شاركي في النقاش

سجلي الدخول لإضافة تعليق.

التعليقات

3,327
  1. @hya_nnshr_alkhyr

    بجد ربنا يخليكى ليا يا إشتقت .. متتصوريش كلامك ريح بالى إزاى
    وخصوصا موضوع الذاكرة الحديدية ده ...تخيلى إن أغلب الدكاترة اللى كنت بروح لهم
    لما كنت بدخل و أقعد قدامهم كانوا بيفضلوا يبصولى و متنحين !! منتظرين إن أنا اللى
    أبدأ أفكرهم بنفسى ! مع إن أخر زياره ممكن تكون فات عليها إسبوعين بس

    أما مشوار وسط البلد فكأنك بتتكلمى عن جوزى بالظبط .. عنده إستعداد يسوق مسافات طويلة جدا لكن
    فى طرق مفتوحة لكن زحام و إشارات وسط البلد بتبقى زى الهم على قلبه

    بجد متشكرة جداااا يا إشتقت وربنا يرزقك ويرزقنا جميعا بالحمل السليم عن قريب جدا ياااارب :26:
  2. هيا ننشر الخير
    أشكرك على ذوقك يا إشتقت .. وسبحان الله كل شئ بأوآن , تعرفى إن ماما بقالها سنه بتقولى فى دكتور شاطر جدا بيجى فى التلفزيون إسمه عادل البيجاوى وكانت عايزانى أروح له و أنا رفضت وقولت لها ده بعيد جدا عليا لأنى ساكنة فى مصر الجديدة وأنا بقول بين…
    :26: ... هيا ننشر الخير .... ايه رأيك نختارلك اسم سهل ... ايه رأيك فى خيره بتشديد الياء ... بالنسبة للمندوبين انا حرمت خلاص اديهم ودانى ولو قالولى ايه بالذى ... توبة توبة توبه
  3. ام انس 2006
    تاني مرة عشان البيه لو مفهمش الحق عليه آآآآآآآآآآكشن حبيبة قلبي ازيك وازي انوس كلامك مع حزن يا ريمو حسيت انك بتكلميها وصوابعك هتدخل في عيني ههههههههههههه هي الدكتور قال لها العلاج خدته لا فيها تجميد قلب ولا ما ضعفتش ولا حاجة زي…
    انا اللى عايزة اقوللك ان اللى انتى عملتيه ده يبقى كلاكيت تانى مرة يا ام انس ...
    انتى تانى مرة تفكرى بالشكل ده وتقولى لى اصلى حسيت انك بتوجهى الكلام ليا .. ولما حصل قبل كده قولت لك ان ده مش اسلوبى ومع ذلك انتى بردة بتعيدى الحوار تانى مرة اهه ..
    انا مش فاهمه ايه اللى كل مرة بيخليكى تاخدى الكلام على نفسك يا ام انس !!!!!!!!!!!!!!
    وبعدين مانا كذا مرة شجعت كذا بنت على انها اخدت العلاج وبدأت تمشى صح ومش لوحدى لا كلنا بنشج بعض وبنقول لبعض نفس الكلام اشمعنى المرة دى انتى ربطتى نفسك بكلامى لحزن؟؟؟؟؟؟
    يا حبيبتى وانا ايه هيمنعنى انى اوجهلك الكلام مباشرة واقوله لك فى وشك على طول؟؟
    مش كده هيكون لمصلحتك اكتر ولا ايه .. وايه اللى هيخلينى الف وادور علشان اوصل لك رساله من بعيد لبعيد كده ...!!!!!!
    وبعدين انا عملت ده معاكى امتى علشان تبقى متوقعاه منى على طول الخط كده يا بنتى !!!!!!
    مش عارفه يا ام انس انتى ليه كل مرة تقولى كده بس انا بجد مش هعلق على الموضوع ده تانى معاكى خلاص

    :(
  4. رمـــــال
    حبيبتى زينب تسلم اياديكى ورموش عينيكى يا جميل .. يارب عقبال ما اجيب طقم السبوع لابنك يارب بس يا خسارة الطقم الحلو ده هيطلع كبير مفيش مقاس اصغر .. :p
    معلش يا شباب لما دخلت اخر مرة معرفتش اكمل كلامى لباقى البنات لان الانترنت فصلت فا محدش يقول انى نسيته والله كنت كاتبه الردود على كل البنات وهبعتها دلوقتى
  5. oxygenatom
    رمال .... والله انتى بنت حلال ... نوادر واى نوادر يا بنتى كفايه اللى حصلى عندكم فى القاهرة لما جيت اتفسح عندكم .. اما بالنسبة للتحليل الاخير . حيظهر النهارده الساعة 8 باليل وانا خلاص اعصابى استريحت الحمد لله ... انا حلمت ببطوتين صغيريين و…
    يا خراشى يا اوكسى .. انتى فقر يخرب عقلك يعنى تيجى مصر والاخت دى ما تلاقيش غيرك دونا عن باقى الناس وتوقفك وتقوللك الفيلم الهندى ده .. انا عايزة اقوللك تقريبا كل ما بخرج انا وزوجى يطلع لنا حد من العالم دول ويوجع نفوخنا ولاننا عارفين القصه هتنتهى ازاى وعلشان زوجى مؤدب مبيحبش يحرج حد بيفضل يسمع للأخر منه علشان مش يكسفه وبعدين يقول له شكرا .. بس هقوللك ايه الغريب اعمى ولو كان بصير بردة .. واتحملى زوجك بقه علقه تفوت ولا حد يموت .. ومش بقوللك انا عارفه انك هترجعى بنوادر وحواديت فكاهيه واهه تخمينى صح
    :p
    ويارب يا اوكسى التحليل يكون نورمال وكويس يارب

تابعي تجارب أخرى من هذا القسم.