شاركي في النقاش

سجلي الدخول لإضافة تعليق.

التعليقات

3,327
  1. @ashtkt_alyk

    المشتاقة لمكة
    أودعكم كما تودع الأوراق في خريفها الشجر فما عادت الحياة لى سعيدة وماعادت كما بالامس ضجر أفيق من غفلتى.. أريد لقائكم ولكن يأبى القدر الا ان يفرق حبيباااااااااااااااااااااااااتي بهذه الابيات الشعرية رايحة اودعكم بس ليا عودة بعد شهرين تق…
    حبيبتى مشمشة....
    بجد أول مرة اكون مش لاقية كلام أقوله......
    أنتى بجد غالية أوي على قلبى....فوق ما تتصوري و فوق ما أي حد يتصور.....
    و متتخيليش كلماتك بالرغم من ان فيها وداع و بعد ..بس أسعدتنى لأنها مليانة أمل..
    أنتى عارفة إنى من ساعة ما عرفتك و كل اللى باتمناه كان ان نبرة الحزن اللى جواكى ديه تقل لحد ما تنقشع تماما.....
    و كل لحظة ألم كنتى بتمري بيها كانت بتوجعنى أنا كمان....
    الحمد لله يا حبيبتى إنك عرفتينا و عرفنكى...أنتى نعم الأخت....و قلبك من دهب و تستاهلى كل الخير....
    تروحى و ترجعيلنا بألف مليون سلامة....و يا رب يشملك برحمته و كرمه و يرزقك من واسع فضله ..و يعوض تعبك و صبرك كل خير....
    و يا رب يخلف ظنك و ظن كل الدكاترة .....و ترجعيلنا بأحلى الأخبار.....
    يا رب ..يا ودود...يا مغيث يا أرحم الراحمين....قر أعين أختى المشتاقة لمكة بالذرية الصالحة ....و أصلح أحوالها و أحوال المسلمين أجمعين......

    طبعا مش هأقولك هتوحشينى....لانى حتى لو رحتى المريخ برده هاطولك.....لكن فعلا هتوحشنى طلتك هنا فى التجمع...و هتوحشنى كلماتك...اللى كلها رقة و جمال و طيبة .....
  2. اشتقت اليك
    حبيبتى مشمشة.... بجد أول مرة اكون مش لاقية كلام أقوله...... أنتى بجد غالية أوي على قلبى....فوق ما تتصوري و فوق ما أي حد يتصور..... و متتخيليش كلماتك بالرغم من ان فيها وداع و بعد ..بس أسعدتنى لأنها مليانة أمل.. أنتى عارفة إنى من ساعة ما عرف…
    السلام عليكم ورحمة الله وبركاته

    اولا وحشتوني جدا جدا جدا وبعتزرلكم جميعا عن عدم دخولي وقلقتكم عليا بس انا الحمد لله بخير بس كان عندي شوية ظروف منعتني من الدخول الفترة اللي فاتت خالص ، لأن والدي كان بيعمل عملية وكانت نفسيتي مش ولا بد بس الحمد لله والشكر لله عدت علي خير

    ثانيا بالنسبة لأخباري انا أجلت العملية للشهر اللي جاي لأني أولا كنت حاسة اني مش مستعدة نفسيا ، وكنت سمعت برده قبل كدة ان المبيض بيكون تعبان لو دخل عملية علطول من غير اي راحة

    وفي نفس الوقت عندي كذا مناسبة خلال الشهر ده وطبعا مش هينفع اعتذر نهائي وطبعا انا عايزة اقضي فترة ما بعد ترجيع الأجنة في البيت

    فروحت المركز اخر ايام العيد وقابلت د هاني وكنت المفروض اخدت حبوب منع الحمل وكنت هبدأ في القن التحضيرية بس طلبت منه اني لو ينفع اجلها الشهر اللي بعده للظروف اللي ذكرتها بالنسبة للمناسبات اللي عنده فقالي مفيش مشكلة مش هتفرق من شهر
    وكنت سألته بالنسبة للأندو انها ممكن تتجمع تاني ، فكان عملي سونار قبلها وقالي انها فعلا بدأت تتجمع علي المبيض اليمين بس حاجة بسيطة والمفروض حبوب منع الحمل بتحجمها شوية بس طبعا مش بتمنعها ، وشهر واحد مش هيفرق كتيير

