شاركي في النقاش

سجلي الدخول لإضافة تعليق.

التعليقات

3,327
  1. oxygenatom
    ريمو حقولك دكتور عادل قال ايه على نسب التحليل ده وحقولك المواقع الاجنبيه قالت ايه وانتى احكمى الحاجة التانية فى حالتى صعب نجمد اجنه لانه نادر نلاقى جنين من الدرجة الاولى علشان نجمده ... بصى انا رامية تكالى على ربنا وهو مش حيضيعنى ويظهر مك…
    أوكسى ..
    اولا تعليقا على حكاية انك دايما بتاخدى اخر عربيه فى القطر سواء قطر الزواج او قطر الحمل .. عايزة اقوللك حاجه مهمه ان محدش بياخد اكتر من نصيبه واللى مكتوب له مهما لف ولا دار فى الدنيا دى .. يعنى انتى مكتوب لك زوجك ده انه يكون اخر صبرك .. وشوفتى اخر صبرك كان ازاى .. شاب وفيه المواصفات اللى كنتى بتحلمى بيها وكنتى بتستبعديها ومع ذلك ربنا اكرمك بيها .. ده يخليكى تقولى لنفسك انك مخدتيش اخر قطر ولا حاجه بالعكس انتى صبرتى واخر الصبر خير .. ونفس اللى حصل لك فى الزواج هيحصل لك فى الحمل يعنى تصبرى وربنا هيبارك لك فى اخر بويضه اللى بتقولى عليها دى ولو انى بقول اخر بويضة وانا ليا تحفظ علي الكلمة دى .. بس مش ده مجالنا دلوقتى
    خلينى اعلق على التحليل .. بصى انا عجبتنى كلمه شوشو اوى بتاعه انك بعيدة عن الحد الادنى بمعدل كويس هو ده التفكير الايجابى اللى هيوصلك لنتيجة فعليه .. بصى للنقطة دى وركزى عليها وحطيها فى بالك على طول انك دلوقتى فى الاول ولسه فى قدامك وقت علشان نوصل للحد الادنى ده وطول ماحنا لسه ما قربنالهوش يبقى نشتغل ونركز فى العمليه وترتيباتها وده دلوقتى الاهم .. وموضوع تجميد الاجنه انتى بتقولى صعب نلاقى اجنه من الدرجة الاولى هو احنا يابنتى نعرف الغيب علشان نقول ده صعب .. فين التوكل على الله يا اوكسى ..
    المهم دلوقتى ما تديش لموضوع التحليل ده مساحة اكتر من اللازم خلاص احنا عرفنا النتيجة واخدنا المعلومة اللى كنا عايزينها منه بلاش تفصيص بقه يتعب القلب ونقعد نقول اصلنا اقل من المعدل الطبيعى اصل الرقم مش عارفه ماله .. تعالى ندخل على المفيد بقه .. والمفيد دلوقتى هو هتروحى امتى المستشفى اللى قاللك عليها دكتور عادل ؟
  2. المشتاقة لمكة
    أودعكم كما تودع الأوراق في خريفها الشجر فما عادت الحياة لى سعيدة وماعادت كما بالامس ضجر أفيق من غفلتى.. أريد لقائكم ولكن يأبى القدر الا ان يفرق حبيباااااااااااااااااااااااااتي بهذه الابيات الشعرية رايحة اودعكم بس ليا عودة بعد شهرين تق…
    مشمشة حبيبتى ..
    بلاش كلمة وداع دى احنا يا حبيبتى معاكى مكان ما تكونى لو فى اخر الدنيا احنا معاكى وانتى معانا .. كلامك صعب على قلبى اوى يا مشمشة .. مش عارفه اقوللك حاجه بعد ابيات الشعر اللى حطيتيها
    انتى والله اخت مفيش زيك فى اخلاصك ووفائك .. انتى مثال حىّ للصداقة البريئة النقية .. قلبك من ذهب نادر وجودك فى الزمن اللى بنعيشة ده .. انتى نوع مميز من البشر وده مش مدح فيكى ده وصف وياريتنى اقدر اوصفك زى ما بشوفك يا مشمشة وزى ما بحسّك .. انا معرفتش حد زيك قبل كده ومش ممكن هلاقى حد فى صفاتك علشان اعرفه تانى .. وانا سعيدة انى قابلتك فى حياتى وربنا يشهد انى احبك فيه واتمنى ان ربنا يجمعنا فى الدنيا والاخرة على حبه .. تروحى وترجعى مجبورة الخاطر يارب وترجعى لنا وانتى شايلة حلمك وفرحانة بيه يارب يا مشمشة
    :26::39::26:
  3. المشتاقة لمكة
    اوكسي حبيبة قلبي انا مش عايزة اضيف كلام كتير عن البنات بس انا اكتر واحدة حاسة بيك عشان انا من سنة ونص سمعت نفس الكلام اللي قالهولك املك ضعيف ماتتصوريش حالة الياس اللي عشتها ومدى الحزن اللي مريت بيه:( بس دايما لازم الانسان يحط امل قدامو ع…
    مشمشة حبيبة قلبى ... والله انا مسلمة امرى لله بس باخد بالاسباب وبالنسبة لدكتور عادل هو كده دايما صريح ومايحبش يشعلق حد فى امل كداب ... بس الامل دايما فى الله ...

