خوي صديقتي يهددني بالانتقاام!!!

كملي سترك يارب

ياااااااااااارب لاتبلانا

قلت استغفر الله العظيم ان بعظ الظن اثم مايجوز لك هالحكي
وانت عارفها رعية صلاة وصيام ومافوتت الصلاة بالمسجد بهالرمضانيه ولايوم

والمره عاقله وتنحط عالجرح يبرا
خل عنك شكوكك هذي بتخرب بيتك وتخليك شماته انت وعيالك
لو طالت السالفه بيكبر الموضوع وبيدرون الناس لان مافيه شي بهالزمن يخى ابد مهما كان بيطلع حكي وانت عنك ثلاث بنات وتخاف اكيد على سمعتهم بكره لو طال الحكي والله محد يبيهم ان يطيحون بمبدك

وعيالك بكر مايقدرون يرفعون روسهم بالمجالس
ان يصيرون مساكين ملطشه انت عارف مجتمعنا مايرحم...
وكثرت عليه من اللوم والنصح واستغليت عياله في الظغط عليه
وقلت له هذي ذنوبك هي الي مخليتك تشك فيها كذا
قال هي وين رايحه الخميس
قلت رايحه لفلة جارتها عادي كل العالم الحين يسوون حفلا وخرابيط من هالشكل
قال هي قايله لك انها جارتها.؟
قلت ايه
قال طيب وش رايك انها كذابه وقايله لي انها رايحه لحفلة وحده متعرفه عليها بالنت!!!!

انا استغربت لاني قربت اصدقها من كثر ما حاولت فيها تعترف لي كانها رايحه لخويها
وهي مصره انها ريحه لحفلة جارتها

انا لما سمعت كلام زوجها
حسيت انه ممكن يلين
ويرجع وتاكدت جوا نفسي انا كانت عند خويها
المهم قلت له خف من الله ولا تتهمها بدون دليل كلها ظنون براسك لاعب بك الشيطان
وهي انا عارفتها معدنها ذهب وتخاف الله ولو ظعفت ودورت الحنان برا بيتك زي ما تقول انت مع ان هالحكي موب صحيح فهو من هجرك وقهرك لها
ومن خيانتك الي واضحه زي الشمس
آخر شي قلت له رجعها لغرفتها وخذها بحظنك ولا تخلي شياطين الانس والجن تدخل بينكم هي بامس الحاجه لك..


المهم رجلها حسبي الله عليه راح وقال لها ان صديقتك مكلمتني
وانها تقول انك تكذبين علي وانك رايحه لعزية جارتنا
وانها تقول كلام ماقلته
هي سكتت ماعلمتني
بس لمحت لي بمكالمه وقالت انا متاكده ان فيه احد يعلم رجلي عني لكن حسبي الله عليه وقعدت تدعي

انا اوجعني قلبي
رجعت ثانيه وكلمته وقلت له انت ماتخاف ربك الحرمه تتحيسب وتلمح انت قايل لها شي
قال لا
ماقلت
وعلى فكره ترها مواعدته كم مره وطالعه معه من عند السوق الفلاني
وانا السواق يعلمني بتحركاتها
وفيه عمال هنود بشقه مفروشه جنب بيتنا معلميني بعد<<الكلام لزوجها
وراح وقال لها اني مكلمته مره ثانيه
وهي ساكته ماعاتبتني وماقالت شي

المهم خويها كان له صديق يبي يعرفه على وحده وكانت تحاول معي اكلمه وتبي تقنعني انه راقي وكلامه يهبل
وانه بينسيني همومي
دقيت على خويها
مثلت اني موالفقه اكلم صديقه
وقلت انا ما ابي مكالمات ولف ودوران
انا ابي جلسه ووناسه زي يوم تطلعون هذيك المره يوم ماقدرت اجي معكم

قال ايه انا جبتها عندي ببيتنا وجلست انا واياها لين الفجر همن رجعتها والله استانسنا وفليناها
سكرت منه وانا مصدومه
ودقيت عليها وتطاقيت معها قلت انا ماتوقعتك بهالسؤ وهالخبث
رايحه معه لبيتهم وقادره تخبين علي وتخدعيني