    وكنت صليت استخارة وانا مرتاحة دلوقتي لقرار ده جدا

    دي كل اخباري بس يا ريت تدعو لوالدي بتمام الشفاء يا رب

    سلامي ليكو جميعا وليا راجعة تانية ان شاء الله

  3. مشمشتى حبيبتى عيونى دمعت والله وكانى معاكى وهتبعدى عنى شوية
    ربنا معاكى وترجعيلنا يارب باحلى خبر ربنا يرزقك ويكرمك ارمى حمولك على الله وان شاء الله كل حاجة هتبقى تمام
    كلامك اثر فيا جدا وعلى امل ان الايام تعدى بسرعة وترجعى تنورى معانا من تانى انت اللى بجد معنى للطيبة والعطاء كفاية بس حبك لينا اللى كلنا حاسيناه معاكى تروحى وترجعى بالف سلامة
    وفى الاخر يابنات استودعكم الله الذى لا تضيع ودائعه
    ادعولى وانا هحاول ادخل اطمنكم ان شاء الله بكرة لو حتى من الموبايل لانى احتمال ابات يوم فى المستشفى
  4. ازيك حببياتى فى الله اخباركم ايه باحول اقرا شويه من اللى فاتنى
    اخبارى بدات جلسات علاج طبيعى لظهرى و رقبتى
    وربنا كريم
    و طمنونى عليكم كلكم
  5. الهدى والنور
    ازيك حببياتى فى الله اخباركم ايه باحول اقرا شويه من اللى فاتنى اخبارى بدات جلسات علاج طبيعى لظهرى و رقبتى وربنا كريم و طمنونى عليكم كلكم
    طماطم ..
    الف سلامة على حماكى يا حبيبتى شفاه الله وعافاه .. بس متتأخريش علينا ابقى طمنينا وما تقلقيش مامتى عملت القسطرة قبل كده .. العملية مش كبيرة وهيقوم منها بالسلامة على طول بأمر الله
    زينب زوزة ..
    شكرا يا حبيبتى على سؤالك علي انوس .. والله يا قلبى انا بتابع مع دكتور كويس بفضل الله وبثق فيه جداااا انتى عارفه بقه احنا بقى عندنا مناعه خلاص ضد الدكاترة النص كم وبنعرفهم وبنعرف نطلعهم من وسط الف خلاص .. دعواتك انتى بس الموضوع ما يطولش بزياده عن كده لانه فعلا تعبان ومش فى حل غير اننا نصبر لحد ما المعدة تتعود على النظام الجديد
    ام اياد ..
    تخيلى انا كنت فاكرة انى كتبت لك امبارح مشاركة ليكى بقول لك فيها سلامتك ولما دخلت لقيت نفسى مش كتبت لك حاجه شوفتى التوهان اللى اختك فيه .. عموما يا قلبى شفاكى الله وعافاكى لابأس طهور ان شاء الله بس انتى خدى اى حاجه للبرد يا حبيبتى ودفى نفسك كويس الفترة دى ..
    القاهرة هتنور خلاص يوم الخميس اهه مستنيينك

    اوشى ..
    حبيبتى يارب تقومى بالسلامة انا قلقت عليكى بعد كلام مسلمة بس يارب متكونيش قريتى الكلام علشان مش تتوترى قبل العملية ..وابقى طمنينا عليكى بعدها متتأخريش علينا
    توتا ..
    اخيرا يا حبيبتى طمنتينا عليكى انا كنت هتجنن من القلق عليكى بجد ياريت قبل ما تغيبى تانى تبقى تدينا كلكس .. الف مليون سلامة على والدك يارب يكون دلوقتى بخير وبصحه وعافيه وربنا يبارك فى عمره يارب وفى صحته يا حبيبتى .. وطالما اجلتى العملية للشهر الجاى ياريت يا توت تاخدى لك يومين فى اى مكان تغيرى جو لانك بقالك فتره فى دوامه ياحبيبتى وعلشان تدخلى على العمليه الجاية وانتى نفسك مفتوحة ومعنوياتك عاليه .. يارب يكرمك يا توت يارب ويرزقك الذرية الصالحة يارب انتى وكل البنات

    ودااااع ..
    شفاكى الله وعافاكى يا دودى خلى بالك من نفسك كويس
    وبالنسبه للصبغه يا حبيبتى كل اللى عملوها قالوا انها سهله وبتتعمل ببنج كلى وهتقومى بعدها على طول ولو فى وجع هيبقى زى بتاع البيريود وبتاخدى له مسكن كمان يعنى بسيطة خالص
    وحمدالله على سلامتك من الحج ونورتى مصر يا قلبى

تابعي تجارب أخرى من هذا القسم.