معليش كتبت على جزئين خفت الي كتبته يمسح ويضيع تعبي
لما جيت وقالت لي ان كان فيه واحد يلاحقني وارسل لي رقمه كانت مبسوطه مره انا صعقت بكلامها والله يابنات ماخبرت منها الا الخير ما عهدتها الامصليه مسميه مالها بهالامور ابد ....
من عرفتها ماعمرهاسوت اي حركه تشككني فيها ولا تخليني ارتاب بامرها....
المهم انا قلت لازم اشوف حل لها قبل لا تظيع نفسها وتبدا بطريق الله اعلم وش نهايته..
قلت وانتي الحين احرقتي جوالي عشان هالي مرسل لك رقمه كنك مراهقه الحمد لله بس....
قعدت تظحك وتقول الا انتي وش وداك الحمام هالحزه...
طلعنا من المركز وقالت لسواقها يمر على محلات الجوالات..
ونزلت واشترت شريحه مستعمله بدون اسم و رجعت للسياره وركبت الشريحه بجوالها..
يوم هاوشتها قلت انتي الحين مصدقه من جدك تسوين كذا ماتستحين على وجهك؟؟
وماتخافين ربك؟
انتي حرمه كبيره ومتزوجه!!
قالت :هذا مثل رجلي مخلي زوجته وجاي يطارد الحريم ابكلمه انصحه..
قلت تلعبين علي انتي ولا تلعبين على نفسك؟
مايحتاج تنصحينه هو داري ان هالشي خطاء,بس الشيطان شاطر..
المهم دقت عليه وقعدت تتكلم معه وهو طبعا بدا يرمي شباكه ويقول لها انتي حلوه ولفتي نظري اول ماشفتك ومن هالحكي!!
وهي طبعا انبسطت وقعدت تساله ليه انت تخون زوجتك انت زي رجلي ومدري كيف..
يوم سكرتها تهاوشت معها وكبرة المساله بينا.
قلت لها خافي ربك الله قادر عليك باي لحظه وفكري ببناتك وعيالك وسمعتك
انتي محاسبه اكثر من المراهقات وقليلات العقل...
هي لما شافتني ماطاوعتها وهددتها اني اتركها سكتت ماعاد علمتني بشي
وكل ما اسالها تقول لا ما عاد كلمته..
وانا ملاحظه عليها تصرفات مريبه جدا,,
احترت وشلون اعرف هي عقلت ولا لا؟
قعدت اتكلم معها بهالمواضيع وقلت لها تتوقعين ان الي يخونها رجلها معذوره بخيانته هي بعد
او ان خيانته مبرر لها؟
وقعدت استدرجها لين اكتشفت انها على علاقه معه:eek:
وقررت اني احاول انقذها من غير ما اقسى عليها عشان ماتخبي علي..
واكتشفت انها ما اكتفت به لا
بالعكس قامت تاخذ ارقام وتبحث عن الي اسلوبه يناسبها وكلامه يعجبها..
وماكانت واضحه معي مره كانت تقول لي بعض الاشياء على حذر شديد
ومره من المرات قالت لي انها متعرفه على شاب صغير بالسن بالجامعه آخر سنه!!
وانه محترم مرره وخلوق وقعدت تمدح فيه ثلاث ساعات.!!
قلت متى عرفتيه ..
قالت من اسبوع
قلت وعرفتي كل هالحكي من اسبوع
قالت واكثر سنه صغير بس عقله اكبر من عقل رجلي بكثير
قلت لايصير من هالمبزره الي يهددون الوحده ويمرون حيااتها وش تبين به انتي..
قالت تكفين بطلب منك طلب::
واذا تحبيني لا تردينه..
قلت آمري اذا اقدر انتي عارفه ماراح اتردد..
قالت ان عنده حفله ديجيه يوم الخميس
ويبيني اجي ويحلف ويقسم انه ماراح يلمسنا وماراح يخلينا نكشف لو احنا ما نبغى!!!