المهم دقت عليه وهاوشته وعلمته انها ماقالت لي
اكتشف هو ان مكالمتي له موب عشان سواد عيونه بس
تسحيب عشان اكشفها
وطبعا ماهان عليه ان حرمه تلعب عليه وتسحب منه كلام زي البزران
واتصل علي
وقعد يسب فيني ويتلفض اقبح الالفاض ويهددني انه يتبلاني عند رجلي
قلت اعلى مابخيرك اركبه والي ماتطوله ايدك وصله برجلك
وانا ماغلطت عشان اخاف منك انا الي ابكلم اهلك يظفونك قاعد تغرر بوحده كبر امك ماتستحي على وجهك

قال انتي غايره منها
وتبين تكلمين رجلها وانتي وانتي وانتي
قعد يسب فيني ساعه ويزاعق زعاق شق اذني
ويهدد وانه بيوريني شي ماعمري شفته وانه بينكد علي حيااتي
حتى القتل هددني به
وصارت معلمته تفاصيل دقيقه بحيااتي واسرار كنت اتشكى لها منها ومشاكل بيني وبين رجلي او اهلي
وقعد يعلمني ويقو انا من شفتك
كذا وكذا وانا ادري انك منبوذه ومحد يبيك عشان كذا تغارين منها
وقعد يقول اشياء كنت ابوح بها لصديقتي مع الاسف الشديد

المهم انا قعدت اسبه كلماسبني وتطاول علي
وكل كلمه يقولها ارد عليه بعشر
وهي حسبي الله عليها عطته
اسمي كامل وارقامي انا ورجلي والبيت
وقام يدق عالبيت وعالجولات
ويزعجنا واذا رديت عليه يقعد يظحك ويقول ياويلك ماشفتي شي توك باول الطريق..

دقيت عليها وقلت انتي الحين ارخص عندي من ثمن المكالمه عشان كذا ماراح اعاتبك
بس فكيني منه احسن لك
وش رايكم انا منهاره مصدومه طيبتي ودتني بستين دهيه ارجوكم ساعدوني والي عندها نصيحه وكلمة طيبه ولا ماله داعي التجريح الي فيني يكفي

والله الذي لااله الاهو اني لوكنت عاهده منها هالحركات من قبل والله ما استمر معها ولا اعتبرها صديقه
واقسم بالله انها ما اتهبلت الا بعد شهر رمصان هالسنه
واقسم بالله ان ماقطع قلبي غير عيااالها مساكين يقطعون القلب
ولدها بال18 سنه والثاني 16
وعندها ثلاث بنات الله يستر على عواقبنا

وانا حسيت اني لازم انقذها وما اتخلا عنها لانها صديقتي من عمر وما شهدت عليها غير الاستقاامه
يعني حرام اخليها تظيع وانا واقفه اتفرج
وبعدين انا كنت عايشه معها عذابها لما كانت تعاني من خيانة رجلها وصوده عنها
مسكينه وصل بها الحال انها بدت تراجع عيادات نفسيه
الله يكفينا الشر يعني فعلا ذاقت العذاب والقهر
عشان كذا لازم اوقف معها وما اتخلى عنها بسرعه
مع ان خيانته موب مبرر لها
بس كان واجب علي احاول اصلحها
وعيالها والله حالتهم تبكي
تخيلي رجال وش كبره يشك بامه وش بيصير له هذا؟؟
وشلون بيقدر يعيش مرتاح؟
وبناتها قاعدين يتشكون على بنتي ويصيحوون يقولون ابوي طارد امي
وبيطلقها
واحنا ضايعين بينهم
وامي متغيره علينا صايره تنافخ وتصارخ علينا وبس
افهموني الله يخليكم

انا ما اقدر ارد كل شوي عشان عظوه جديده
بس والله متابعه باستمررااار
ووبديت احس ان الدنيا زي مافيها الشر فيها الخير
وان فيه ناس زيكم يعيدون للواحد توازنه
الله يجزاكم بالجنه يااارب