وش رايكم باللي تطلبه مني شغالتي
عندي شغاله لها تقريبا سنه واربع اشهر بصفه عامه هي كويسه والحمدلله ايام العيد دقت على زوجها كذا مره بتعايد عيالها بس الجوال كان مغلق المهم كنا عندي امي طلبت مني ادقلها على زوجها ودق وكلمته وبعدين جابت لي الجوال والوجه معفوس ومتغير مره انا بالبدايه ماعطيت الموضوع اهميه لين قالولي خواتي تراها تبكي عاد وشبكت معها شغالة اختي انا ماتعلمني عن امورها بس خواتي اسالوها قالت غير رقم جواله ولاعطاها خبرعنه المهم رجعنا للبيت وان المره غير تزيد حالتها سوء واكلم اختي علشان تسال شغالتها قالت شغالتها يمكن ان زوجها متزوج عليها عاد بعدين شغالتي طلبت مني تشتري لها جوال تقول بتكلم عيالها وخذوا بالكم اني سالتها وش فيها وعيت تعلمني عن اي شي وقلت لزوجي ورفض فكرة الجوال يقول تشتري بطاقات وتكلم من جوالي وتبون الصراحه اني معه مااحب يكون مع الشغاله جوال ومادري وش رايكم