(صارت مصارحتني عشان اجي معها)
انا صعقت من طلبها هذا قلت انتي طالبه رقم خطاء حبيبتي..
وسكرت بوجها رجعت تتصل وتترجاني
واصريت اني ارفض.. وانتقدتها واشتد الكلام بيننا وهددتها اني اتركها للابد..
سكتت ماعاد جابت لي طاري
يوم الخميس الي فيه هالحفله كلمتني وقالت لي انها معزومه عند جارتها طالعين هي وخواتها استراحه وجايبين صديقاتهم وحاطين عشى وديجيهّ!!
استغربت مررره ماعمرها راحت لهاالاماكن ولا طرت لي هالحكي..
وقالت ان رجلها مرره متظايق ويقول لها ما احب هالحفلات ومافيه روحه
حاولت تقنعه بشتى الطرق واصرت انها تروح
المهم رجلها كان عنده استلام بعمله..
راحت للحفله وراحت قبلها لكوفيره واشترت فستان خاص .. واستعدت لها استعداد فضيع..
ولما رجعت ماعاد كلمتني عنها
بالعاده هي ماتخبي علي شي تقول لي تفاصيل روحاتها وجياتها!!!
بس هالروحه ماكانت تجيب لها طاري
المهم قلت لها وش اخبار عزيمتك بعد كم يوم وانا انتظرها هي تتكلم وتقول لي عنها!!
قالت زينه بس ان رجلي جاني وقال لي انا خلاص ماعاد ابيك واطلعي عن غرفتي لا تنجسينها يالوسخه
ولاعاد عمرك تفكرين اني ارجعك
واحسن الله عزاك فيني اعتبريني ميت بالنسبه لك وانا ابطلقك بس اصبري اببيع هالبيت واشتري بيت مقسوم آخذ قسم واخليك انتي وعيالك بقسم....
وانالولا سمعة عيالي وسمعتي كان ما اخليك ببيتي لحظه..
قلت اوووف وش هذا كله ليه انتي وش مسويه
قالت كله من حفلة الخميس
المهم قعدت لها اسبوعين وهي مطروده من الغرفه وهو مايكلمها ابد ومايطالعها بعينه
تعبت من الصياح والتشكي وكانحال عيالها يقطع القلب عيالها يتشكون على عيالي
ولدها بثالث ثانوي ويفهم كان مرره متاثر..كانه حاس
قعدت انصحها تعقل وتحاول ترجع رجلها وتربي عيالها حرام هالي تسويه فيهم هي وابوهم بس مافيه فايده..
كان ولدها يدق عليها احيانا وهي برا البيت ويقول لها يمه انا طفشان حاس بظيقه..
وانا يتقطع قلبي
المهم اكتشفت انها تكلم وعلى علاقه مع كم واحد ومره بالسوق طالعين انا واياها مادريت الاهو جاي وطالعه معه
ساعتين وزياده..
يوم شفت ان الوضع خلاص ماعاد ينصبر عليه
اخطات خطاء كبير وخذيت رقم جوال رجلها ودقيت عليه
قلت له السلام عليكم
ابو فلان؟ قال نعم من معي قلت انا ام فلان صديقة زوجتك قال حياك الله
قلت انا ما ابي اتدخل بحياتكم واحشر نفسي بخصوصيااتكم..
بس والله انا راحمه عيالكم وابي انصحكم تلمون الموضوع وتخلون عنكم المشاكل ووجع الراس
مهيب حاله هذي هي تشك فيك وانت تشك فيها؟؟
قال من قال لك اني اشك فيها انا متاكد تماما انها خاينه..
قلت كيف تاكدت؟
قال اساليها من الشاب الي نزلها الخميس من سيارته الساعه اربع الفجر وهي كانها شاطره بترد عليك؟؟:eek:
خوي صديقتي يهددني بالانتقاام!!!
متابعة النقاش، صفحة 2