كلامى الى ضايقت الناس كانت غيره على الحب ده حمايه ليه

    بس انتوا راسكم والف سيف تهدوه

    عموما ما فيش فايده


    انا بشكر كل الناس الحلوه اوى وبقول ما فيش حظ معلش لما ارجع بقى للناس الى بره يظهر ان ما فيش فرق


    مش عايزه خلاص
  2. @hodhoda

    ازيك يا نودى وحشانى بشكل لا تتخيليه
    اؤيدك فى كل كلامك
    ولن ازيد تسلم ايديك
    ومشكورة على وقتك ومجهودك اللى بيدل فعلا على انت اد ايه حريصة على استمرار علاقتنا والا ما كنتيش تعبتى نفسك فى الكتابة دى كلها


    كهرمانة
    مااقدرش اقولك غير انى بحبك مووووووووووووووووت
    وكتر الف خيرك انك حسيتى بيه كدة قوى
    واؤيدك فى رايك

    سندريلا
    ربنا يفرجها عليكى يا رب. هاتفضلوا تغيظونا كدة بكلام دون اللى تحذف طيب قولوا لنا شوية منه
    يعنى ساعة ما جيتوا للكلام المفيد واللى ممكن يريح قلب اى واحدة فينا بتمر بنفس تجربة سندريلا او باى ازمة مشابهة حذفتوه وسيبتوا لنا صباح الخير ومساء الفل!!!!!!!!!!!!!!
  3. @roshana

    السلام عليكم
    احب اشارك فى التصويت معكم
    انا مع تقسيم الصفحات
    لانى حسة دلوقتى انى تايهة فى الصفحات
    اول ما رجعت للنت تانى كنت متشوقة جدا انى ارجع اشارك فى الصفحة الجميلة دى والموضوع الرائع اللى بيجمعنا بنات وسيدات مصر مع بعض حتى لو ما كناش كلنا عايشين فى مصر بينا كتير مغتربات وبيحسوا فى الصفحة دى انهم فى مصر بين اهلهم
    لكن للاسف ماعرفتش اشارك
    ااقولكوا السبب زمان اول الموضوع لما ابتدى ودعتنى للمشاركة فيه مروة
    كنت لما ادخل كل يوم اخر النهار مثلا على النت الاقى الموضوع زاد صفحة 2 3 بالكتير ف كنت بقدر اقراهم وارد على كل اللى فيهم بقدجر الامكان وعلى حسب معلوماتى عن الاسئلة اللى اتسألت
    دلوقتى كل يوم ادخل الاقى الموضوع زاد 20 30 صفحة وانا لظروفى ماعنديش وقت كافى انى ااقعد ااقرا كل الصفحات دى اللى بيبقى معظمها chating
    عشان اشوف فيه حد ليه طلبات او اسئلة ااقدر ارد عليها
    مش معنى كده ان قصدى ان chating وحش او يبقى معاملتنا اسئلة ورد اجابتها وخلاص
    لكن قصدى يبقى هدف الصفحة الرئيسى استفسارات طلبات مع طبعا الردود الظريفة الخفيفة اللى بينا على خفيف
    عشان الناس اللى زى اللى ماعندهاش وقت كفاية تقرا كل الكم ده من الصفحات كل يوم وماعندهاش فرصه انها تقعد على النت طول اليوم
    ده هو بالكتير ساعة ولا 2 لو قدرت

    ف راي زى ماقولتلكوا يبقى فيه موضوعين
    الموضوع يرجع زى ماكان فى اول جزء
    وموضوع تانى لل chating
    البنات والسيدات اللى عندهم فرصه يقعدوا على النت معظم اليو م ومتابعين على طول الى بيتبعت ويردوا فى ساعتها
    ان كان برضه شايفة ان فكرة تجميع المايلز وعمل غرفة شاتينج فى ماسنجر فكرة لطيفة جدا
    ده اذا كانت ادارة المنتدى هاتعترض على فتح موضوع لل chating

    ارجو ان مايكونش حد منكم اتضايق من كلامى او راى
    انا ماقولتش الكلام ده الا من حرصى على استمرار الموضوع
    والموضوع مش هايستمر الا اذا كان كل الناس المشاركين راضين نفسيا عن قواعد وسير الصفحة

    وانا ملاحظة ان فيه ناس كانت بتشارك كتير فى الاول وقلت مشاركتها مع الوقت وشبه انعدمت
    احتمال بسبب ان يكون ظروفهم زى ظروفى واحتمال يكون عندهم اسباب تانية

    المهم اننا نحاول نرضى الجميع ونراعى ظروف الجميع


    معلش طولت عليكوا
    مرة تانية بكرر يا ريت ماحدش يضايق من كلامى

    وشكرا
  4. @pious_heart

    أحلام عصفور
    ممكن سؤال حد فينا فيه البراءه ده ورحمة والمحبه ده والرزانه والهدوء والروح الرياضيه ده ومأظنش ان ده موجود بينا أبدا
    السلام عليكم :26:
    صباح الخير عليكم جميعا.... :26: :26:

    انا يا سندريلا الجميله ........ دودو من الاسكندرية ومعلش ح أدلع نفسى شوية محاسبه ومش متزوجة ولا مخطوبة دعاوتكم بس من غير شحاته والله :)

    وانا مع رأى la rosa فى أنه لا داعى للغرف الخاصة لأنها ممكن تفرق شمل الصفحه وخلينا مع بعض وأن كان الملف الخاص بالايميلات مهم كمان علشان يزود تعارفنا اكتر ويقربنا اكتر من بعض وخصوصا انى لسه لغاية دلوقت تايهة شوية ومش عارفة اجمع الموضوع بالكامل لدرجة انى كل يوم الصبح اقوم من النوم على الموقع على طول واخده صفحه صفحه وقسم قسم :(

    والف الف سلامة على هنا ويوسف ربنا يحميهم لأهلهم يارب ويتم شفاهم واهلا بكل الأعضاء اللى على الموقع وخصوصا الأسكندرانية بنات بلدى :2thmup:

    بس عندى ملحوظه صغيرة مش عارفه ح تقبلوها منى ولا لأ عموما انا ح اقولها والأرزاق على الله :rolleyes: ..... طبعا لذيذ جدا اننا نناوش بعض ونهزر ونهرج ماحدش واخد منها حاجه وكمان لذيذ جدا ان يكون فيه ديمقراطية وكل واحده فينا تعبر عن رأيها لو فيه حاجه مش عاجباها بس ياريت نتحكم فى مشاعرنا واحنا بنكتب او بنعبر عن رأينا لان احيانا بيكون فيه الفاظ وكلمات حادة جدا اعتقد انها بتكون غير مقصودة بالمعنى نفسه ممكن تخللى الحوار ياخد شكل تانى تماما والكل يزعل واحنا ما صدقنا نلاقى مكان يجمعنا ويكون لينا واحة هدوء واسترخاء فى أى وقت ومن أى مكان فأتمنى اننا نحاول نتحكم فى مشاعرنا شوية ونريح بعض علشان تعم الفائدة علينا جميعا .
    :27:

تابعي تجارب أخرى من هذا القسم.