    هو ما قالش ليا مباشرة امل ضعيف هو كتب على ظهر الروشته ان النسبة لما تبقى من 0.5 لحد 1.5 يبقى امل ضعيف فأنا عديت نفسى فى النسبة دى ...

    بس المفاجأه انى بعتله التحاليل امبارح ورد عليا بالنص

    التحليل جيد و لم نكن لنحلم بأفضل من هذا توكلى على الله بكل التوفيق

    فتخيلى لما دكتور عادل يقول كده يبقى الحمد لله ...
    بالنسبة ليكى محدش يقدر يجذم ان المرض وصل لبطانه الرحم لأن انا سمعت د.عادل نفسه بيقول مافيش تحليل او حتى عينه من الرحم تجزم ان حصل فيه مشكله ... وفى الغالب المرض بيتلف الانابيب بس ... فليه نقدر بلى قد لا يكون موجود ... وبعدين ربنا فوق الكل ... الدكاترة مجرد اسباب وياما ناس خرجوا من عند الدكاترة معيطين علشان قالولهم مانقدرش حتى نعمل حقن مجهرى علشان مافيش امل ان المبايض تستجيب للتنشيط وده حصل مع واحدة تحليل AMH = اقل من 0.5 ... ولما سلمت امرها لله ونسيت موضوع الخلفة وكانت المفاجأه انها حملت طبيعى بعد شهر من خروجها من عند الدكتور ...

    كل اللى مقدر علينا سوف ينفذ شئنا ام ابينا ...
  4. المشتاقة لمكة
    أودعكم كما تودع الأوراق في خريفها الشجر فما عادت الحياة لى سعيدة وماعادت كما بالامس ضجر أفيق من غفلتى.. أريد لقائكم ولكن يأبى القدر الا ان يفرق حبيباااااااااااااااااااااااااتي بهذه الابيات الشعرية رايحة اودعكم بس ليا عودة بعد شهرين تق…
    مشمشمة .... بالتوفييييق .... الاخبار الحلوة مستنينها منك .... ربنا ان شاء الله حيبدل كل لحظة حزن مريتى بيها للحظة فرح ..... ياريت تعرفى تدخلى من تونس اصل شهرين مده كبيرة قوى

    حتوحشينا ... حتوحشينا .... وانتى وحشانه والله من دلوقت ... وبعدين علمينا العامية بتاعتكم ... اكتبى الكلمة ومايرادفها بالفصحى واحنا حناخد المفتاح ده ونترجم بيه كل كلامك العسل يا عسل

تابعي تجارب أخرى من هذا القسم.