شاركي في النقاش

سجلي الدخول لإضافة تعليق.

التعليقات

3,327
  1. معلش يا بنات أنا مش عارفه أدخل كتير هقولكم ليه بعدين
    المهم أنا هرد على أوشي بسرعه وليه عوده قريبا إن شاء الله

    أوشي يا عسوله أنا بصراحه بشجعك على الربط لأنه أمان ليكي وللبيبيهات من أي شيء مفاجيء لاقدر الله
    بس لازم تعرفي حاجه الربط متعب يا حبيبتي
    بس أنا رأيي إن حتى لو متعب كله يهون في سبيل الحفاظ على البيبيهات
    أولا يا يت تقري عن الربط كتير
    ثانيا بصي يا ستي هو طبعا بيتعمل ببنج كلي بس بيبقى بسيط قوي ميأثرش إن شاء الله عليهم
    والعمليه بتاخد حوالي تلت ساعه أو نص ساعه بالكتير قوي
    لكن بعد العمليه بتحسي بألم جامد شويتين هما طبعا هيدوكي مسكنات بس الألم ده هيستمر معاكي كام يوم كده أنا قعد معايا ثلاث أيام كاملين مكنتش بتحرك من على السرير من الوجع وحتى الحمام كنت بدخله بالعافيه
    وبتحسي بإحساس غريب كأن المنطقه اللي تحت ده مشدوده أو مش متظبطه
    بس هما إن شاء الله التلات أيام دول وبعد كده كل حاجه هتتظبط واحده واحده بإذن الله وبعد كده متحسيش بحاجه بإذن الله
    وخلي بالك الربط المفروض بيتفك على أول الشهر التاسع وبيتفك من غير بنج
    طبعا أنا فكيته مع الولاده فمش هعرف أقولك حاجه عن الفك
    وعلى فكره أنا لما عملته كانت كل حاجه عندي الحمد لله تمام وعنق الرحم كان قياسه كويس برده ومكنتش محتجاها وعملته للإحتياط وعلشان أبقى أخذت بكل الأسباب وصليت إستخاره قبلها
    وإن جيتي للحق حسيت إنه الحمد لله نفعني وقت وفاة البيبي الأول لأنه كان ممكن لاقدر الله ينزل وياخد البنت وراه لكن الربط الحمد لله ساعد إن الجنين المتوفي يفضل جوايا لحد نص الشهر التاسع

    المهم إنت بس صلي إستخاره كتير قوي وتوكلي على الله وإعملي اللي ربنا يهديكي ليه
    وربنا يا قمر يكملك على خير بإذن الله ومتتعبيش خالص
    وطمنيني عليكي أول بأول يا كتكوته
  2. اشتقت اليك
    أوكسى... أنا خليتك على جنب علشان أرد عليكى بروقان... طبعا كلامك جميل..لكن برده شامم فيه ريحه مش عاجبانى.... بصى يا قمر ...النسبة ديه على ما اعتقد كويسة أوي...ده لو بال ng/ml....لانه أصلا من 0.3 - 5 و الحمد لله أنتى بعيدة عن الحد الأدنى بمع…
    بنات ... اشوفكم بكره ... ان شاء الله

تابعي تجارب أخرى من هذا القسم.